അമ്പലപ്പാറ പഞ്ചായത്ത് പ്രസിഡൻറും ബ്ലോക്ക് പഞ്ചായത്ത്​ അംഗവും സി.പി.എം വിട്ടു

ഒറ്റപ്പാലം: അമ്പലപ്പാറ ഗ്രാമപഞ്ചായത്ത് പ്രസിഡൻറ്​ കെ.കെ. കുഞ്ഞൻ, ഒറ്റപ്പാലം ബ്ലോക്ക് പഞ്ചായത്ത്​ അംഗം ജയൻ മലനാട് എന്നിവർ സി.പി.എം വിട്ടു. പാർട്ടിയുടെ പ്രാഥമികാംഗത്വത്തോടൊപ്പം ചുനങ്ങാട് ലോക്കൽ കമ്മിറ്റിയിൽനിന്നും കുഞ്ഞനും പ്രാഥമികാംഗത്വം ഉൾപ്പെടെ കർഷക സംഘം ഏരിയ കമ്മിറ്റിയിൽനിന്നും രാജിവെച്ചതായി ജയൻ മലനാടും അറിയിച്ചു.

ചുനങ്ങാട് എൽ.സി സെക്രട്ടറിക്ക് ഇരുവരും രാജിക്കത്ത് നൽകി. പാർട്ടി നേതൃത്വത്തി​െൻറ പിന്തിരിപ്പൻ നയങ്ങളിൽ പ്രതിഷേധിച്ചും തെരഞ്ഞെടുപ്പ് ഉൾപ്പെടെയുള്ള നയപരമായ കാര്യങ്ങളിലുള്ള അഭിപ്രായ വ്യത്യാസവുമാണ് രാജിക്ക് കാരണമെന്ന് കുഞ്ഞൻ പറഞ്ഞു. മറ്റൊരു പാർട്ടിയിൽ ചേരുന്ന കാര്യമുൾപ്പെടെ പിന്നീട് അറിയിക്കുമെന്ന് കുഞ്ഞൻ പ്രതികരിച്ചു.