കേരളപ്പിറവി: വിപുലമായ ആഘോഷ പരിപാടികള്‍ സംഘടിപ്പിക്കുമെന്ന് എസ്.ഡി.പി.ഐ

തിരുവനന്തപുരം:കേരളപ്പിറവി ദിനത്തിൽ വിപുലമായ ആഘോഷ പരിപാടികള്‍ സംഘടിപ്പിക്കുമെന്ന് എസ്.ഡി.പി.ഐ. 'നമ്മുടെ കേരളം, നമ്മുടെ മലയാളം: നവംബര്‍ ഒന്നിന് കേരളപ്പിറവി ആഘോഷം എസ്.ഡി.പി.ഐ' എന്ന തലക്കെട്ടില്‍ സംസ്ഥാനത്ത് കേരളപ്പിറവി ദിനാഘോഷം സംഘടിപ്പിക്കുമെന്ന് എസ്.ഡി.പി.ഐ സംസ്ഥാന വൈസ് പ്രസിഡന്റ് പി.അബ്ദുല്‍ ഹമീദ് അറിയിച്ചു.

ഘോഷയാത്ര, കലാകായിക മത്സരങ്ങള്‍, മലയാളം : ഒരുമയും പെരുമയും എന്ന വിഷയത്തില്‍ സാംസ്‌കാരിക സംഗമങ്ങള്‍, നാടും വികസനവും പ്രമേയമാക്കി വികസന സെമിനാറുകള്‍ സംവാദ സദസ്, സാംസ്‌കാരിക സായാഹ്നം തുടങ്ങിയ വിവിധ പരിപാടികള്‍ സംഘടിപ്പിക്കുമെന്നും പി.അബ്ദുല്‍ ഹമീദ് പറഞ്ഞു.