ക​ട​ലി​ൽ ക​ല​ക്കി​യ കോ​ടി​ക​ൾ

ജൂ​ണി​ൽ ക​ണ്ട പൂ​ന്തു​റ​യ​ല്ല ജൂ​ലൈ​യി​ലേ​ത്. തീ​ര​ത്തി​​ന്റെ ചേ​ലും കോ​ല​വു​മാ​കെ മാ​റി. ക​ല്ലു​ക​ളാ​ൽ സൃ​ഷ്ടി​ച്ച അ​സ്ഥി​പ​ഞ്ജ​രം പോ​ലു​​ണ്ട്. തീ​ര​ത്തെ മ​ണ്ണെ​ല്ലാം ക​ട​ലെ​ടു​ത്തു​കൊ​ണ്ടു​പോ​യി. ഏ​താ​നും മാ​സം ക​ഴി​ഞ്ഞാ​ൽ ആ ​മ​ണ​ൽ തി​രി​കെ​യെ​ത്തു​ന്ന​തോ​ടെ പ​ഴ​യ തീ​രം പു​നഃ​സൃ​ഷ്ടി​ക്കും. ക​ര​യെ​ടു​പ്പും ക​ര​വെ​പ്പും എ​ന്നാ​ണ് ഇ​ത​റി​യ​പ്പെ​ടു​ന്ന​ത്. മ​ൺ​സൂ​ണി​ൽ എ​ടു​ത്തു​കൊ​ണ്ടു​പോ​കു​ന്ന മ​ണ​ൽ മാ​സ​ങ്ങ​ൾ​ക്കു​ശേ​ഷം യ​ഥാ​സ്ഥാ​ന​ത്ത് എ​ത്തു​ന്ന സ്വാ​ഭാ​വി​ക പ്ര​ക്രി​യ. പ​ക്ഷേ, തൊ​ട്ട​ടു​ത്ത് ഹാ​ർ​ബ​റോ പു​ലി​മു​ട്ടോ നി​ർ​മി​ക്കു​മ്പോ​ൾ ഈ ​പ്ര​ക്രി​യ​ക്ക് കോ​ട്ടം വ​രും. ഇ​ങ്ങ​നെ അ​ടി​യു​ന്ന മ​ണ​ൽ വാ​രി​ക്കൂ​ട്ടി വി​റ്റാ​ലും തീ​ര​ത്തി​ന്റെ സ്വാ​ഭാ​വി​ക​ത​ക്ക് തി​രി​ച്ച​ടി​യാ​വും.

വി​ഴി​ഞ്ഞം തു​റ​മു​ഖ​ത്തി​ന്റെ പ്ര​വൃ​ത്തി ന​ട​ക്കു​ന്ന​തി​നാ​ൽ ഇ​ത്ത​വ​ണ മ​ണ​ൽ തി​രി​ച്ചു​വ​രു​മോ​യെ​ന്ന​ത് ക​ണ്ട​റി​യ​ണ​മെ​ന്നാ​ണ് പൂ​ന്തു​റ​യി​ലെ മ​ത്സ്യ​ത്തൊ​ഴി​ലാ​ളി ജോ​യ് അ​ൽ​ക്കൂ​സി​ന്റെ ആ​ശ​ങ്ക. ക​ട​ൽ​ഭി​ത്തി​ക്കാ​യി കു​റെ ക​രി​ങ്ക​ല്ലു​ക​ൾ പാ​കു​മ്പോ​ൾ തീ​ര​വാ​സി​ക​ൾ​ക്ക് ആ​ശ്വാ​സം തോ​ന്നാ​മെ​ങ്കി​ലും തീ​ര​ശോ​ഷ​ണ​ത്തി​നു​ള്ള സ്ഥി​രം പ​രി​ഹാ​ര​മ​ല്ല ഇ​തെ​ന്നാ​ണ് വി​വി​ധ പ​ഠ​ന റി​​പ്പോ​ർ​ട്ടു​ക​ൾ ചൂ​ണ്ടി​ക്കാ​ട്ടു​ന്ന​ത്. എ​ത്ര പ​ഠ​ന​ങ്ങ​ൾ ഉ​ണ്ടാ​കു​മ്പോ​ഴും സ​ർ​ക്കാ​റി​ന് ഇ​ഷ്ടം ക​രി​ങ്ക​ല്ലു​കൊ​ണ്ടു​ള്ള ക​ട​ൽ​ഭി​ത്തി​യി​ലാ​ണ്. പ​ശ്ചി​മ​ഘ​ട്ടം തു​ര​ന്ന് തീ​രാ​റാ​യി​ട്ടും അ​റ്റ​കു​റ്റ​പ്പ​ണി​യെ​ന്ന പേ​രി​ൽ ഇ​പ്പോ​ഴും ക​രി​ങ്ക​ൽ പാ​കു​ന്ന ജോ​ലി​യാ​ണ് പ്ര​ധാ​നം. ആ​റ് വ​ർ​ഷ​ത്തി​നി​ടെ തീ​ര​ദേ​ശ വി​ക​സ​ന​ത്തി​ന് 11,500 കോ​ടി സ​ർ​ക്കാ​ർ ചെ​ല​വ​ഴി​ച്ചു. ഇ​തി​ൽ 7,000 കോ​ടി​യും തീ​ര​സം​ര​ക്ഷ​ണ​ത്തി​നാ​യി​രു​​ന്നു. 2021-22 ബ​ജ​റ്റി​ൽ 5300 കോ​ടി​യാ​ണ് വ​ക​യി​രു​ത്തി​യ​ത്. ഈ ​സ​ർ​ക്കാ​ർ അ​ധി​കാ​ര​ത്തി​ൽ വ​ന്ന ശേ​ഷം കി​ഫ്ബി വ​ഴി 1,500 കോ​ടി​യു​ടെ ഭ​ര​ണാ​നു​മ​തി​യും ന​ൽ​കി.

ഇ​ത്ര​യും വ​ലി​യ തു​ക വ​ക​യി​രു​ത്തു​മ്പോ​ഴും തീ​ര​സം​ര​ക്ഷ​ണം ​ഏ​കോ​പി​പ്പി​ക്കു​ന്ന​തി​ന് ഒ​രു സം​വി​ധാ​ന​വു​മി​ല്ല. മേ​ജ​ർ ഇ​റി​ഗേ​ഷ​ൻ വ​കു​പ്പ്, തു​റ​മു​ഖ വ​കു​പ്പ്, ഫി​ഷ​റീ​സ് വ​കു​പ്പ്, തീ​ര​ദേ​ശ വി​ക​സ​ന കോ​ർ​പ​റേ​ഷ​ൻ തു​ട​ങ്ങി​യ​വ​യാ​ണ് തീ​ര​സം​ര​ക്ഷ​ണ പ്ര​വൃ​ത്തി​ക​ൾ നി​ർ​വ​ഹി​ക്കു​ന്ന​ത്. തീ​ര​ദേ​ശ പ്ര​വൃ​ത്തി​ക​ളി​ൽ ബ​ഹു​ഭൂ​രി​പ​ക്ഷ​വും നി​ർ​വ​ഹി​ക്കു​ന്ന​ത് മേ​ജ​ർ ഇ​റി​ഗേ​ഷ​ൻ വ​കു​പ്പാ​ണ്. ​

ക​രി​ങ്ക​ൽ ഭി​ത്തി​ക്ക് 15 കോ​ടി, ടെ​ട്രാ​പോ​ഡ് ഭി​ത്തി​ക്ക് 40 കോ​ടി

ക​രി​ങ്ക​ല്ല് കൊ​ണ്ടു​ള്ള ക​ട​ൽ​ഭി​ത്തി നി​ർ​മാ​ണ​ത്തി​ന് ഒ​രു മീ​റ്റ​റി​ന് ഒ​ന്ന​ര ല​ക്ഷം രൂ​പ​യാ​ണ് ചെ​ല​വ്. അ​ങ്ങ​നെ കി​ലോ​മീ​റ്റ​റി​ന് 15 കോ​ടി രൂ​പ. ചി​ല​യി​ട​ത്ത് കി​ലോ​മീ​റ്റ​റി​ന് 18ഉം 20​ഉം കോ​ടി​വ​​രെ ചെ​ല​വാ​കു​ന്നു.

ക​രി​ങ്ക​ല്ല് ഭി​ത്തി​യു​ടെ പു​ന​രു​ദ്ധാ​ര​ണ​ത്തി​ന് (അ​റ്റ​കു​റ്റ​പ്പ​ണി) കി​ലോ​മീ​റ്റ​റി​ന് ഒ​മ്പ​തു കോ​ടി​യാ​ണ് ചെ​ല​വ്. ടെ​ട്രാ​പോ​ഡ് ഉ​പ​യോ​ഗി​ച്ചു​ള്ള ക​ട​ൽ​ഭി​ത്തി​ക്ക് മീ​റ്റ​റി​ന് നാ​ല് ല​ക്ഷം രൂ​പ ചെ​ല​വ്. അ​ങ്ങ​നെ കി​ലോ​മീ​റ്റ​റി​ന് 40 കോ​ടി രൂ​പ​യും. ടെ​ട്രാ​പോ​ഡി​ന്റെ അ​ള​വി​ന​നു​സ​രി​ച്ചാ​ണ് ഈ ​തു​ക ക​ണ​ക്കാ​ക്കു​ന്ന​ത്. ഒ​ന്ന​ര ട​ൺ മു​ത​ൽ 12 ട​ൺ​വ​രെ​യു​ള്ള ടെ​ട്രാ​പോ​ഡാ​ണ് ക​ട​ൽ​ഭി​ത്തി നി​ർ​മാ​ണ​ത്തി​ന് ഉ​പ​യോ​ഗി​ക്കു​ന്ന​ത്. 344 കോ​ടി രൂ​പ​യു​ടെ പ​ദ്ധ​തി​യാ​ണ് ചെ​ല്ലാ​ന​ത്ത് പ​രീ​ക്ഷി​ച്ച​ത്.

കേ​ര​ള തീ​ര​ത്തി​ന്റെ 400 കി​ലോ​മീ​റ്റ​റി​ൽ ക​ട​ൽ​ഭി​ത്തി ഉ​ൾ​പ്പെ​ടെ​യു​ള്ള പ​ദ്ധ​തി​ക​ൾ ന​ട​പ്പാ​ക്കി​യെ​ന്നാ​ണ് സ​ർ​ക്കാ​റി​ന്റെ കു​റ​ച്ച് മു​മ്പു​ള്ള ക​ണ​ക്ക്. ഇ​ത്ര​യും കോ​ടി​ക​ൾ ചെ​ല​വ​ഴി​ച്ചി​ട്ടും തീ​ര​ശോ​ഷ​ണം ത​ട​യാ​ൻ ക​ഴി​ഞ്ഞി​ട്ടി​ല്ലെ​ന്ന യാ​ഥാ​ർ​ഥ്യം മ​റ​ന്നാ​ണ് സ​ർ​ക്കാ​റി​ന്റെ പ്ര​വ​ർ​ത്ത​നം. എ​നല്ലാ വ​ർ​ഷ​വും ക​ല്ലി​ടു​ന്ന ഒ​രു പ്ര​ത്യേ​ക പ​ദ്ധ​തി​യാ​ണ് കേ​ര​ള​ത്തി​ലെ തീ​ര​സം​ര​ക്ഷ​ണം. ക​ട​ലി​നും പ്ര​കൃ​തി​ക്കും ദോ​ഷ​മാ​യ ക​ല്ലി​ട​ലി​ൽ ഒ​രു പു​ന​​രാ​ലോ​ച​ന​യു​മി​ല്ല.

ക​ല്ലി​ട​ലി​നു പു​റ​മെ ജി​യോ ട്യൂ​ബ്, ജി​യോ ടെ​ക്സ്റ്റ​യി​ൽ ട്യൂ​ബ് തു​ട​ങ്ങി​യ പ​ദ്ധ​തി​ക​ളാ​ണ് സ​ർ​ക്കാ​ർ ഇ​പ്പോ​ൾ ന​ട​പ്പാ​ക്കു​ന്ന​ത്. ജി​യോ ട്യൂ​ബി​ന് ക​രി​ങ്ക​ല്ല് ഭി​ത്തി​യു​ടെ അ​ത്ര​യും ചെ​ല​വാ​ണ് വ​രു​ന്ന​ത്. ജി​യോ ടെ​ക്സ്റ്റ​യി​ൽ ട്യൂ​ബി​ന് നൂ​റു​മീ​റ്റ​റി​ന് 28,000 രൂ​പ ചെ​ല​വ് വ​രും. പ്ര​ത്യേ​ക ത​രം തു​ണി​യി​ൽ മ​ണ​ൽ നി​റ​ച്ചു​കൊ​ണ്ടു​ള്ള പ​ദ്ധ​തി. അ​ടി​യ​ന്ത​ര ആ​വ​ശ്യ​ങ്ങ​ൾ​ക്കാ​ണ് ഇ​തു​പ​യോ​ഗി​ക്കു​ന്ന​ത്.

തീ​ര​ദേ​ശ ജി​ല്ല​ക​ളി​ലെ തു​ക വി​നി​യോ​ഗ ക​ണ​ക്ക് (ഇ​റി​ഗേ​ഷ​ൻ വ​കു​പ്പ് 2017 മു​ത​ൽ 2022വ​രെ ചെ​ല​വ​ഴി​ച്ച​ത്)

തി​രു​വ​ന​ന്ത​പു​രം

ആ​കെ തീ​രം- 78 കി.​മീ. ആ​കെ പ്ര​വൃ​ത്തി​ക​ൾ-52 എ​ണ്ണം. ആ​കെ ചെ​ല​വ​ഴി​ച്ച തു​ക- 22.05 കോ​ടി. ജി​ല്ല​യി​ൽ ഏ​റ്റ​വും കൂ​ടു​ത​ൽ തു​ക ചെ​ല​വ​ഴി​ച്ച​ത് ബീ​മാ​പ​ള്ളി ചെ​റി​യ തു​റ ഭാ​ഗം - 16.60 കോ​ടി രൂ​പ.

കൊല്ലം

ആ​കെ തീ​രം-37 കി.​മീ, ആ​കെ പ്ര​വൃ​ത്തി​ക​ൾ- 60. ആ​കെ ചെ​ല​വ​ഴി​ച്ച​ത്- 23.20 കോ​ടി. ക​രി​ങ്ക​ൽ ഭി​ത്തി, ജി​യോ ബാ​ഗ് ഉ​ൾ​പ്പെ​ടെ​യു​ള്ള പ​ദ്ധ​തി​ക​ളാ​ണ് ന​ട​പ്പാ​ക്കി​യ​ത്. ഏ​റ്റ​വും കൂ​ടു​ത​ൽ തു​ക ചെ​ല​വ​ഴി​ച്ച​ത് ക​രു​നാ​ഗ​പ്പ​ള്ളി നി​യോ​ജ​ക മ​ണ്ഡ​ല​ത്തി​ൽ - 9.37കോ​ടി.

ആലപ്പുഴ

ആ​കെ തീ​രം- 82 കി.​മീ. ആ​കെ പ്ര​വൃ​ത്തി​ക​ൾ- 72 എ​ണ്ണം. ആ​കെ ചെ​ല​വ​ഴി​ച്ച​ത്- 14.02 കോ​ടി. ഏ​റ്റ​വും കൂ​ടു​ത​ൽ തു​ക ചെ​ല​വ​ഴി​ച്ച​ത് ആ​ല​പ്പു​ഴ ക​ട​ൽ​തീ​ര​ത്ത്- 3.78കോ​ടി. ക​രി​ങ്ക​ല്ലി​നു പു​റ​മെ ഒ​ട്ടേ​റെ പ​ദ്ധ​തി​ക​ൾ ന​ട​പ്പാ​ക്കു​ന്നു.

എറണാകുളം

ആ​കെ തീ​രം - 46 കി.​മീ. 2021ലും 2022​ലു​മാ​യി ചെ​ല​വ​ഴി​ച്ച​ത് 12.63 കോ​ടി. ഏ​റ്റ​വും കൂ​ടു​ത​ൽ തു​ക ചെ​ല​വ​ഴി​ച്ച​ത് ചെ​ല്ലാ​ന​ത്ത് - 4.7കോ​ടി. 7.35 കി​ലോ​മീ​റ്റ​റി​ൽ 344കോ​ടി​യു​ടെ പു​തി​യ പു​ലി​മു​ട്ട് കൂ​ടാ​തെ​യാ​ണി​ത്. ചെ​ല്ലാ​നം, എ​ട​വ​ന​ക്കാ​ട് എ​ന്നി​വി​ട​ങ്ങ​ളി​ലാ​ണ് ക​ല്ലി​ട​ൽ അ​ല്ലാ​ത്ത പ​ദ്ധ​തി​ക​ൾ ന​ട​പ്പാ​ക്കി​യ​ത്.

തൃ​ശൂ​ർ

ആ​കെ തീ​രം- 54 കി.​മീ. ഏ​റ്റ​വും കൂ​ടു​ത​ൽ ഫ​ണ്ട് ചെ​ല​വ​ഴി​ച്ച​ത് കൊ​ടു​ങ്ങ​ല്ലൂ​ർ താ​ലൂ​ക്കി​ൽ- 3.80കോ​ടി രൂ​പ. ക​ല്ലി​ട​ൽ അ​ല്ലാ​ത്ത പ​ദ്ധ​തി​ക​ളും ന​ട​പ്പാ​ക്കി.

മ​ല​പ്പു​റം

ആ​കെ തീ​രം- 70 കി.​മീ. ആ​കെ പ്ര​വൃ​ത്തി- 54. ആ​കെ ചെ​ല​വ​ഴി​ച്ച​ത്- 27.33 കോ​ടി. ഏ​റ്റ​വും കൂ​ടു​ത​ൽ തു​ക ചെ​ല​വ​ഴി​ച്ച​ത് പെ​രു​മ്പ​ട​പ്പ് പ​ഞ്ചാ​യ​ത്തി​ലെ അ​ജ്മീ​ർ ന​ഗ​റി​ൽ - 1.65കോ​ടി. 2017ൽ ​ചെ​ല​വ​ഴി​ച്ച 350മീ​റ്റ​ർ ക​ട​ൽ​ഭി​ത്തി​യു​ടെ പു​ന​രു​ദ്ധാ​ര​ണ​ത്തി​നാ​ണ് ഇ​ത്ര​യും തു​ക വീ​ണ്ടും ചെ​ല​വ​ഴി​ച്ച​ത്.

കോ​ഴി​ക്കോ​ട്

ആ​കെ തീ​രം- 71 കി.​മീ. ആ​കെ പ്ര​വൃ​ത്തി​ക​ൾ- 51. ആ​കെ ചെ​ല​വ​ഴി​ച്ച​ത്- 8.17 കോ​ടി. കാ​പ്പാ​ട് ആ​ണ് ഏ​റ്റ​വും കൂ​ടു​ത​ൽ തു​ക വി​നി​യോ​ഗി​ച്ച​ത്- 1.33കോ​ടി. വ​ട​ക​ര ന​ഗ​ര​സ​ഭ​യി​ലെ കു​രി​യാ​ടി​യി​ൽ 92.27 ല​ക്ഷ​ത്തി​ന്റെ പ്ര​വൃ​ത്തി​യും ന​ട​ത്തി. എ​ല്ലാ ജോ​ലി​യും ക​രി​ങ്ക​ല്ലു​കൊ​ണ്ട് മാ​ത്രം.

കണ്ണൂർ

ആ​കെ തീ​രം- 82 കി.​മീ. ആ​കെ പ്ര​വൃ​ത്തി- 38 എ​ണ്ണം. ആ​കെ ചെ​ല​വ​ഴി​ച്ച​ത്- 8.17കോ​ടി. ഏ​റ്റ​വും കൂ​ടു​ത​ൽ തു​ക വി​നി​യോ​ഗി​ച്ച​ത് മാ​ട്ടൂ​ൽ ഗ്രാ​മ​പ​ഞ്ചാ​യ​ത്തി​ൽ- 72.39ല​ക്ഷം. എ​ല്ലാ​പ്ര​വൃ​ത്തി​ക​ളും ക​രി​ങ്ക​ല്ല് ഉ​പ​യോ​ഗി​ച്ച്.

കാ​സ​ർ​കോ​ട്

ആ​കെ തീ​രം- 70 ആ​കെ പ്ര​വൃ​ത്തി​ക​ൾ- 24. ആ​കെ ചെ​ല​വ​ഴി​ച്ച​ത്- 7.93 കോ​ടി. ഏ​റ്റ​വും കൂ​ടു​ത​ൽ തു​ക വി​നി​യോ​ഗി​ച്ച​ത് ചേ​ര​​​ൈ​ങ്ക ക​ട​പ്പു​റ​ത്ത്- 2.31​കോ​ടി. ക​രി​ങ്ക​ല്ലും ജി​യോ ബാ​ഗും ഉ​പ​യോ​ഗി​ച്ചു​ള്ള പ​ദ്ധ​തി​ക​ൾ ന​ട​പ്പാ​ക്കി.

(സം​സ്ഥാ​ന​ത്ത് ഇ​ക്കാ​ല​യ​ള​വി​ൽ ഏ​റ്റ​വും കൂ​ടു​ത​ൽ ഫ​ണ്ട് വി​നി​യോ​ഗി​ച്ച​ത് കോ​ഴി​ക്കോ​ട് ജി​ല്ല​യി​ൽ- 21.27കോ​ടി രൂ​പ. 2022-23ലെ ​ക​ണ​ക്ക് ഇ​തി​നു പു​റ​മെ​യാ​ണ്)

(തു​ട​രും)