മാണിയുടെ സഹായമില്ലാതെ ജയിച്ച ചെങ്ങന്നൂർ തന്നെ ഇപ്പോഴും -കാനം

തിരുവനന്തപുരം: കെ.എം. മാണിയുടെ സഹായമില്ലാതെയാണ്​ ഇടത്​ സ്​ഥാനാർഥി കെ.കെ. രാമചന്ദ്രൻനായർ ചെങ്ങന്നൂരിൽ ജയിച്ചതെന്നും അതേ ചെങ്ങന്നൂർ തന്നെയാണ്​ ഇപ്പോഴെന്നും മുന്നണിയുടെ വിജയത്തിൽ ഒരു സംശയവുമില്ലെന്നും സി.പി.​െഎ സംസ്​ഥാന സെക്രട്ടറി കാനം രാജേന്ദ്രൻ. കെ.എം. മാണിയുടെ ജനപിന്തുണ അദ്ദേഹം ഒരു തെരഞ്ഞെടുപ്പിൽ മത്സരിച്ച്​ ബോധ്യപ്പെടുത്തണം. യു.ഡി.എഫിൽനിന്ന്​ വിട്ടുവെന്ന്​ പ്രഖ്യാപിച്ച ശേഷവും മലപ്പുറത്ത്​ നടന്ന രണ്ട്​ തെരഞ്ഞെടുപ്പുകളിൽ അവർ ആർക്കൊപ്പമായിരു​െന്നന്ന്​ എല്ലാവർക്കും അറിയാമെന്ന​​ും മാധ്യമപ്രവർത്തകരോട്​ കാനം പറഞ്ഞു. 

1980ൽ കെ.എം. മാണി എൽ.ഡി.എഫി​നൊപ്പമുണ്ടായിരുന്നു. അവർ എ​പ്പോഴാണ്​ പോയതെന്നുപോലും തങ്ങൾ അറിഞ്ഞിട്ടില്ല. ഇത്തരം മാറ്റങ്ങളൊക്കെ അവരുടെ സ്​ഥിരം സ്വഭാവമാണ്​. മാണിയുടെ ജനപിന്തുണ തെളിയിക്കാൻ വഴിയൊന്നുമില്ല. കാരണം അദ്ദേഹം മത്സരിക്കുന്നില്ല. സി.പി.​െഎ നിലപാട്​ കർക്കശമാക്കിയതുകൊണ്ടാണോ   മാണി യു.ഡി.എഫിനൊപ്പം ചേർന്ന​െതന്ന ചോദ്യത്തിന്​ അത്​ അദ്ദേഹത്തോട്​ തന്നെ ചോദിക്കണമെന്നായിരുന്നു മറുപടി.