ആദിവാസി മേഖലയിൽനിന്ന്​ തണ്ടർബോൾട്ടിനെ​ പിൻവലിക്കണമെന്ന്​ സി.പി.​െഎ റിപ്പോർട്ട്​

തിരുവനന്തപുരം: അട്ടപ്പാടി ആദിവാസി മേഖലകളിൽനിന്ന്​ തണ്ടർബോൾട്ടിനെ പിൻവലിക്കണമെന്ന്​ സി.പി.​െഎ സംഘത്തി​​​െ ൻറ റിപ്പോർട്ട്​. ഏറ്റുമുട്ടൽ കൊല നടന്ന അട്ടപ്പാടി മഞ്ചിക്കണ്ടി വനമേഖല സന്ദർശിച്ച അസിസ്​റ്റൻറ്​ സെക്രട്ടറി കെ. പ്രകാശ് ബാബുവി​​​െൻറ നേതൃത്വത്തിലുള്ള പ്രതിനിധി സംഘമാണ്​ വസ്​തുതാന്വേഷണ റിപ്പോർട്ട്​ തയാറാക്കിയത്​. റി പ്പോർട്ട്​ ചൊവ്വാഴ്​ച സി.പി.​െഎ പ്രതിനിധിസംഘം മുഖ്യമന്ത്രി പിണറായി വിജയന്​ സമർപ്പിച്ചു. റിപ്പോർട്ട്​ പരിഗണിക്കാമെന്ന്​ മുഖ്യമന്ത്രി അറിയിച്ചതായി പ്രകാശ്​ ബാബു പറഞ്ഞു.

മഞ്ചിക്കണ്ടിയിൽ നാല്​ മ​ാ​വോവാദികളുടെ വധത്തിന്​ കാരണം​ വ്യാജ ഏറ്റുമുട്ടലായിരുന്നെന്ന്​ റിപ്പോർട്ട്​ വ്യക്​തമാക്കുന്നു. മാവോവാദികൾ ഉച്ചക്ക്​ ആഹാരം കഴിച്ചുകൊണ്ടിരുന്നപ്പോ​േഴാ അതിന്​ തൊട്ടുപിന്നാലെയോ തണ്ടർബോൾട്ട്​ സേന വളഞ്ഞ്​ വെടിവെച്ച്​ കൊല്ലുകയായിരുന്നു. ഏറ്റുമുട്ടൽ നടന്നില്ല. ആദ്യദിവസം പിടികൂടിയ മണിവാസകത്തെ അടുത്തദിവസം വനമേഖലയിലെത്തിച്ച്​ കൊലപ്പെടുത്തിയെന്നാണ്​ ആദിവാസികൾ വിശ്വസിക്കുന്നത്​. കടുത്ത പ്രമേഹബാധിതനായ മണിവാസകത്തിന്​ നടക്കാൻപോലും കഴിയില്ലായിരുന്നു. ഏറ്റുമുട്ടൽ കൊലയിൽ മജിസ്​റ്റീരിയൽ അന്വേഷണം നടത്തണം.

ആദിവാസികൾ ചന്തയിൽ പോകു​േമ്പാഴും മടങ്ങു​േമ്പാഴും തണ്ടർബോൾട്ട്​ സേന ശല്യംചെയ്യുന്നു​. കാട്ടിൽ വനവിഭവങ്ങൾ ശേഖരിക്കാൻ കഴിയാത്ത സ്ഥിതിയാണ്​​. സംസ്ഥാന നിർവാഹക സമിതിയംഗം പി. പ്രസാദ്​, പാലക്കാട്​ ജില്ല സെക്രട്ടറി കെ.പി. സുരേഷ്​ രാജ്​, എം.എൽ.എമാരായ ഇ.കെ. വിജയൻ, മുഹമ്മദ്​ മുഹസിൻ എന്നിവരാണ്​ വസ്​തുതാന്വേഷണ സംഘത്തിലുണ്ടായിരുന്നത്​.