കെ.എം. മാണിയുടെ നിലപാട് ലജ്ജാകരം -വെള്ളാപ്പള്ളി

ചേര്‍ത്തല: ചെങ്ങന്നൂര്‍ ഉപതെരഞ്ഞെടുപ്പില്‍ കേരള കോണ്‍ഗ്രസ് നേതാവ് കെ.എം. മാണിയുടെ നിലപാട് ലജ്ജാകരമാണെന്ന് എസ്.എൻ.ഡി.പി യോഗം ജനറല്‍ സെക്രട്ടറി വെള്ളാപ്പള്ളി നടേശന്‍. യു.ഡി.എഫിന് പിന്തുണ പ്രഖ്യാപിച്ച് മാണി കലമുടച്ചു. ഇടതുപക്ഷത്തെ മോഹിപ്പിച്ച് ചതിക്കുകയായിരുന്നു. എരണ്ടയുടെ സ്വഭാവമാണ് മാണിക്ക്​. എവിടെ ചെന്നാലും വെള്ളം കണ്ടാല്‍ അതെടുത്തുചാടും. സുകുമാരന്‍ നായര്‍ പറഞ്ഞപോലെ മാണിക്ക് സമദൂരം പറയാമായിരുന്നു. ഇടതുപക്ഷത്തിന് മാണിയുടെ നിലപാട് വലിയ നാണക്കേടായിപ്പോയെന്നും അദ്ദേഹം പറഞ്ഞു.