ബി.ജെ.പിയെ വിറപ്പിക്കാൻ പ്രതിപക്ഷ സഖ്യം

ഝാർഖണ്ഡ്​ എന്നാൽ വനങ്ങളുടെ നാട്​ എന്നാണർഥം. 2000 നവംബർ 15നായിരുന്നു പിറവി. ബിഹാറി​​െൻറ തെക്കൻഭാഗത്തുനിന്ന്​ വകഞ ്ഞെടുത്തായിരുന്നു പുതിയ സംസ്​ഥാനമുണ്ടാക്കിയത്​. ബിഹാറും ഉത്തർപ്രദേശും ഛത്തിസ്​ഗഢും ഒഡിഷയും പശ്ചിമ ബംഗാളും അതിരിടുന്നു. തലസ്​ഥാനം റാഞ്ചി. രാജ്യത്തെ ധാതുനിക്ഷേപത്തി​​െൻറ 40 ശതമാനവും ഇവിടെയാണ്​. എന്നിട്ടും ദരിദ്ര സംസ്​ഥ ാനം​. 39.1 ശതമാനം പേരും ദാരി​​ദ്ര്യരേഖക്ക്​ താഴെ. 19 ശതമാനം കുട്ടികൾക്കും പോഷകാഹാരക്കുറവ്​. ഇൗ ദാരിദ്ര്യവും കാലങ് ങളായി നിലനിൽക്കുന്ന ചൂഷണവ്യവസ്​ഥിതിയും രാജ്യത്ത്​ വലിയ തോതിൽ നക്​സൽ ഭീഷണിയുള്ള സംസ്​ഥാനമാക്കി ഝാർഖണ്ഡിനെ മാറ്റി. 1967നുശേഷം നക്​സലുകളുമായുണ്ടായ പൊലീസ്​, അർധസൈനിക, സൽവാ ജുദൂം(പ്രാദേശിക സായുധ സംഘം)ഏറ്റുമുട്ടലുകളിൽ 6000ത് തോളം ജീവനുകളാണ്​ പൊലിഞ്ഞത്​. ഇന്നും നക്​സൽ ഭീഷണി ​ശക്​തമാണ്​. നിലവിൽ ബി.ജെ.പിയിലെ രഘുബർ ദാസാണ്​ മുഖ്യമന്ത്രി. സംസ്​ഥാനത്തി​​െൻറ ചരിത്രത്തിൽ ആദ്യമായി അഞ്ചുവർഷം തികക്കാൻപോകുന്ന ഭരണാധികാരിയുമാണ്​​ അദ്ദേഹം. വരുന്ന ലോക്​സഭ തെരഞ്ഞെടുപ്പ്​ കഴിഞ്ഞാൽ 2019 ഡിസംബറിൽതന്നെ നിയമസഭ തെരഞ്ഞെടുപ്പിനും ഝാർഖണ്ഡിൽ കളമൊരുങ്ങും.

പ്രാദേശിക കക്ഷികളുടെ കളി

2014ലെ ലോക്​സഭ തെരഞ്ഞെടുപ്പിലുണ്ടായ മോദിതരംഗത്തിൽ 14ൽ 12 സീറ്റും നേടിയത്​ ബി.ജെ.പിയാണ്​. ഝാർഖണ്ഡ്​​ മുക്​തി മോർച്ച(ജെ.എം.എം)ക്കാണ്​ ബാക്കി രണ്ട്​ സീറ്റ്​ കിട്ടിയത്​. അതും അവരുടെ ശക്​തികേന്ദ്രമായ സാന്താൾ പർഗാനയിൽ. ഇത്തവണ ശക്​തമായ കേന്ദ്ര ഭരണവിരുദ്ധ തരംഗമാണ്​ സംസ്​ഥാനത്ത്​ ബി.ജെ.പി സർക്കാർ നേരിടുന്നത്​. ഇൗ സാഹചര്യം മുതലെടുത്ത്​ ബി.ജെ.പിയെ തറപറ്റിക്കാൻ ജെ.എം.എം, ബാബുലാൽ മറാൻഡിയുടെ ഝാർഖണ്ഡ്​ വികാസ്​ മോർച്ച (ജെ.വി.എം-പ്രജാതാന്ത്രിക്​), ആർ.ജെ.ഡി എന്നിവരുമായി കോൺഗ്രസ്​ സഖ്യമുണ്ടാക്കിയിട്ടുണ്ട്​. ലോക്​സഭ ഫലം അതേവർഷം നടക്കുന്ന നിയമസഭ തെരഞ്ഞെടുപ്പിലും പ്രതിഫലിക്കുമെന്നാണ്​ കണക്കു​കൂട്ടൽ. സാന്താൾ പർഗാനയിലെ ഗോത്രവർഗ വിഭാഗങ്ങൾക്കിടയിൽ ഏറ്റവും സ്വാധീനമുള്ള പ്രാദേശിക കക്ഷിയാണ് ജെ.എം.എം.

2014വരെ സഖ്യങ്ങളും ഭരണവും മാറിമറിയുന്ന സംസ്​ഥാനമായിരുന്നു ഝാർഖണ്ഡ്​. 2000ത്തിനും 2014നും ഇടക്ക്​ ജെ.എം.എം സ്​ഥാപകൻ ഷിബു സോറൻ മൂന്നു പ്രാവശ്യം​ മുഖ്യമന്ത്രിയായി. അദ്ദേഹത്തി​​െൻറ മകൻ ഹേമന്ത്​ സോറൻ ഒരു തവണയും. 9.42 ശതമാനം വോട്ട്​ നേടി കഴിഞ്ഞതവണ രണ്ട്​ ലോക്​സഭ സീറ്റ്​ നേടിയ ജെ.എം.എം അതേവർഷം നിയമസഭ തെരഞ്ഞെടുപ്പിൽ നില മെച്ചപ്പെടുത്തി. 20.43 ശതമാനം വോ​േട്ടാടെ 17 നിയമസഭ മണ്ഡലങ്ങൾ നേടി. ജെ.വി.എം-പി, എ.ജെ.എസ്​.യു(ബി.​െജ.പി ഘടകകക്ഷി)എന്നിവരാണ്​ മറ്റു​ പ്രധാന പ്രാ​േദശിക കക്ഷികൾ. ഗോത്രമേഖലയിലാണ്​ ജെ.വി.എം.പിക്കും സ്വാധീനമുള്ളത്​. പാർട്ടി നേതാവായ ബാബുലാൽ മറാൻഡി കോഡർമയിൽ നിന്ന്​ അഞ്ചു​ തവണ എം.പിയായിട്ടുണ്ട്​​. ലോക്​സഭ തെരഞ്ഞെടുപ്പിൽ ജെ.എം.എമ്മിനെക്കാൾ കൂടുതൽ വോട്ട്​ (21.25ശതമാനം) ജെ.വി.എം.പിക്കായിരുന്നെങ്കിലും നിയമസഭ തെരഞ്ഞെടുപ്പിൽ 9.99 ശതമാനം ​േവാട്ട്​ മാത്രം ലഭിച്ച്​ എട്ടു സീറ്റിലേക്ക്​ അവർ ചുരുങ്ങി. സുദേഷ്​ മഹ്​തൊ നയിക്കുന്ന എ.ജെ.എസ്​.യുവിന്​ അഞ്ച്​ എം.എൽ.എമാരുണ്ട്​.

നിയമസഭയിൽ ബി.ജെ.പി പിന്നോട്ട്​

2014ലെ ലോക്​സഭ തെരഞ്ഞെടുപ്പിൽ തൂത്തുവാരിയെങ്കിലും നിയമസഭ തെരഞ്ഞെടുപ്പ്​ വന്നപ്പോൾ വോട്ട്​ നിലയിൽ ബി.ജെ.പി താഴെപ്പോയി. 40.71 ശതമാനത്തിൽ നിന്ന്​ 31.26 ശതമാനമായാണ്​ വോട്ടു​വിഹിതം കുറഞ്ഞത്​. നിയമസഭ തെരഞ്ഞെടുപ്പിൽ പ്രാദേശിക കക്ഷികളുടെ സ്വാധീനമായിരുന്നു ഇതിനുകാരണം. സാന്താൾ, മുണ്ട, ഹൊ, ഒറാ​വോൺ എന്നിവയാണ്​ ഝാർഖണ്ഡിലെ പ്രധാന ഗോത്രവിഭാഗങ്ങൾ. മുണ്ടവിഭാഗം ബി.ജെ.പിയെ പിന്തുണക്കു​േമ്പാൾ ജെ.എം.എമ്മിന്​ സാന്താളികളിലും കോൺഗ്രസിന്​ ഹൊ, ഒറാവോൺ വിഭാഗത്തിലുമാണ്​ സ്വാധീനം​. ​ഗോത്ര ഇതര, അമുസ്​ലിം വോട്ടുകൾ നേടുന്നത്​ ബി.ജെ.പിയാണ്​. 2000ത്തിനും 2014നും ഇടക്ക്​ ഒമ്പത്​ തവണകളായി അഞ്ച്​ മുഖ്യമന്ത്രിമാർ സംസ്​ഥാനത്തിനുണ്ടായി. രഘുബർ ദാസി​​െൻറ സ്​ഥിരതയാർന്ന ഭരണം നിയമസഭ തെരഞ്ഞെടുപ്പിൽ ബി.ജെ.പിക്ക്​ നേട്ടമുണ്ടാക്കുമെങ്കിലും ലോക്​സഭയിൽ സ്വാധീനമുണ്ടാക്കില്ലെന്നാണ്​ വിലയിരുത്തൽ.

സർക്കാറി​​െൻറ വീഴ്​ചകൾ ചൂണ്ടിക്കാട്ടി പ്രതിപക്ഷം ഖനനത്തിന്​ ഭൂമി പാട്ടത്തിന്​ നൽകൽ, ഭൂമി ഏറ്റെടുക്കൽ നയം, പുതിയ ഗോത്രവർഗ നിയമം, പുതപ്പ്​ വിതരണത്തിലെ അഴിമതി തുടങ്ങിയവയാണ്​ നിയമസഭ തെരഞ്ഞെടുപ്പിൽ പ്രതിപക്ഷം​ വിഷയമാക്കുക. എന്നാൽ, ലോക്​സഭ തെരഞ്ഞെടുപ്പിൽ തൊഴിലില്ലായ്​മ, റഫാൽഅഴിമതി, നോട്ട്​ അസാധുവാക്കൽ തുടങ്ങിയവയിലൂന്നിയായിരിക്കും പ്രചാരണം. രഘുബർ ദാസ്​ സർക്കാറി​​െൻറ നേട്ടങ്ങളാണ്​ ബി.ജെ.പി നിയമസഭ തെരഞ്ഞെടുപ്പിൽ സ്വാഭാവികമായും ചൂണ്ടിക്കാട്ടുക. ആഗോള നിക്ഷേപ സംഗമം, പെൺകുട്ടികൾക്കായുള്ള സുകന്യ പദ്ധതി, മാവോവാദി ആക്രമണങ്ങൾ കുറഞ്ഞത്​, വനിതകളുടെ പേരിൽ ഒരു രൂപക്ക്​ വസ്​തു രജിസ്​ട്രേഷൻ തുടങ്ങിയവയായിരിക്കും സർക്കാറി​​െൻറ തുറുപ്പുശീട്ട്​. 2014ലെ ലോക്​സഭ, നിയമസഭ തെരഞ്ഞെടുപ്പ്​ സൂചനയായി​െട്ടടുത്താൽ രണ്ട്​ തെരഞ്ഞെടുപ്പിലും വോട്ടുകളിൽ വ്യതിയാനമുണ്ടാകും.
മറ്റു​ പിന്നാക്കവിഭാഗത്തിൽപ്പെടുന്ന എന്നാൽ ആദിവാസി വിഭാഗമല്ലാത്ത തെളി സമുദായാംഗമാണ്​ മുഖ്യമന്ത്രി രഘുബർ ദാസ്​. ബി.ജെ.പി അദ്ദേഹത്തെ മുഖ്യമന്ത്രിയായി കണ്ടെത്തിയതുതന്നെ ഗോത്ര-യാദവ ഇതര പിന്നാക്ക വോട്ടുകൾ ലക്ഷ്യംവെച്ചായിരുന്നു.

അതേസമയം ദലിത്​, ക്രിസ്​ത്യൻ വോട്ടുകളുടെ ഏകീകരണമാണ്​ കോൺഗ്രസ്​​ ലക്ഷ്യമിടുന്നത്​. 15ശതമാനത്തോളം മുസ്​ലിംകളുള്ള സംസ്​ഥാനമാണ്​ ഝാർഖണ്ഡ്​ എങ്കിലും ഭൂരിപക്ഷ സമുദായമായ ഹിന്ദു(67.8ശതമാനം) വോട്ടുകളുടെയും മുസ്​ലിം വോട്ടുകളുടെയും ധ്രുവീകരണം തെരഞ്ഞെടുപ്പിലെ പ്രധാന ഘടകമാകാറില്ല.