യു.പി നാലാംഘട്ട പ്രചാരണം ഇന്ന് അവസാനിക്കും

ലഖ്നോ: ഉത്തര്‍പ്രദേശ് തെരഞ്ഞെടുപ്പിന്‍െറ നാലാംഘട്ട വോട്ടെടുപ്പ് പ്രചാരണം ചൊവ്വാഴ്ച അവസാനിക്കും. പ്രതാപ്ഗഢ്, കൗശംബി, അലഹബാദ്, ഫത്തേപുര്‍, ചിത്രകൂട്, ഹാമിര്‍പുര്‍ തുടങ്ങി 12 ജില്ലകളിലെ 53 സീറ്റുകളിലേക്കാണ് 23ന് തെരഞ്ഞെടുപ്പ്. 

2012ലെ തെരഞ്ഞെടുപ്പില്‍  ഈ 53ല്‍ സമാജ്വാദി പാര്‍ട്ടി-24, ബി.ജെ.പി-അഞ്ച്, ബി.എസ്.പി-15, കോണ്‍ഗ്രസ്-ആറ്, മറ്റുള്ളവര്‍-മൂന്ന് എന്നിങ്ങനെയായിരുന്നു കക്ഷിനില. കോണ്‍ഗ്രസ് അധ്യക്ഷ സോണിയ ഗാന്ധി പ്രതിനിധാനംചെയ്യുന്ന ലോക്സഭ മണ്ഡലമായ റായ്ബറേലിയിലെ മണ്ഡലങ്ങളും നാലാംഘട്ടത്തിലാണ് വരുന്നത്.

റായ്ബറേലിയില്‍ അതിഥി സിങ്ങാണ് കോണ്‍ഗ്രസ് സ്ഥാനാര്‍ഥി. അലഹബാദ് നോര്‍ത്തിലാണ് ഏറ്റവുമധികം സ്ഥാനാര്‍ഥികള്‍- 26 പേര്‍. ഏറ്റവും കുറവ് ഫത്തേപുരിലെ ഖാഗയിലാണ്- ആറുപേര്‍.