മേഘാലയയിൽ എ.എൽ ഹെക്​ ബി.ജെ.പി പാലമെൻററി പാർട്ടി നേതാവ്​

ഷില്ലോങ്​: രാഷ്​ട്രീയ അനിശ്​ചിതത്വം തുടരുന്ന മേഘാലയയിൽ ബി.​െജ.പി പാർലമ​​െൻററി പാർട്ടി നേതാവായി എ.എൽ ഹെക്ക് എം.എൽ.എയെ തെരഞ്ഞെടുത്തു. ആഭ്യന്തര സഹമന്ത്രി കിരൺ റിജിജു ട്വിറ്ററിലൂടെയാണ്​ ഇക്കാര്യം അറിയിച്ചത്​. നിയമസഭാ തെരഞ്ഞെടുപ്പിൽ പുതുതായി വിജയിച്ച എം.എൽ.എയാണ് എ.എൽ ഹെക്ക്. 

രണ്ടു സീറ്റുകളാണ്​ മേഘാലയയിൽ ബി.ജെ.പി നേടിയത്​. ബി.ജെ.പി സഖ്യകക്ഷിയായ എൻ.പി.പിക്ക്​ 19 സീറ്റുകളുണ്ട്​. ഇൗ സഖ്യം സർക്കാർ രൂപീകരണത്തിന്​ അവകാശവാദം ഉന്നയിക്കുമെന്നാണ്​ ബി.​െജ.പി നേതൃത്വം നൽകുന്ന സൂചന. മേഘാലയയിൽ ഏറ്റവും വലിയ ഒറ്റകക്ഷിയായ കോൺഗ്രസിനും 21 സീറ്റുകളേ നേടാനായിട്ടുള്ളു. അതിനാൽ മറ്റു സ്വതന്ത്രരെ കൂട്ടു പിടിച്ച്​ സർക്കാർ രൂപീകരിക്കാമെന്നാണ്​ ബി.ജെ.പിയുടെ കണക്കു കൂട്ടൽ. 

അതേസമയം, എൻ.പി.പി എം.എൽ.എമാരും യോഗം ചേർന്നുണ്ട്​. യോഗത്തിൽ തീരുമാനമായിട്ടുണ്ടെന്നും സമാനമനസ്​കരായ പാർട്ടികളോട്​ സംസാരിച്ചതായും പാർട്ടി പ്രസിഡൻറ്​ കൊർണാട്​ സാങ്​മ പറഞ്ഞു. അടുത്ത മണിക്കൂറുകൾക്കുള്ളിൽ ചിത്രം വ്യക്​തമാകുമെന്നും സാങ്​മ അറിയിച്ചു.