ലിംഗനീതിയും രാഷ്​ട്രീയ ധാർമികതയും

1990ൽ​ സ്​ത്രീ സംഘടനകളുടെ ഒരു ദേശീയ സമ്മേളനം കോഴിക്കോട്ട്​ ചേരുകയുണ്ടായി. രാഷ്​ട്രീയ പാർട്ടികളുടെ ഭാഗമായ വന ിതാ സംഘടനകൾ പ​െങ്കടുക്കുകയോ പ​െങ്കടുപ്പിക്കുകയോ ചെയ്യാതെ, സ്വതന്ത്ര സംഘടനകളുടെ സമ്മേളനമായിരുന്നു അത്​. ആൺ കോയ്​മക്കും പുരുഷാധിപത്യത്തിനും എതിരായ നിലപാടാണ്​ സ്വതന്ത്ര സ്​ത്രീ സംഘടനകൾ പുലർത്തിയിരുന്നത്​. ആൺകോയ്​മ യും പുരുഷാധിപത്യവും വാഴുന്ന രാഷ്​ട്രീയ പാർട്ടികളുടെ ഭാഗമായി നിൽക്കുന്ന സ്​ത്രീ സംഘടനകൾക്ക്​ അതിനെതി​െര നില പാടെട​ുക്കാൻ കഴിയില്ലെന്ന വസ്​തുതയാണ്​ അവരെ പ​െങ്കടുപ്പിക്കാതൊരു പരിപാടിക്ക്​ കാരണം.
അവിടെനിന്ന്​ ഇപ്പ ോൾ; വനിതാമതിലിൽ എത്തിനിൽക്കു​േമ്പാൾ ശരിക്കും ആശങ്കയുണ്ട്​. ​െഫമിനിസം എന്നത്​ ഒത്തുതീർപ്പി​​​െൻറയും അധികാര വ്യവസ്ഥയുടെയും ഭാഗമാകുകയാണോ എന്ന്​ സംശയിക്കേണ്ടിയിരിക്കുന്നു. നിലനിൽക്കുന്ന പുരുഷാധികാര വ്യവസ്ഥയെ ചോദ്യ ംചെയ്യുന്നതാവണം ഫെമിനിസം.

പുരുഷാധികാരം ചോദ്യം ചെയ്യുകയെന്നാൽ അത്​ ദലിതുകൾക്കും ആദിവാസികൾക്കും ന്യൂനപക ്ഷങ്ങൾക്കുമുള്ള അവകാശത്തിനു​ വേണ്ടിയുള്ള പോരാട്ടംകൂടിയാണ്​. കോർപറേറ്റുകളോട്​ കൂട്ടുകൂടി ആദിവാസികളുടെ ഭൂമി പിടിച്ചെടുക്കുന്ന ബ്രാഹ്മണിക്കൽ പുരുഷാധികാര വ്യവസ്ഥയോടുള്ള കലഹമാവണം ഫെമിനിസം. എന്നാൽ, ഇന്നത്തെ ഫെമിനിസം നാഗരികവും ബ്രാഹ്മണിക്കൽ മൂല്യങ്ങൾ ഉൾക്കൊള്ളുന്നതുമാണ്​. ശരീരത്തി​​​െൻറയും ലൈംഗികതയുടെയും സ്വാതന്ത്ര്യത്തിലേക്ക്​; അത്​ ചെറിയ കാര്യമല്ലെങ്കിലും, അതിലേക്ക്​ മാത്രമായി ചുരുങ്ങുകയും​ സവർണ പുരുഷാധിപത്യത്തെ ചോദ്യം ചെയ്യാൻ ത്രാണിയില്ലാതിരിക്കുകയും ചെയ്യുന്ന ഫെമിനിസംകൊണ്ട്​ സ്​ത്രീക്കെന്നല്ല ആർക്കുമില്ല ഗുണം.

രാഷ്​ട്രീയ പാർട്ടികളുടെ ഭാഗമായ വനിത സംഘടനകളുടെ പ്രധാന ഗതികേട്​ അവർ ആ പാർട്ടികളിൽ നിലനിൽക്കുന്ന ആൺകോയ്​മയെ അംഗീകരിക്കണം എന്നതാണ്​. ഭരണഘടന നൽകിയ സ്വാതന്ത്ര്യം പോലും അനുഭവിക്കാതെ പുരുഷാധിപത്യത്തിന്​ കീഴ്​പ്പെട്ട​ുള്ള അവര​ുടെ പ്രവർത്തനംകൊണ്ട്​ നിലനിൽക്കുന്ന വ്യവസ്ഥിതി തകർക്കാനാവില്ല. സ്​ത്രീ-പുരുഷ ബന്ധങ്ങളിൽ, അതുവഴി കുടുംബ ബന്ധത്തിൽ, അതിൽനിന്ന്​ സമൂഹ ബന്ധത്തിൽ ജനാധിപത്യവത്​കരണം വേണമെന്നാണ്​ സ്വതന്ത്ര സ്​ത്രീ സംഘടനകൾ വാദിക്കുന്നത്​. അതല്ലാതെ പലരും ആക്ഷേപിക്കുന്നതുപോലെ സ്​ത്രീ ആധിപത്യം വേണമെന്നല്ല.

90കളിൽ അങ്ങനെ പറഞ്ഞവരെ ഇടതുപക്ഷം അടക്കമുള്ളവർ പാശ്ചാത്യ ഫെമിനിസ്​റ്റുകളെന്നും ഇറക്കുമതി ഫെമിനിസ്​റ്റുകളെന്നും ആക്ഷേപിച്ചു. തൊഴിലാളി പക്ഷമെന്ന്​ പറയുന്ന ഇടതുപക്ഷം എല്ലാ കാര്യങ്ങളും വർഗ പരിഗണനയിലാണ്​ വിലയിരുത്തുന്നത്​. എന്നാൽ, സാമ്പത്തികത്തിൽ ഉൗന്നിയ വർഗപരമായ പ്രശ്​നങ്ങൾ മാത്രമല്ല, വർഗേതരമായ പ്രശ്​നങ്ങൾകൂടി സ്​ത്രീകൾക്കുണ്ട്​. മാർക്​സിസം വികസിക്കണമെന്നും എണ്ണത്തിൽ പകുതി വരുന്ന സ്​ത്രീകളെ അഭിസംബോധന ചെയ്യാതെ എങ്ങനെ യഥാർഥ പ്രശ്​നങ്ങൾ പരിഹരിക്കുമെന്നുമുള്ള ചോദ്യങ്ങളെ സമീപകാലത്ത്​ ഇടതുപക്ഷം ചെറിയ തോതിൽ അനുകൂലിക്കുന്നുണ്ട്​. അത​ുകൊണ്ടാണ്​ ലിംഗനീതി എന്ന പദം അവർ അധികമായി ഉപയോഗിക്കുന്നത്​.
അപ്പോഴും യഥാർഥ​ പ്രശ്​നങ്ങളെ സമീപിക്കാൻ തയാറാകുന്നില്ലെന്ന വസ്​തുത കാണാതിരിക്കാനാവില്ല.

നവോത്ഥാന കാലം മുതൽ ഇന്നേവരെ ലിംഗനീതി നടപ്പായിട്ടില്ല. അതി​​​െൻറ പ്രധാന കാരണം കുടുംബത്തിലും സമൂഹത്തിലും നിലനിൽക്കുന്ന ആ​ൺകോയ്​മതന്നെ. നവോത്ഥാനത്തിൽപോലും അത്തരമൊരു ധാർമികത ഉണർന്നില്ല. നീതി ലഭ്യമാക്കുന്ന പുതിയ സ്​ത്രീ-പുരുഷ ബന്ധം പുരുഷാധിപത്യ വ്യവസ്ഥിതിയിൽ നടക്കില്ല.

സ്​ത്രീകൾ ആക്രമിക്കപ്പെടുന്ന സംഭവങ്ങളിൽ പലപ്പോഴും ഒറ്റപ്പെടുത്തുന്നത്​ സ്​ത്രീകളെത്തന്നെയാണ്​. ബിഷപ്പി​​​െൻറ കാര്യമായാലും എം.എൽ.എയുടെ കാര്യമായാലും കുറ്റവാളിയായ പുരുഷൻ സംരക്ഷിക്കപ്പെടുകയും സ്​ത്രീ ആക്രമിക്കപ്പെടുകയും ചെയ്യുന്നു. സിനിമാരംഗത്ത്​ ഡബ്ല്യു.സി.സി എന്ന പെൺകൂട്ടായ്​മ രൂപപ്പെട്ടതി​​​െൻറ പേരിൽ അതിലുൾപ്പെട്ടവർ എത്ര വേദനജനകമായ അവസ്ഥയിലൂടെയാണ്​ കടന്നുപോകുന്നതെന്ന്​ നമ്മൾ കാണുന്നുണ്ട്​.
ഇടതുപക്ഷം അടക്കമുള്ളവർ മനസ്സിലാക്കേണ്ടത്​, ലിംഗസമത്വമല്ല ലിംഗനീതി എന്ന കാര്യമാണ്​. ലിംഗസമത്വം നിയമത്തിൽ ഉൾപ്പെടുത്താം. എന്നാൽ, ലിംഗനീതി എന്നത്​ വലിയൊരു ആശയവും രാഷ്​ട്രീയ കാര്യവുമാണ്​. അതിൽ വിട്ടുവീഴ്​ചയും ഒത്തുതീർപ്പുമില്ല. അതിന്​ കുടുംബം മുതൽ സമൂഹംവരെ പാകപ്പെടണം. അതൊന്നും ഏറ്റെടുക്കാൻ ഒരു രാഷ്​ട്രീയ പാർട്ടിക്കും കഴിയില്ല.

​േലാക്​സഭ തെരഞ്ഞെടുപ്പി​​​െൻറ കാലമാണ്​. സ്ഥാനാർഥി നിർണയത്തിൽ വേണ്ടത്ര സ്​ത്രീകളെ പരിഗണിക്കാത്തതിന്​ രാഷ്​ട്രീയ പാർട്ടികൾ പറയുന്ന ന്യായം മാനദണ്ഡം വിജയ സാധ്യത മാത്രമാണെന്നാണ്​. വിജയ സാധ്യതയിലേക്ക്​ സ്​ത്രീകളെ വളർത്താൻ എന്തുകൊണ്ട്​ രാഷ്​ട്രീയ പാർട്ടികൾക്ക്​ കഴിയുന്നില്ല? സ്​ത്രീക്ക്​ മത്സരിക്കാൻ സംവരണ സീറ്റ്​ മാത്രമാണ്​ ഉള്ളതെങ്കിൽ പിന്നെ രാഷ്​ട്രീയ പാർട്ടിക​ളുടെ ധാർമികത എന്താണ്​? കാലാവധി കഴിയുന്ന ലോക്​സഭയിലെ വനിതാ പ്രാതിനിധ്യം എത്രയാണ്​? നിയമസഭകളിലും പാർലമ​​െൻറിലും വനിതകൾക്ക്​ നിശ്ചിത ശതമാനം പ്രാതിനിധ്യം ഉറപ്പാക്കാനുള്ള വനിതാ സംവരണ ബില്ലി​​​െൻറ ഗതി എന്താണ്? അതുകൊണ്ട്​ സ്​ത്രീകളോട്​ പറയാനുള്ളത്​, ലിംഗനീതി എന്നത്​ വെറുമൊരു വാക്കാക്കാൻ നിങ്ങളെങ്കിലും അനുവദിക്കരുത്​. അധികാരം എന്നും ആൺകോയ്​മയിൽ അധിഷ്​ഠിതമാണ്​; അത്​ കുടുംബത്തിലായാലും സമൂഹത്തിലായാലും. സ്വതന്ത്രമായ നിലനിൽപിന്​ സ്വതന്ത്ര രാഷ്​ട്രീയ നിലപാടുതന്നെയാണ്​ സ്​ത്രീകൾക്ക്​ നല്ലത്​.