തദ്ദേശ തെരഞ്ഞെടുപ്പ്​: കൂടുമാറ്റം, കൂടണയൽ! അണിയറയിൽ കരുനീക്കം സജീവം

കൽപറ്റ: തദ്ദേശ തെരഞ്ഞെടുപ്പ്​ മുന്നിൽ കണ്ട്​ പാർട്ടികളിൽ കൂടുമാറ്റവും കൂടണയലൂം സജീവമായി. അണിയറയിലെ രഹസ്യങ്ങൾ പുറത്തുപോകാതെ സൂക്ഷിക്കാൻ പാർട്ടികൾക്ക്​ നിർദേശമുണ്ട്​. കൂടുമാറ്റം ആഗ്രഹിക്കുന്നവരെ പ്രോത്സാഹിപ്പിച്ച്​ സ്വന്തം പാർട്ടിയിലെത്തിക്കാൻ വിവിധ കേന്ദ്രങ്ങളിൽ ചർച്ച നടക്കുന്നുണ്ട്​.

വിവിധ പഞ്ചായത്തുകളിലെ പാർട്ടി സ്ഥാനാർഥികളുടെ കാര്യത്തിൽ ധാരണകൾ പൂർത്തിയായി. കഴിഞ്ഞ തവണ മത്സരിച്ച വാർഡുകളും ഡിവിഷനുകളും നിലനിർത്തുകയാണ്​ പാർട്ടികളുടെ ലക്ഷ്യം. ഒപ്പം ഭരണം ലഭിക്കാനുള്ള നീക്കുപോക്കുകളും തുടങ്ങി. മറ്റ്​ പാർട്ടികളിലുള്ളവരെ മറുകണ്ടം ചാടിക്കാനുള്ള ശ്രമങ്ങൾ നടക്കുന്നുണ്ട്​.

ജോസ്​ കെ. മാണിയുടെ കേരള കോൺഗ്രസ്​ -എം ഇടതുമുന്നണിയിൽ എത്തിയതോടെ നിരവധി നീക്കങ്ങളാണ്​ അണിയറയിൽ നടക്കുന്നത്​. ജോസ്​ കെ. മാണിയുടെ പാർട്ടിയിലേക്ക്​ മടങ്ങിവരുന്നവരെ സ്വീകരിക്കാൻ ശ്രമം തുടങ്ങി. ജനാധിപത്യ കേരള കോൺഗ്രസിലെ ചില ഭാരവാഹികൾ ഇതിനകം വയനാട്ടിൽ കെ.ജെ. ദേവസ്യ പ്രസിഡൻറായ പാർട്ടി ഘടകത്തിൽ ചേർന്നു കഴിഞ്ഞു. കൂടുതൽ പേർ ഈ മാസംതന്നെ പാർട്ടിയിൽ എത്തുമെന്ന്​ ദേവസ്യ വെളിപ്പെടുത്തി.

ജനതാദൾ -എസിൽ പൊട്ടി​െത്തറി തുടരുകയാണ്​. ചില ഭാരവാഹികൾ ഇതിനകം വയനാട്ടിൽ സി.എം.പിയിൽ ചേർന്നതായി അറിയിച്ചിട്ടുണ്ട്​. തെരഞ്ഞെടുപ്പ്​ മുന്നിൽ കണ്ട്​ ചെറിയ ധ്രുവീകരണങ്ങൾ പോലും മുതലാക്കാനാണ്​ മുഖ്യധാര പാർട്ടികളുടെ തീരുമാനം.

മുന്നണി സംവിധാനങ്ങളും ശക്തിപ്പെടുത്തും. വയനാട്ടിൽ അടുത്ത കാലത്തായി കർഷക സമരങ്ങൾ ശക്തമായിട്ടുണ്ട്​. ക്രൈസ്​തവ സഭകളും രംഗത്തുണ്ട്​. പരിസ്ഥിതി ലോല പ്രദേശങ്ങളുടെ പ്രഖ്യാപനം ഉണ്ടാക്കുന്ന ആശങ്ക നിലനിൽക്കുന്നു. വയനാട്​ വന്യജീവി കേന്ദ്രം കടുവ സ​ങ്കേതമാക്കാനുള്ള നീക്കം, ജീവനും സ്വത്തിനും ഭീഷണിയായ വന്യമൃഗശല്യം എന്നിവയെല്ലാം ത്രിതല പഞ്ചായത്ത്​ തെരഞ്ഞെടുപ്പിൽ അലയടിക്കും. എന്നാൽ, മത്സരരംഗത്തുണ്ടാകില്ലെന്ന്​ കാർഷിക പുരോഗമന സമിതി നേതാവ്​ പി.എം. ജോയി അറിയിച്ചു.

സി.പി.എം നേതൃത്വത്തിൽ ഇടതുമുന്നണി ഭരിക്കുന്ന തദ്ദേശസ്ഥാപനങ്ങളുടെ വികസന നേട്ടങ്ങൾ സമൂഹമാധ്യമങ്ങൾ വഴി പ്രചരിപ്പിക്കുന്നുണ്ട്​. സർക്കാറി​െൻറ നേട്ടങ്ങൾ ജനങ്ങളിൽ എത്തിക്കാൻ പാർട്ടി തീവ്രശ്രമം തുടങ്ങിയിട്ടുണ്ട്​. പ്രാദേശിക വിഷയങ്ങളിലും ഇട​െപടും.

അതേസമയം, ഭരണപരാജയങ്ങളും സർക്കാറിനെതിരെ നിരന്തരം ഉയർന്നുവരുന്ന അഴിമതി ആരോപണങ്ങളും പ്രാദേശിക തലത്തിൽ പ്രചാരണായുധമാക്കാനാണ്​ യു.ഡി.എഫ്​ ശ്രമം. ഇതിന്​ സമൂഹമാധ്യമങ്ങളും ഉപയോഗിക്കും. അതിനിടയിൽ പ്രാദേശിക തലത്തിൽ കൂടുമാറ്റങ്ങൾക്ക്​ എല്ലാപാർട്ടികളും വാതിൽ തുറന്നിട്ടിരിക്കുകയാണ.്​ ചിലരാണെങ്കിൽ കൂടണയാൻ കാത്തുനിൽക്കുന്ന സാഹച​ര്യവും ഉണ്ട്​.