‘വിദ്യാധനം’ ധനികരുടെ കൈപ്പിടിയിലൊതുങ്ങുമ്പോൾ

രാ​ജ്യ​ത്തെ മു​ൻ​നി​ര ഉ​ന്ന​ത വി​ദ്യാ​ഭ്യാ​സ​സ്ഥാ​പ​ന​ങ്ങ​ളി​ൽ പ്ര​വേ​ശ​നം നേ​ടു​ന്ന​തി​നു​ള്ള പ്ര​ഥ​മ ക​ട​മ്പ​യാ​യ ജോ​യ​ന്റ് എ​ൻ​ട്ര​ൻ​സ് എ​ക്സാ​മി​നേ​ഷ​ൻ(​ജെ.​ഇ.​ഇ മെ​യി​ൻ)​ഫ​ലം പു​റ​ത്തു​വ​ന്നി​രി​ക്കു​ന്നു. ഇ​ക്കു​റി പ​രീ​ക്ഷ​ക്കി​രു​ന്ന 11.26 ല​ക്ഷം വി​ദ്യാ​ർ​ഥി​ക​ളി​ൽ 2.49 ല​ക്ഷം പേ​രാ​ണ് ജെ.​ഇ.​ഇ അ​ഡ്വാ​ൻ​സ്ഡ് പ​രീ​ക്ഷ​ക്കി​രി​ക്കാ​ൻ അ​ർ​ഹ​ത നേ​ടി​യ​ത്. 90.77 ശ​ത​മാ​ന​മോ അ​തി​ന് മു​ക​ളി​ലോ മാ​ർ​ക്ക് നേ​ടി​യ​വ​ർ​ക്കാ​ണ് ജ​ന​റ​ൽ വി​ഭാ​ഗ​ത്തി​ൽ ജെ.​ഇ.​ഇ അ​ഡ്വാ​ൻ​സ്ഡി​ന് യോ​ഗ്യ​ത. ക്രീ​മി​ലെ​യ​ർ വി​ഭാ​ഗ​ത്തി​ൽ​പെ​ടാ​ത്ത മ​റ്റു പി​ന്നാ​ക്ക സ​മു​ദാ​യ (ഒ.​ബി.​സി) വി​ദ്യാ​ർ​ഥി​ക​ൾ​ക്ക് 73.61ശ​ത​മാ​നം, പ​ട്ടി​ക​ജാ​തി വി​ദ്യാ​ർ​ഥി​ക​ൾ​ക്ക് 51.97 ശ​ത​മാ​നം, പ​ട്ടി​ക​വി​ഭാ​ഗ വി​ദ്യാ​ർ​ഥി​ക​ൾ​ക്ക് 37.23 ശ​ത​മാ​നം എ​ന്നി​ങ്ങ​നെ​യാ​ണ് യോ​ഗ്യ​ത മാ​ർ​ക്ക്. ക​ട്ട്ഓ​ഫ് മാ​ർ​ക്കി​ലെ ഈ ​വ്യ​തി​യാ​നം, സം​വ​ര​ണം അ​ന്യാ​യ​മാ​ണ് എ​ന്ന് വാ​ദി​ക്കാ​നും സ്ഥാ​പി​ക്കാ​നും സ​മൂ​ഹ​ത്തി​ലെ സം​വ​ര​ണ വി​രു​ദ്ധ​ർ​ക്ക് ബ​ല​മേ​കി​യേ​ക്കും.

എ​ന്നാ​ൽ, ദ​ലി​ത​രു​ൾ​പ്പെ​ടെ സ​മൂ​ഹ​ത്തി​ലെ പാ​ർ​ശ്വ​വ​ത്കൃ​ത വി​ഭാ​ഗ​ങ്ങ​ൾ​ക്ക് ഗു​ണ​മേ​ന്മ​യു​ള്ള ഉ​ന്ന​ത സാ​ങ്കേ​തി​ക വി​ദ്യാ​ഭ്യാ​സം നേ​ടാ​ൻ സാ​ധ്യ​ത തു​ലോം കു​റ​വാ​ണെ​ന്ന കാ​ര്യം മ​ന​സ്സി​ലാ​ക്ക​പ്പെ​ടു​ന്നി​ല്ല.ഉ​ദാ​ഹ​ര​ണ​ത്തി​ന് രാ​ജ്യ​ത്തെ മു​സ്‍ലിം ന്യൂ​ന​പ​ക്ഷ​ത്തി​ന്റെ കാ​ര്യ​മെ​ടു​ക്കു​ക. രാ​ജ്യ​ത്തി​ന്റെ പ​ല ഭാ​ഗ​ങ്ങ​ളി​ലും ദ​രി​ദ്ര​രി​ൽ ദ​രി​ദ്ര​രാ​യ അ​വ​ർ​ക്ക് പ്ര​വേ​ശ​ന​ത്തി​ൽ സം​വ​ര​ണം നി​ഷേ​ധി​ക്ക​പ്പെ​ട്ട​തി​നാ​ൽ, ഉ​ന്ന​ത വി​ദ്യാ​ഭ്യാ​സ മേ​ഖ​ല​യി​ൽ പൊ​തു​വെ​യും ഉ​ന്ന​ത സ്ഥാ​പ​ന​ങ്ങ​ളി​ൽ പ്ര​ത്യേ​കി​ച്ചും അ​വ​രു​ടെ പ​ങ്കാ​ളി​ത്തം വ​ള​രെ കു​റ​വാ​ണ്; കൂ​ടു​ത​ൽ കൃ​ത്യ​മാ​യി പ​റ​ഞ്ഞാ​ൽ പ​ട്ടി​ക​ജാ​തി സ​മൂ​ഹ​ത്തേ​ക്കാ​ൾ കു​റ​വ്.

മെ​റി​റ്റ് യ​ഥാ​ർ​ഥ​ത്തി​ൽ ഒ​രു സാ​മൂ​ഹി​ക നി​ർ​മി​തി​യാ​ണ്. സാ​മൂ​ഹി​ക​വും സാം​സ്കാ​രി​ക​വും സാ​മ്പ​ത്തി​ക​വു​മാ​യ നി​ര​വ​ധി ഘ​ട​ക​ങ്ങ​ൾ മെ​റി​റ്റി​ൽ സു​പ്ര​ധാ​ന പ​ങ്കു​വ​ഹി​ക്കു​ന്നു. ദ​രി​ദ്ര​രും അ​ധഃ​സ്ഥി​ത​രും പി​ന്നാ​ക്ക​ക്കാ​രു​മാ​യ മ​നു​ഷ്യ​ർ​ക്ക് അ​വ​രു​ടെ സാ​മൂ​ഹി​ക-​സാ​മ്പ​ത്തി​ക-​സാം​സ്കാ​രി​ക അ​വ​സ്‍ഥ​യും സാ​ഹ​ച​ര്യ​ങ്ങ​ളും കാ​ര​ണം പ​ല​പ്പോ​ഴും മു​ഴു​വ​ൻ ക​ഴി​വു​ക​ളും തി​രി​ച്ച​റി​യാ​നോ പ്ര​കാ​ശി​പ്പി​ക്കാ​നോ ക​ഴി​യാ​റി​ല്ല.

ഫ​ല​പ്ര​ഖ്യാ​പ​ന​ത്തി​ന് പി​റ​കെ കൂ​ടു​ത​ൽ വി​ജ​യി​ക​ളെ സൃ​ഷ്ടി​ച്ച​ത് ഞ​ങ്ങ​ളാ​ണെ​ന്ന അ​റി​യി​പ്പു​മാ​യി പ​രി​ശീ​ല​ന കേ​ന്ദ്ര​ങ്ങ​ളു​ടെ ഹോ​ർ​ഡി​ങ്ങു​ക​ൾ നാ​ടാ​കെ ഉ​യ​രു​ന്നു, പ​ത്ര​ങ്ങ​ളി​ൽ മു​ഴു​പ്പേ​ജ് പ​ര​സ്യ​ങ്ങ​ൾ വ​രു​ന്നു. നി​യ​ന്ത്ര​ണ​ങ്ങ​ളേ​തു​മി​ല്ലാ​തെ പ്ര​വ​ർ​ത്തി​ക്കു​ന്ന ഇ​ത്ത​രം പ​രി​ശീ​ല​ന​കേ​ന്ദ്ര​ങ്ങ​ൾ വി​ദ്യാ​ർ​ഥി​ക​ളി​ൽ നി​ന്ന് ക​ന​ത്ത നി​ര​ക്കാ​ണ് ഈ​ടാ​ക്കു​ന്ന​ത്. സാ​മ്പ​ത്തി​ക​മാ​യും സാ​മൂ​ഹി​ക​മാ​യും പി​ന്നാ​ക്കം നി​ൽ​ക്കു​ന്ന കു​ട്ടി​ക​ൾ​ക്ക് താ​ങ്ങാ​നാ​വു​ന്ന​തി​ലും അ​പ്പു​റ​മാ​ണ് പ​രി​ശീ​ല​ന​കേ​ന്ദ്ര​ങ്ങ​ൾ. മ​റ്റു പ​ല അ​ത്യാ​വ​ശ്യ​ങ്ങ​ളും മാ​റ്റി​വെ​ച്ച് പ​ണം സ്വ​രൂ​പി​ച്ചാ​ണ് ഇ​ട​ത്ത​ര​ക്കാ​ർ പോ​ലും മ​ക്ക​ളെ പ​രി​ശീ​ല​ന​ത്തി​ന​യ​ക്കു​ന്ന​ത്. അ​തു​കൊ​ണ്ടു​ത​ന്നെ, മി​ക​ച്ച പ​രി​ശീ​ല​ന​കേ​ന്ദ്ര​ങ്ങ​ൾ അ​പ്രാ​പ്യ​മാ​യ​തി​നാ​ൽ പ​രീ​ക്ഷ​യി​ൽ കു​റ​ഞ്ഞ സ്കോ​ർ നേ​ടി​യ​വ​രെ​ല്ലാം അ​യോ​ഗ്യ​രാ​ണെ​ന്ന് പ​റ​യാ​ൻ ക​ഴി​യു​മോ?

രാ​ജ്യ​ത്തെ​മ്പാ​ടു​മാ​യി ഏ​ക​ദേ​ശം അ​മ്പ​ത് സ്കൂ​ൾ വി​ദ്യാ​ഭ്യാ​സ ബോ​ർ​ഡു​ക​ളെ​ങ്കി​ലു​മു​ണ്ട്. സെ​ൻ​ട്ര​ൽ ബോ​ർ​ഡ് ​ഓ​ഫ് സെ​ക്ക​ൻ​ഡ​റി എ​ജു​ക്കേ​ഷ​ൻ (സി.​ബി.​എ​സ്.​ഇ) അ​തി​ലൊ​ന്നാ​ണ്. ഇ​ന്ത്യ​യൊ​ട്ടു​ക്ക് സാ​ന്നി​ധ്യ​മു​ണ്ടെ​ങ്കി​ലും രാ​ജ്യ​ത്ത് പ്ല​സ് ടു ​പ​ഠ​നം പൂ​ർ​ത്തി​യാ​ക്കു​ന്ന​വ​രി​ൽ പ​ത്തു ശ​ത​മാ​നം മാ​​ത്ര​മെ വ​രൂ സി.​ബി.​എ​സ്.​ഇ വി​ദ്യാ​ർ​ഥി​ക​ൾ. എ​ന്നാ​ൽ, ഒ​ട്ടു​മി​ക്ക പ്ര​വേ​ശ​ന പ​രീ​ക്ഷ​ക​ളും സി.​ബി.​എ​സ്.​ഇ സി​ല​ബ​സി​ന​നു​സൃ​ത​മാ​യി ചി​ട്ട​പ്പെ​ടു​ത്തു​ന്ന​തി​നാ​ൽ ആ ​വി​ദ്യാ​ർ​ഥി​ക​ൾ​ക്ക് അ​ത് ഗു​ണ​ക​ര​മാ​വു​ന്നു. സം​സ്ഥാ​ന വി​ദ്യാ​ഭ്യാ​സ ബോ​ർ​ഡു​ക​ൾ​ക്ക് കീ​ഴി​ൽ പ​ഠി​ച്ചു വ​ള​രു​ന്ന കു​ട്ടി​ക​ളു​ടെ വി​ജ​യ​ശ​ത​മാ​നം പ​ല​പ്പോ​ഴും വ​ള​രെ കു​റ​വാ​ണ്. സം​സ്ഥാ​ന വി​ദ്യാ​ഭ്യാ​സ ബോ​ർ​ഡു​ക​ൾ മോ​ശ​മാ​യ​തു​കൊ​ണ്ട​ല്ല, സി​ല​ബ​സി​ലെ വ്യ​തി​യാ​നം കാ​ര​ണ​മാ​ണി​ത് സം​ഭ​വി​ക്കു​ന്ന​ത്.

ഇ​ക്കാ​ല​ത്ത് കു​ട്ടി​ക​ളെ സ്കൂ​ളി​ൽ അ​യ​ച്ചാ​ലും പോ​ര​ല്ലോ. അ​ധ്യാ​പ​ക​ർ എ​ടു​ക്കു​ന്ന അ​ത്ര ത​ന്നെ പ്ര​യ​ത്നം കു​ട്ടി​ക​ളെ പ​ഠി​പ്പി​ക്കാ​ൻ മാ​താ​പി​താ​ക്ക​ളു​മെ​ടു​ക്കു​ന്നു. വീ​ട്ടു​പാ​ഠ​ങ്ങ​ളി​ൽ സ​ഹാ​യി​ക്കാ​നും മി​ക​ച്ച ക​രി​യ​ർ ല​ക്ഷ്യ​ങ്ങ​ളി​ലേ​ക്കും അ​വ​സ​ര​ങ്ങ​ളി​ലേ​ക്കും വ​ഴി​തി​രി​ച്ചു​വി​ടാ​നും വേ​ണ്ട​ത്ര അ​റി​വോ സ​മ്പ​ത്തോ ര​ക്ഷി​താ​ക്ക​ൾ​ക്ക് ഇ​ല്ലാ​ത്ത​വ​രെ മെ​റി​റ്റി​ല്ലാ​ത്ത​വ​രെ​ന്നും ക​ഴി​വും ശേ​ഷി​യു​മി​ല്ലാ​ത്ത​വ​രെ​ന്നും മു​ദ്ര​കു​ത്താ​നാ​കു​മോ? കു​ടും​ബ​ത്തി​ൽ നി​ന്ന് പി​ന്തു​ണ ന​ൽ​കാ​ൻ സാ​ഹ​ച​ര്യ​മു​ണ്ടാ​യി​രു​ന്നു​വെ​ങ്കി​ൽ അ​വ​ർ മാ​ർ​ക്കി​ൽ പി​ന്നാ​ക്കം പോ​കു​മാ​യി​രു​ന്നു​വോ?

കു​ട്ടി​ക​ൾ​ക്ക് അ​നു​ബ​ന്ധ പ​ഠ​ന​സ​ഹാ​യി​ക​ൾ വാ​ങ്ങു​ന്ന​ത് സാ​ധാ​ര​ണ​മാ​യി മാ​റി​ക്ക​ഴി​ഞ്ഞി​രി​ക്കു​ന്നു. കു​ട്ടി​ക​ൾ​ക്ക് തു​ട​ക്കം മു​ത​ലേ ട്യൂ​ഷ​ൻ ഏ​ർ​പ്പെ​ടു​ത്താ​ൻ ക​ഴി​യു​ന്ന​വ​ർ അ​ത് ചെ​യ്യു​ന്നു. ട്യൂ​ഷ​ൻ ഫീ​സ് താ​ങ്ങാ​ൻ ക​ഴി​യാ​ത്ത കു​ട്ടി​ക​ളും പ​ഠ​ന​ന​ഷ്ടം സം​ഭ​വി​ച്ച് മ​ത്സ​ര പ്ര​വേ​ശ​ന പ​രീ​ക്ഷ​യി​ൽ പി​റ​കി​ലാ​യേ​ക്കാം, അ​ത്ത​രം വി​ദ്യാ​ർ​ഥി​ക​ളെ ന​മ്മ​ൾ മെ​റി​റ്റി​ല്ലാ​ത്ത​വ​ർ എ​ന്ന് വി​ളി​ക്ക​ണോ?

സാ​മ്പ​ത്തി​ക​ശേ​ഷി മെ​റി​റ്റി​ന്റെ നി​ർ​മി​തി​യി​ൽ ഘ​ട​ക​മാ​യി മാ​റു​ന്ന വേ​റെ​യും നി​ര​വ​ധി സ​ന്ദ​ർ​ഭ​ങ്ങ​ളു​ണ്ട്. മാ​താ​പി​താ​ക്ക​ൾ​ക്ക് ആ​സ്തി​യും സ​മ്പ​ത്തു​മു​ള്ള കു​ട്ടി​ക​ളി​ൽ പ​ല​രും പ​ഠ​ന​ത്തി​ന് അ​വ​ധി​കൊ​ടു​ത്ത് ഏ​താ​നും വ​ർ​ഷ​ങ്ങ​ൾ അ​വ​രു​ടെ ശ്ര​ദ്ധ​യും സ​മ​യ​വു​മെ​ല്ലാം പ്ര​വേ​ശ​ന​പ​രീ​ക്ഷ പ​രി​ശീ​ല​ന​ത്തി​നാ​യി മാ​ത്രം ചെ​ല​വി​ടു​ന്നു. പ​രി​മി​ത​മാ​യ സാ​മ്പ​ത്തി​ക സൗ​ക​ര്യ​ങ്ങ​ളു​ള്ള​വ​ർ​ക്ക് ഇ​ത്ത​രം ഒ​രു റി​സ്ക് എ​ടു​ക്കു​ക എ​ന്ന​ത് ആ​ലോ​ചി​ക്കാ​ൻ പോ​ലു​മാ​വി​ല്ല. ര​ണ്ടോ മൂ​ന്നോ വ​ർ​ഷ​ത്തെ സ​മ​യ​വും പ​ണ​വും പ്ര​വേ​ശ​ന​പ​രീ​ക്ഷ വി​ജ​യ​ത്തി​ന് വേ​ണ്ടി മാ​ത്രം വി​നി​യോ​ഗി​ക്കാ​ൻ സാ​ധി​ക്കു​ന്ന​വ​രെ​ക്കാ​ൾ കു​റ​വ് മാ​ർ​ക്ക് വാ​ങ്ങു​ന്ന അ​വ​രെ യോ​ഗ്യ​ത​യി​ല്ലാ​ത്ത​വ​ർ എ​ന്ന് വി​ളി​ക്കാ​ൻ ന​മു​ക്കാ​കു​മോ?

ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലെ സീ​റ്റും അ​പേ​ക്ഷ​ക​രു​ടെ എ​ണ്ണ​വും ത​മ്മി​ലെ അ​നു​പാ​തം വ​ർ​ധി​ച്ചു വ​രു​ന്ന​തി​നാ​ൽ, പ്ര​വേ​ശ​ന​ത്തി​നു​ള്ള മ​ത്സ​രം അ​തി​രൂ​ക്ഷ​മാ​യി​രി​ക്കു​ക​യാ​ണ്. അ​ത്ത​ര​മൊ​രു സാ​ഹ​ച​ര്യ​ത്തി​ൽ, ദേ​ശീ​യ ത​ല പൊ​തു പ്ര​വേ​ശ​ന പ​രീ​ക്ഷ പ്ര​ക്രി​യ​ക​ൾ സ​മ്പ​ത്തും സ്വാ​ധീ​ന​വു​മു​ള്ള, ഉ​ന്ന​ത- മ​ധ്യ​വ​ർ​ഗ​ത്തി​ന് മാ​ത്രം ഗു​ണ​ക​ര​മാ​വു​ന്ന രീ​തി​യി​ലേ​ക്ക് ഒ​തു​ക്ക​പ്പെ​ട്ടി​രി​ക്കു​ന്നു. ആ​ളും അ​ർ​ഥ​വും സ്വാ​ധീ​ന​വും മെ​റി​റ്റാ​യി മാ​റു​ന്ന സാ​ഹ​ച​ര്യം തി​ക​ച്ചും നി​ഷ്ഠു​ര​മാ​ണ്. വി​രോ​ധാ​ഭാ​സ​മെ​ന്തെ​ന്നു​വെ​ച്ചാ​ൽ , സ​മൂ​ഹ​ത്തി​ലെ എ​ല്ലാ വി​ഭാ​ഗ​ങ്ങ​ൾ​ക്കും അ​വ​സ​ര​ങ്ങ​ൾ തു​ല്യ​മാ​യി ല​ഭി​ക്കാ​നു​ള്ള സാ​ഹ​ച​ര്യ​ത്തി​ന്റെ അ​ഭാ​വ​ത്തെ​ക്കു​റി​ച്ച് ഒ​രു ആ​ശ​ങ്ക​യു​മി​ല്ലാ​തെ​യാ​ണ് ഇ​തൊ​ക്കെ​യും ഇ​വി​ടെ ന​ട​മാ​ടു​ന്ന​ത്.

(ന്യൂ​ഡ​ൽ​ഹി ജാ​മി​അ മി​ല്ലി​യ്യ ഇ​സ്‍ലാ​മി​യയിൽ പ്ര​ഫ​സ​റാ​യ ലേ​ഖ​ക​ൻ ആ​സൂ​ത്ര​ണ ക​മീ​ഷ​ന്റെ വി​ദ്യാ​ഭ്യാ​സകാര്യ ഉ​പ​ദേ​ശ​ക​നാ​യി​രു​ന്നു)