പുതിയ സഖ്യം, ചാർ​േട്ടർഡ്​ വിമാനം, കോൾ റെക്കോർഡിങ്; സിനിമാക്കഥയെ വെല്ലുന്ന ‘കർനാടക’ ദിനങ്ങൾ

കർണാടകയിൽ നാടകാന്തം കുമാരസ്വാമി അധികാരത്തിലേറുകയാണ്​. കർണാടകയിലും ഡൽഹിയിലുമായി വോ​െട്ടണ്ണലിന്​ മുമ്പും ശേഷവും നടന്ന സംഭവങ്ങൾ സിനിമാക്കഥയെ വെല്ലുന്നതായിരുന്നു. രാഷ്​ട്രീയക്കാരും സുപ്രീംകോടതിയും രാജ്​ഭവനും ഇൗഗിൾടൺ ഹോട്ടലും കൊച്ചിയും ഹൈദരാബാദും ഒക്കെ ഉൾപെടുന്ന പൊളിറ്റിക്കൽ ത്രില്ലർ.
 

നൂറ്​ സീറ്റുകളിൽ കുറവ്​ വരുകയാണെങ്കിൽ ജെ.ഡി.എസിനെ നിരുപാധികമായി പിന്തുണക്കാൻ വോ​െട്ടണ്ണലിന്​ 24 മണിക്കൂർ മു​േമ്പ തീരുമാനിച്ചതു മുതൽ എം.എൽ.എമാരെ ഹോട്ടലുകളിൽ നിന്നും മാറ്റാനും വാഗ്​ദാനവുമായി വരുന്ന ഫോൺകോൾ പകർത്താൻ​​ ആപ്ലിക്കേഷൻ ഡൗൺലോഡ്​ ചെയ്യാൻ​ നിർദേശിച്ചതും ചണ്ഡിഗഢിൽ കുടുങ്ങിക്കിടന്ന പാർട്ടിയുടെ നിയമ വിദഗ്​ധന്​​ വേണ്ടി ചാർ​േട്ടഡ്​ വിമാനം അയച്ചതുവരെയുള്ള കോൺഗ്രസി​​​​െൻറ മുൻകൂട്ടി തയാറാക്കിയ തിരക്കഥ കർണാടകയിൽ ഫലം കാണുകയായിരുന്നു.

ഫലം വരുന്നതിന്​ മുമ്പ്​ തന്നെ കാര്യങ്ങളുടെ ഏകദേശ ധാരണ ദേശീയ അധ്യക്ഷൻ രാഹുൽ ഗാന്ധിക്കും കൂട്ടർക്കുമുണ്ടായിരുന്നു​. അഹ്​മദ്​ പ​േട്ടൽ, ഗുലാം നബി ആസാദ്​, അശോക്​ ഗെഹ്​ലോട്​, കർണാടകയിലെ എ.​െഎ.സി.സിയുടെ അമരക്കാരൻ കെ.സി വേണുഗോപാൽ എന്നിവരുമായി മെയ്​ 14ന്​ രാഹുൽ ഗാന്ധി കൂടിക്കാഴ്​ച നടത്തിയിരുന്നു. കൂടിക്കാഴ്​ചയിൽ തെരഞ്ഞടുപ്പ്​ ഫലം വിപരീതമാണെങ്കിൽ ജെ.ഡി.എസിനെ പിന്തുണക്കാമെന്ന തീരുമാനത്തിൽ എത്തിയിരുന്നതായി അടുത്ത വൃത്തങ്ങൾ ചൂണ്ടിക്കാട്ടുന്നു. 

 
ഇതുമായി ബന്ധപ്പെട്ട സന്ദേശം ജെ.ഡി.എസിന്​ കൈമാറി. വോ​െട്ടണ്ണൽ ദിനത്തി​ൽ തന്നെ എ.​െഎ.സി.സി സെക്രട്ടറിമാരായ അഞ്ചുപേരെ അതാത്​ സ്ഥലങ്ങളിൽ വിന്യസിക്കുകയും ചെയ്​തിരുന്നു. പി.സി വിഷ്​ണുനാഥ്​, മാണിക ടാഗോർ, മാധു യാഷ്​കി ഗൗഡ്​, സാകെ സൈൽജനാഥ്​, യഷോമതി താക്കൂർ എന്നി​വർക്കായിരുന്നു ഡ്യൂട്ടി. 

ഗുലാം നബി ആസാദ്​, വേണുഗോപാൽ, ഗെഹ്​ലോട്​​ എന്നിവർ ​ബംഗളൂരുവിൽ തമ്പടിച്ചു. ​ഫലം വരുന്നതോടെ ബി.ജെ.പിക്ക്​ തിരിച്ചടിയാവുമെന്ന കാര്യം ഉറപ്പായതിനാൽ പലയിടത്തായി വിന്യസിച്ച എ.​െഎ.സി.സി സെക്രട്ടറിമാരോട്​ എല്ലാ എം.എൽ.എമാരെയും ബന്ധപ്പെട്ട്​ അവരോട്​ ​ബംഗളൂരുവിലേക്ക്​ എത്താൻ ആവശ്യപ്പെടണമെന്ന്​ നിർദേശം നൽകുകയും ചെയ്​തു. വോ​െട്ടണ്ണലിന്​ ശേഷം മെയ്​ 16നായിരുന്നു നാടകത്തിന്​ തുടക്കമാവുന്നത്​. 

മെയ്​ 15ന്​ തന്നെ സർക്കാരുണ്ടാക്കാൻ കോൺഗ്രസ്​-ജെഡിഎസ്​ സഖ്യം അവകാശമുന്നയിച്ചിരുന്നു. അതേസമയം ബി.എസ്​ യെദിയൂരപ്പ സർക്കാരുണ്ടാക്കാനുള്ള അവകാശവാദവുമായി ഗവർണർ വജുഭായ്​ വാലയെ സമീപിക്കുമെന്ന കാര്യം കൂടി മുന്നിൽകണ്ട്​ കോൺഗ്രസ്​ നേതാക്കൾ ഡൽഹിയിൽ യോഗം ചേരുകയും വളരെ പെട്ടന്നുള്ള നിയമയുദ്ധത്തിന്​ കോപ്പുകൂട്ടുകയുമായിരുന്നു. 

എന്നാൽ നിയമയുദ്ധത്തിന്​ നേതൃത്വം നൽകേണ്ട അഭിഷേക്​ മനു സിങ്​വി ചണ്ഡിഗഢിലാണു താനും. രൺദീപ്​ സിങ്​ സുർജേവാലയും അഹമദ്​ പ​േട്ടലും നിരവധി തവണ അദ്ദേഹത്തെ വിളിക്കുകയും സംസാരിക്കുകയും ചെയ്​തു. കോൺഗ്രസി​​​​​​െൻറ മുതിർന്ന നേതാവായ എം.ബി പാട്ടീലുമായും കൂടിക്കാഴ്​ച നടത്തി. ചണ്ഡിഗഢിൽ നിന്നും തിരിക്കാനിരുന്ന സിങ്​വിയെ കാത്തിരുന്നത്​ വിമാനത്താവളം അടച്ച വാർത്തയായിരുന്നു. അതേ​ാടെ സിങ്​വി കുരുക്കിലായി. ട്രെയിനിൽ തിരിക്കാമെന്നുവെച്ചാൽ രാത്രിയോടെ മാത്രമായിരിക്കും സിങ്​വിക്ക്​ ഡൽഹി​യിലെത്താൻ സാധിക്കുക. തുടർന്ന്​ കോൺഗ്രസ്​ സംഘടിപ്പിച്ച ചാർ​േട്ടർഡ്​ വിമാനത്തിൽ സിങ്​വി ഡൽഹിയിലേക്ക്​. ഡൽഹിയിലെത്തി പ​േട്ടൽ, ചിദംബരം, സുർജേ വാല കപിൽ സിബൽ എന്നിവരുമായി കൂടിക്കാഴ്​ച നടത്തുകയും സുപ്രീം കോടതിയിലേക്കുള്ള ഹരജിയുമായി ബന്ധപ്പെട്ട അന്തിമ തീരുമാനങ്ങൾ കൈകൊള്ളുകയും ചെയ്​തു.

ഭൂരിപക്ഷമുള്ള കോൺഗ്രസ്​-ജെ.ഡി.എസ്​ സഖ്യത്തെ അധികാരത്തിലേറാൻ ക്ഷണിക്കണമെന്ന്​ ഗവർണർക്ക്​ ഉത്തരവ്​ നൽകാൻ ആവശ്യമുന്നയിച്ചുള്ള ഹരജിയായിരുന്നു ആദ്യം തയാറാക്കിയത്​​. എന്നാൽ യെദ്യൂരപ്പയെ സർക്കാരുണ്ടാക്കാൻ ഗവർണർ ക്ഷണിക്കുമെന്ന്​ മുൻകൂട്ടിക്കണ്ട ​കോൺഗ്രസ്​ ഗവർണറുടെ തീരുമാനത്തെ ചോദ്യം ചെയ്​തുകൊണ്ടുള്ള ഹരജിയെ കുറിച്ചു ചർച്ചചെയ്​തു​.

ചിദംബരവും സംഘവും എ.​െഎ.സി.സി ആസ്ഥാനത്ത്​ വാർത്താ സമ്മേളനം വിളിച്ചുചേർത്തു. എന്നാൽ യെദ്യൂരപ്പയെ സർക്കാരുണ്ടാക്കാൻ ഗവർണർ ക്ഷണിച്ചുവെന്ന്​ ഉറപ്പായതോടെ സിങ്​വി വാർത്താസമ്മേളനത്തി​​​​​​െൻറ ഇടക്കു​െവച്ച്​ പിൻവാങ്ങുകയും തുടർന്ന് 9:30ന്​​ ഹരജി പൂർണ്ണമായും മാറ്റിയെഴുതുകയും ചെയ്​തു. 

സത്യ​പ്രതിജ്ഞ രാവിലെ 9മണിക്ക് നടത്താൻ തീരുമാനിച്ചിരുന്നില്ലെങ്കിൽ ​ധ്രുതഗതിയിൽ കാര്യങ്ങൾ ചെയ്യാൻ കോൺഗ്രസിന്​ കഴിയുമായിരുന്നില്ലെന്നും ഇതിന്​ തങ്ങളെ സഹായിച്ചത്​ ബി.ജെ.പിയാണെന്നും മുതിർന്ന കോൺഗ്രസ്​ നേതാവ്​ പറഞ്ഞു.

രാത്രി 10 മണിക്ക്​ സിങ്​വിയുടെ ജൂനിയർ ദേവദത്ത്​ കമ്മത്തും അയാളുടെ ജൂനിയർ അഭിഭാഷകരും കോടതിയിലേക്ക്​ അടിയന്തിരമായി പോയി. സിങ്​വിയും ജൂനിയർമാരും അദ്ദേഹത്തി​​​​​​െൻറ നീതി ബാഗിലുള്ള വീട്ടിൽ നിന്നും സുപ്രീം കോടതിയുടെ അടുത്തുള്ള മച്ചാൻ ഹോട്ടലിലേക്ക്​ മാറി. തുടർന്ന്​ പാതിരാത്രി 1:45ന്​ വാദം കേൾക്കാനായി കോടതിയിലേക്ക്​. 

അതേസമയം ബംഗളൂരുവിലും സമാനമായ നാടകങ്ങൾ അരങ്ങേറുന്നുണ്ടായിരുന്നു. രഹസ്യമായി പാർപ്പിച്ച കോൺഗ്രസ്​ എം.എൽ.എമാർക്ക്​ കോടികൾ വാഗ്​ദാനം ചെയ്​തുകൊണ്ടുള്ള ബി.ജെ.പി നേതാക്കൻമാരുടെ കോളുകൾ വരാൻ തുടങ്ങിയിരുന്നു. അപകടം മണത്ത്​ എല്ലാവരെയും ഇൗഗിൾട്ടൺ റിസോർട്ടിലേക്ക്​ മാറ്റി. എം.എൽ.എമാരെ പത്തുപേരുള്ള ഗ്രൂപ്പാക്കി തിരിച്ച്​ മുതിർന്ന നേതാക്കളെ ഒാരോ ഗ്രൂപ്പി​​​​​​െൻറയും ചുമതലയേൽപിച്ചു. അവരുടെ ഒാരോ നീക്കങ്ങളും ഒപ്പിയെടുക്കാനുള്ള നിർദേശവും നൽകി. ​പ്രത്യേകിച്ച്​ ദുർബല മനസ്​കരായ ചിലരുടെ.

എം.എൽ.എമാർ തങ്ങൾക്ക്​ തുടർച്ചയായി കോളുകൾ വരുന്നുവെന്ന്​ റിപ്പോർട്ട്​ ചെയ്​തതോടെ കോൾ റെക്കോർഡിങ്​ ആപുകൾ ഡൗൺലോഡ്​ ചെയ്യാൻ നിർദേശം നൽകി. അഞ്ചുകോടി രൂപയുമായി വണ്ടി പുറത്തുനിൽപുണ്ടെന്ന്​ പറഞ്ഞ്​ ചിലർക്ക്​ കോളുകൾ വന്നതായും റിപ്പോർട്ടുകൾ വന്നു. യെദിയൂരപ്പ മുഖ്യമന്ത്രിയായതോടെ റിസോർട്ടിനുള്ള സുരക്ഷ പിൻവലിച്ചു. തുടർന്ന്​ എം.എൽ.എമാരെ കേരളത്തിലെത്തിക്കാനുള്ള നീക്കമായി.

എന്നാൽ പറഞ്ഞുറപ്പിച്ച കൊച്ചിയിലെ ഹോട്ടലുകാർ അവസാനം കാലുമാറി. ബി.ജെ.പി ലീഡർമാരുടെ സമ്മർദമുണ്ടെന്ന്​ അറിയിക്കുകയായിരുന്നു. കൊച്ചിയിലെ മറ്റൊരു ഹോട്ടൽകൂടി പരിഗണിച്ചെങ്കിലും ചാർ​േട്ടർഡ്​ വിമാനത്തിന്​ അനുമതി ലഭിച്ചില്ലെന്ന്​ കേരളത്തിലെ കോൺഗ്രസ്​ നേതാക്കളും അറിയിച്ചതോടെ തീരുമാനം മാറ്റുകയായിരുന്നു. എന്നാൽ വൈകാതെ ഡി.ജി.സി.എ ചാർ​േട്ടർഡ്​ വിമാനത്തിന്​ അനുമതിയുടെ ആവശ്യമില്ലെന്ന്​ അറിയിക്കുകയായിരുന്നു. 

തുടർന്ന്​ ഹൈദരാബാദിലേക്ക്​ റോഡ്​മാർഗം എം.എൽ​.എമാരെ കൊണ്ടുപോവാൻ തീരുമാനിച്ചു. കോൺഗ്രസ്​ നേതാക്കളെ ഞെട്ടിച്ചുകൊണ്ട്​ തെലങ്കാന പോലീസ്​ എം.എൽ.എമാർക്ക്​ സുരക്ഷയൊരുക്കുകയും ഹോട്ടൽ വരെ അനുഗമിക്കുകയും ചെയ്​തു. തെലങ്കാന പി.സി.സി ​അധ്യക്ഷൻ ഉത്തംകുമാറും മുൻ എം.പി ടി സുബ്രഹ്മണി റെഡ്ഡി എന്നിവരും പൂർണ്ണ പിന്തുണ നൽകി.

ഉന്നത നേതാക്കളുമായുള്ള ആത്മബന്ധം മൂലമാണ്​ എം.എൽ.എമാർ ബി.ജെ.പിയിലേക്ക്​ പോവാതിരുന്നതെന്ന്​ കോൺഗ്രസ്​ പറഞ്ഞിരുന്നു. ബി.ജെ.പി​യിലേക്ക്​ മാറിയാൽ ജാതി വിവേചനം അനുഭവിക്കേണ്ടിവരുമെന്ന ഭയവും അവർക്കുണ്ടായിരുന്നുവെന്നും കോൺഗ്രസ്​ വ്യക്​തമാക്കി.