മൗ​ലാ​നാ ആ​സാ​ദി​നെ വെ​ട്ടി​മാ​റ്റു​മ്പോ​ൾ

‘‘മു​സ്‍ലിം യു​വ​ജ​ന​ങ്ങ​ളെ ശാ​ക്തീ​ക​രി​ക്കു​ന്ന​തി​ന് ഇ​ന്ത്യ​ൻ സ​ർ​ക്കാ​ർ ഒ​ര​വ​സ​ര​വും പാ​ഴാ​ക്കി​ല്ല. അ​വ​രു​ടെ ഒ​രു കൈ​യി​ൽ ഖു​ർ​ആ​നും മ​റു​കൈ​യി​ൽ ക​മ്പ്യൂ​ട്ട​റും ഉ​ണ്ടാ​യി​രി​ക്ക​ണ​മെ​ന്ന് ഞ​ങ്ങ​ൾ ആ​ഗ്ര​ഹി​ക്കു​ന്നു’’. 2018ൽ ​പ്ര​ധാ​ന​മ​ന്ത്രി ന​രേ​ന്ദ്ര മോ​ദി ന​ട​ത്തി​യ പ്ര​സം​ഗ​ത്തി​ലെ വ​രി​ക​ളാ​ണി​വ.

ആ ​പ്ര​സം​ഗം ന​ട​ന്ന് നാ​ലു​വ​ർ​ഷം പി​ന്നി​ടു​മ്പോ​ൾ കേ​ന്ദ്ര ന്യൂ​ന​പ​ക്ഷ കാ​ര്യ മ​ന്ത്രി സ്മൃ​തി ഇ​റാ​നി പാ​ർ​ല​മെ​ന്റി​ൽ ഇ​ക്കാ​ര്യ​മ​റി​യി​ച്ചു- മൗ​ലാ​നാ ആ​സാ​ദ് നാ​ഷ​ന​ൽ ഫെ​ലോ​ഷി​പ് (MANF) പ​ദ്ധ​തി അ​വ​സാ​നി​പ്പി​ക്കാ​ൻ കേ​ന്ദ്ര​സ​ർ​ക്കാ​ർ തീ​രു​മാ​നി​ച്ചെ​ന്ന്. അ​നീ​തി​പൂ​ർ​വ​ക​മാ​യ ഈ ​തീ​രു​മാ​നം മു​സ്‍ലിം, ബു​ദ്ധ, ക്രൈ​സ്ത​വ, ജൈ​ന, പാ​ർ​സി, സി​ഖ് എ​ന്നീ ആ​റ് ന്യൂ​ന​പ​ക്ഷ സ​മു​ദാ​യ​ങ്ങ​ളി​ലെ നൂ​റു​ക​ണ​ക്കി​ന് വി​ദ്യാ​ർ​ഥി​ക​ളു​ടെ ഉ​ന്ന​ത പ​ഠ​ന​ത്തെ ത​കി​ടം മ​റി​ക്കും.

ജ​സ്റ്റി​സ് ര​ജീ​ന്ദ​ർ സ​ച്ചാ​ർ ക​മ്മി​റ്റി​യു​ടെ ശി​പാ​ർ​ശ​ക​ൾ ന​ട​പ്പാ​ക്കു​ന്ന​തി​ന്റെ ഭാ​ഗ​മാ​യി, ഡോ. ​മ​ൻ​മോ​ഹ​ൻ സി​ങ് പ്ര​ധാ​ന​മ​ന്ത്രി​യാ​യി​രി​ക്കെ യു.​പി.​എ സ​ർ​ക്കാ​റാ​ണ് ഈ ​ഫെ​ലോ​ഷി​പ് ആ​രം​ഭി​ച്ച​ത്. എം.​ഫി​ലും പി​എ​ച്ച്.​ഡി​യും ചെ​യ്യു​ന്ന സാ​മ്പ​ത്തി​ക​മാ​യി ദു​ർ​ബ​ല​രാ​യ നി​ര​വ​ധി വി​ദ്യാ​ർ​ഥി​ക​ൾ​ക്ക് ഇ​ത് നി​ർ​ണാ​യ​ക​മാ​യ സാ​മ്പ​ത്തി​ക പി​ന്തു​ണ ന​ൽ​കി.

ഇ​ന്ത്യ​യു​ടെ പ്ര​ഥ​മ വി​ദ്യാ​ഭ്യാ​സ മ​ന്ത്രി​യു​ടെ നാ​മ​ധേ​യ​ത്തി​ൽ ഏ​ർ​പ്പെ​ടു​ത്തി​യ ഫെ​ലോ​ഷി​പ് അ​വ​സാ​നി​പ്പി​ക്കാ​നു​ള്ള സ​ർ​ക്കാ​ർ തീ​രു​മാ​ന​ത്തി​നു​പി​ന്നി​ലെ ചേ​തോ​വി​കാ​രം സം​ബ​ന്ധി​ച്ച് രാ​ഷ്ട്രീ​യ-​അ​ക്കാ​ദ​മി​ക വൃ​ത്ത​ങ്ങ​ളി​ൽ വ്യാ​പ​ക ച​ർ​ച്ച​ക​ൾ ന​ട​ക്കു​ന്നു​ണ്ട്.

ന്യൂ​ന​പ​ക്ഷ സ​മൂ​ഹ​ങ്ങ​ളു​ടെ ഉ​ന്ന​ത പ​ഠ​ന​ത്തി​ന് ഉ​ട​ക്കു​വെ​ക്കാ​നാ​ണെ​ന്നും സ്വാ​ത​ന്ത്ര്യ​സ​മ​ര സേ​നാ​നി​ക​ളെ അ​പ്ര​സ​ക്ത​രാ​ക്കു​ക എ​ന്ന സം​ഘ് കാ​ര്യ​പ​രി​പാ​ടി​യു​ടെ ഭാ​ഗ​മാ​ണെ​ന്നും വാ​ദ​ങ്ങ​ളു​ണ്ട്. ഭാ​വി​യി​ൽ മ​റ്റ് പി​ന്നാ​ക്ക വി​ഭാ​ഗ​ങ്ങ​ൾ (ഒ.​ബി.​സി), പ​ട്ടി​ക​ജാ​തി​ക്കാ​ർ (എ​സ്‌.​സി) തു​ട​ങ്ങി​യ പാ​ർ​ശ്വ​വ​ത്കൃ​ത വി​ഭാ​ഗ​ങ്ങ​ൾ​ക്കു​ള്ള മ​റ്റു ഫെ​ലോ​ഷി​പ്പു​ക​ൾ ഇ​ല്ലാ​താ​ക്കു​ന്ന​തി​ലേ​ക്കും ഈ ​തീ​രു​മാ​നം വ​ഴി​തു​റ​ന്നേ​ക്കാം.

ഫെ​ലോ​ഷി​പ് അ​വ​സാ​നി​പ്പി​ക്കു​ന്ന​ത് ന്യൂ​ന​പ​ക്ഷ​ങ്ങ​ളു​ടെ, പ്ര​ത്യേ​കി​ച്ച് മു​സ്‍ലിം​ക​ളു​ടെ തു​ട​ർ​പ​ഠ​ന​ങ്ങ​ൾ​ക്ക് മു​ട​ക്കം സൃ​ഷ്ടി​ക്കു​മെ​ന്ന് അ​ക്കാ​ദ​മി​ക് വി​ദ​ഗ്ധ​ർ ആ​ശ​ങ്ക​പ്പെ​ടു​ന്നു. സ​ർ​ക്കാ​ർ തീ​രു​മാ​നം രാ​ജ്യ​ത്തെ മു​സ്‍ലിം വി​ദ്യാ​ർ​ഥി​ക​ളു​ടെ ഭാ​വി അ​വ​താ​ള​ത്തി​ലാ​ക്കു​മെ​ന്ന് യു.​ജി.​സി മു​ൻ ചെ​യ​ർ​മാ​ൻ പ്ര​ഫ. സു​ഖ്ദേ​വ് തോ​റാ​ത് തു​റ​ന്നു​പ​റ​ഞ്ഞി​രു​ന്നു. ഉ​ന്ന​ത വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ൽ ചേ​രു​ന്ന​തി​ൽ ഏ​റ്റ​വും കു​റ​വ് മു​സ്‍ലിം സ​മു​ദാ​യ​ത്തി​ലെ വി​ദ്യാ​ർ​ഥി​ക​ളാ​ണ്. 16 ശ​ത​മാ​നം മാ​ത്രം.

പാ​ർ​ശ്വ​വ​ത്കൃ​ത വി​ഭാ​ഗ​ങ്ങ​ൾ​ക്കു​ള്ള സ്‌​കോ​ള​ർ​ഷി​പ്പു​ക​ൾ വെ​ട്ടി​ക്കു​റ​ക്കാ​നു​ള്ള സ​ർ​ക്കാ​ർ നീ​ക്ക​ത്തി​ലെ ആ​ദ്യ ചു​വ​ടു​വെ​പ്പാ​യാ​ണ് ഈ ​തീ​രു​മാ​നം വി​ല​യി​രു​ത്ത​പ്പെ​ടു​ന്ന​ത്. വെ​ട്ടി​ക്കു​റ​ക്ക​ൽ മൗ​ലാ​നാ ആ​സാ​ദ് നാ​ഷ​ന​ൽ ഫെ​ലോ​ഷി​പ്പി​ൽ​നി​ന്ന് തു​ട​ങ്ങി​യ​ത് ബോ​ധ​പൂ​ർ​വ​മാ​ണ്. കാ​വി​രാ​ഷ്ട്രീ​യം ക​ത്തി​പ്പ​ട​ർ​ന്നു നി​ൽ​ക്കു​ന്ന​തി​നാ​ൽ ന്യൂ​ന​പ​ക്ഷ​ങ്ങ​ളു​ടെ അ​വ​കാ​ശ​ത്തി​ൽ ​കൈ​വെ​ച്ച​തു​കൊ​ണ്ട് ആ​രും എ​തി​ർ​പ്പു​മാ​യി വ​രി​ല്ലെ​ന്ന സൗ​ക​ര്യ​മു​ണ്ട്.

ഈ ​മാ​തൃ​ക​യി​ൽ മ​റ്റ് ദു​ർ​ബ​ല സ​മു​ദാ​യ​ങ്ങ​ൾ​ക്കു​ള്ള സാ​മ്പ​ത്തി​ക സ​ഹാ​യ​വും ഇ​ല്ലാ​താ​ക്കി​യേ​ക്കാം. ഇ​ന്ത്യ​ൻ ഇ​ൻ​സ്റ്റി​റ്റ്യൂ​ട്ട് ഓ​ഫ് ടെ​ക്നോ​ള​ജി (ഗൊ​ര​ഖ്പു​ർ), സം​ഗീ​ത് നാ​ട​ക അ​ക്കാ​ദ​മി തു​ട​ങ്ങി രാ​ജ്യ​ത്തെ എ​ണ്ണം പ​റ​ഞ്ഞ ഉ​ന്ന​ത സ്ഥാ​പ​ന​ങ്ങ​ളു​ടെ സ്ഥാ​പ​ക​നാ​ണ് മൗ​ലാ​നാ ആ​സാ​ദ്.

ഇ​ന്ത്യ​ൻ കൗ​ൺ​സി​ൽ ഫോ​ർ ക​ൾ​ച​റ​ൽ റി​ലേ​ഷ​ൻ​സി​ന്റെ (ഐ.​സി.​സി.​ആ​ർ) സ്ഥാ​പ​കാം​ഗ​വു​മാ​യി​രു​ന്നു. എ​ങ്കി​ലെ​ന്ത്?, ഐ.​സി.​സി.​ആ​റി​ന്റെ ഒ​രു പ​രി​പാ​ടി​യി​ൽ മൗ​ലാ​ന​യു​ടെ പ്ര​തി​മ നീ​ക്കം ചെ​യ്ത​താ​യി അ​ദ്ദേ​ഹ​ത്തി​ന്റെ കു​ടും​ബം പ​രാ​തി​പ്പെ​ടു​ന്നു. കൗ​ൺ​സി​ലി​ന് കു​ടും​ബം സം​ഭാ​വ​ന ന​ൽ​കി​യ അ​ദ്ദേ​ഹ​ത്തി​ന്റെ പു​സ്ത​ക​ങ്ങ​ൾ പൊ​ടി​പി​ടി​ച്ചു​കി​ട​ക്കു​ന്നു.

മൗ​ലാ​ന അ​ബു​ൽ ക​ലാം ആ​സാ​ദ് എ​ന്ന സ്വാ​ത​ന്ത്ര്യ​സ​മ​ര സേ​നാ​നി​യു​ടെ പൈ​തൃ​ക​വും ഓ​ർ​മ​ക​ളും മാ​യ്ച്ചു​ക​ള​യാ​ൻ നി​ര​ന്ത​ര ശ്ര​മ​ങ്ങ​ൾ ന​ട​ക്കു​ന്നു​ണ്ടെ​ന്ന് അ​ത് വ്യ​ക്ത​മാ​ക്കു​ന്നു. ഉ​ന്ന​ത വി​ദ്യാ​ഭ്യാ​സം പ്രോ​ത്സാ​ഹി​പ്പി​ക്കു​ന്ന​തി​ന് അ​ദ്ദേ​ഹം ന​ട​ത്തി​യ പ്ര​വ​ർ​ത്ത​ന​ങ്ങ​ളെ​യും അ​പ്ര​സ​ക്ത​മാ​ക്കാ​നാ​ണ് പു​തി​യ നീ​ക്ക​ത്തി​ലൂ​ടെ, തീ​വ്ര ദേ​ശീ​യ കാ​വി സ​ർ​ക്കാ​ർ ശ്ര​മി​ക്കു​ന്ന​ത്.

പ​സ്മ​ന്ദാ മു​സ്‍ലിം​ക​ളോ​ട് ബി.​ജെ.​പി കാ​ണി​ക്കു​ന്ന സ്നേ​ഹം വെ​റും ക​ണ്ണി​ൽ​പൊ​ടി​യി​ട​ലാ​ണെ​ന്നും ഈ ​തീ​രു​മാ​നം തെ​ളി​യി​ക്കു​ന്നു. മ​റ്റ് സ്കോ​ള​ർ​ഷി​പ്പു​ക​ളു​മാ​യി ഓ​വ​ർ​ലാ​പ് ചെ​യ്യു​ന്ന​തു​​കൊ​ണ്ടാ​ണ് ഫെ​ലോ​ഷി​പ് നി​ർ​ത്ത​ലാ​ക്കു​ന്ന​തെ​ന്ന സ്മൃ​തി ഇ​റാ​നി​യു​ടെ ന്യാ​യം തി​ക​ഞ്ഞ അ​സം​ബ​ന്ധ​മാ​ണ്. അ​പാ​ക​ത​ക​ളു​ണ്ടെ​ങ്കി​ൽ അ​തു പ​രി​ഹ​രി​ക്കു​ന്ന​തി​നു​പ​ക​രം ഫെ​ലോ​ഷി​പ് പൂ​ർ​ണ​മാ​യും ഇ​ല്ലാ​താ​ക്കി​യി​രി​ക്കു​ന്നു.

സ്മൃ​തി ഇ​റാ​നി പ​റ​യു​ന്ന​ത​രം പ്ര​ശ്ന​ങ്ങ​ൾ ഉ​ണ്ടെ​ങ്കി​ൽ അ​തൊ​ഴി​വാ​ക്കാ​ൻ അ​പേ​ക്ഷ​ക​രു​ടെ ആ​ധാ​ർ ന​മ്പ​റോ പാ​ൻ ന​മ്പ​റോ ഉ​പ​യോ​ഗി​ച്ച് ര​ജി​സ്റ്റ​ർ ചെ​യ്യി​ച്ചാ​ൽ മ​തി​യ​ല്ലോ. ഒ​രേ സ​മ​യം ഒ​ന്നി​ലേ​റെ ഫെ​ലോ​ഷി​പ്പു​ക​ൾ​ക്കോ ​​സ്കോ​ള​ർ​ഷി​പ്പു​ക​ൾ​ക്കോ ​​അ​പേ​ക്ഷി​ക്കു​ന്ന​തി​ന് വി​ദ്യാ​ർ​ഥി​ക​ൾ​ക്ക് ത​ട​സ്സ​മി​ല്ല. ഒ​രു​സ​മ​യം ഒ​രു ഫെ​ലോ​ഷി​പ് ആ​നു​കൂ​ല്യം മാ​ത്ര​മേ ല​ഭി​ക്കു​ക​യു​ള്ളൂ.

ത​ങ്ങ​ളു​ടെ ഇ​ഷ്ട​പ​ട്ടി​ക​യി​ൽ ഉ​ൾ​പ്പെ​ടാ​ത്ത ഒ​രു വ്യ​ക്തി​യു​ടെ നാ​മ​ധേ​യ​ത്തി​ലു​ള്ള ഫെ​ലോ​ഷി​പ് പ​ദ്ധ​തി ഇ​ല്ലാ​താ​ക്കി​യ​തി​ലൂ​ടെ ഒ​രു​വെ​ടി​ക്ക് ഒ​ട്ടേ​റെ പ​ക്ഷി​ക​ളെ വീ​ഴ്ത്താ​ൻ നോ​ക്കു​ക​യാ​ണ് മോ​ദി സ​ർ​ക്കാ​ർ. ഖ​ജ​നാ​വി​ന് ലാ​ഭ​മു​ണ്ടാ​ക്കാ​നും ഭാ​വി​യി​ൽ സ്കോ​ള​ർ​ഷി​പ്പു​ക​ൾ വെ​ട്ടി​ക്കു​റ​ക്കു​ന്ന​തി​നും ഇ​ത് അ​വ​ർ​ക്ക് സൗ​ക​ര്യ​മാ​വും.

അ​തി​നെ​ല്ലാ​മു​പ​രി, ഹി​ന്ദു​ത്വ സ​ർ​ക്കാ​ർ മു​സ്‍ലിം​ക​ൾ​ക്കും ന്യൂ​ന​പ​ക്ഷ​ങ്ങ​ൾ​ക്കും സാ​മ്പ​ത്തി​ക സ​ഹാ​യം ന​ൽ​കു​ന്ന​ത് നി​ർ​ത്ത​ണ​മെ​ന്ന് മു​റ​വി​ളി​കൂ​ട്ടു​ന്ന സ്വന്തം വോ​ട്ട​ർ​മാ​ർ​ക്ക് ഹി​ത​ക​ര​മാ​യ സ​ന്ദേ​ശം ന​ൽ​കാ​നും അ​വ​ർ​ക്കാ​യി.