കഴിഞ്ഞ അഞ്ചു വർഷം രാജസ്​ഥാനു വേണ്ടി ബി.ജെ.പി ഒന്നും ചെയ്​തില്ല -രാഹുൽഗാന്ധി

ബാരി: രാജസ്​ഥാൻ മുഖ്യമന്ത്രി വസു​ന്ധര രാജെക്കും കേന്ദ്ര സർക്കാറിനുമെതിരെ ആഞ്ഞടിച്ച്​ കോൺഗ്രസ്​ അധ്യക്ഷൻ​ രാഹുൽഗാന്ധി. രാജസ്​ഥാനിലെ പാവപ്പെട്ട ജനവിഭാഗങ്ങളെ ഉയർത്തിക്കൊണ്ടു വരുന്നതിൽ അഞ്ചു വർഷത്തെ ഭരണം പരാജയമാണെന്ന്​ രാഹുൽ ആരോപിച്ചു. രാജസ്​ഥാൻ തെരഞ്ഞെടുപ്പിനു മന്നോടിയായ​ുള്ള കോൺഗ്രസ്​ റാലിയെ അഭിസംബോധന ചെയ്​തു സംസാരിക്കുകയായിര​ുന്നു രാഹുൽ.

യു.പി.എ സർക്കാറി​​​െൻറ കാലത്ത്​ മഹാത്മാഗാന്ധി ദേശീയ ഗ്രാമീണ തൊഴിലുറപ്പു പദ്ധതി നടപ്പാക്കി, കാർഷിക കടങ്ങൾ എഴുതിത്തള്ളി, ആദിവാസി ബിൽ കൊണ്ടുവന്നു, സ്​കൂൾ വിദ്യാർഥികൾക്ക്​ ഭക്ഷണം ഏർപ്പാടാക്കി. കൂടാതെ രാജസ്​ഥാനിൽ മുൻമുഖ്യമന്ത്രി അശോക്​ ഗെഹ്​ലോട്ട്​ ജനങ്ങൾക്കായി സൗജന്യ മരുന്ന്​ പദ്ധതി നടപ്പിലാക്കി. എന്നാൽ കഴിഞ്ഞ നാലര വർഷം പ്രധാനമന്ത്രി നരേന്ദ്രമോദിയും വസുന്ധര രാജെയും ജനങ്ങൾക്കായി എന്താണ്​ ചെയ്​തതെന്നും രാഹുൽഗാന്ധി ചോദിച്ചു.

തെരഞ്ഞെടുപ്പിന്​ കേവലം ഒരു മാസം മാത്രം ബാക്കി നിൽക്കെ ജനങ്ങൾക്ക്​ സൗജന്യമായി ​വൈദ്യുതി നൽകുമെന്ന്​ മുഖ്യമന്ത്രി പ്രഖ്യാപിച്ചിരിക്കുന്നു. അതിനായി എന്തിനാണ്​ ഇത്ര കാലം കാത്തു നിർത്തിയത്​.? ​ എല്ലാവരുടേയും ബാങ്ക്​ അക്കൗണ്ടുകളിലേക്ക്​ 15 ലക്ഷം രൂപ വീതം നൽകുമെന്ന്​ പ്രധാനമന്ത്രി പ്രഖ്യാപിച്ചു. അത്​ ലഭിച്ച ആരെങ്കിലും ഉണ്ടോ എന്നും രാഹുൽ പരിഹസിച്ചു. ഒന്നിനു പുറകെ മറ്റൊന്നായി ബി.ജെ.പി കള്ളങ്ങൾ പറഞ്ഞുകൊണ്ടിരിക്കുകയാണെന്നും രാഹുൽഗാന്ധി ആരോപിച്ചു.