എൻ.ഡി.എക്ക് രാജ്യസഭ ഭൂരിപക്ഷം ഇനി നാല് സീറ്റ് മാത്രം അകലെ

ന്യൂഡൽഹി: ഇന്നലെ നടന്ന രാജ്യസഭാ തെരഞ്ഞെടുപ്പിൽ 30 സീറ്റുകൾ വിജയിച്ചതോടെ ഭരണമുന്നണിയായ എൻ.ഡി.എക്ക് പാർലമെന്‍റിന്‍റെ ഉപരിസഭയിൽ ഭൂരിപക്ഷം നേടാൻ ഇനി ആവശ്യം വെറും നാല് സീറ്റുകൾ കൂടി. 56 രാജ്യസഭ സീറ്റുകളിലേക്ക് നടന്ന തെരഞ്ഞെടുപ്പിൽ 20ൽ എതിരില്ലാതെയും 10ൽ മത്സരത്തിലൂടെയുമാണ് ബി.ജെ.പി വിജയിച്ചത്. ഇതോടെ ബി.ജെ.പിക്ക് ഒറ്റക്ക് രാജ്യസഭയിൽ 97 അംഗങ്ങളും എൻ.ഡി.എ മുന്നണിക്ക് 117 അംഗങ്ങളുമായി. പുതിയ അംഗങ്ങൾ ചുമതലയേൽക്കുന്നതോടെ നിലവിൽവരുന്ന 240 അംഗ രാജ്യസഭയിൽ ഭൂരിപക്ഷത്തിന് 121 സീറ്റുകളാണ് വേണ്ടത്.

വോട്ടെടുപ്പ് നടന്ന മൂന്ന് സംസ്ഥാനങ്ങളിലെ 15 രാജ്യസഭ സീറ്റുകളിൽ 10ൽ ബി.ജെ.പിയും മൂന്നിൽ കോൺഗ്രസും രണ്ടിൽ സമാജ് വാദി പാർട്ടിയും വിജയിച്ചു. 41 സ്ഥാനാർഥികളെ കഴിഞ്ഞയാഴ്ച തന്നെ എതിരില്ലാതെ വിജയികളായി പ്രഖ്യാപിച്ചിരുന്നു.

യു.പിയിലും ഹിമാചൽ പ്രദേശിലുമാണ് കൂറുമാറ്റത്തിലൂടെ ബി.ജെ.പിക്ക് നേട്ടമുണ്ടായത്. യു.​പി​യി​ൽ ചീ​ഫ്​ വി​പ്പ്​ അ​ട​ക്കം എ​ട്ട്​ സ​മാ​ജ്​​വാ​ദി പാ​ർ​ട്ടി എം.​എ​ൽ.​എ​മാ​ർ ബി.​ജെ.​പി സ്ഥാ​നാ​ർ​ഥി​യെ പി​ന്തു​ണ​ക്കുകയായിരുന്നു. ഹി​മാ​ച​ൽ പ്ര​ദേ​ശി​ൽ ആ​റു കോ​ൺ​ഗ്ര​സ്​ എം.​എ​ൽ.​എ​മാ​രും മൂ​ന്നു സ്വ​ത​ന്ത്ര​രും ബി.​ജെ.​പി സ്ഥാ​നാ​ർ​ഥി​യെ സ​ഹാ​യി​ച്ചു. കോ​ൺ​ഗ്ര​സ് സ്ഥാ​നാ​ർ​ഥി അ​ഭി​ഷേ​ക് സി​ങ്‍വി​ക്കും ബി.​ജെ.​പി​യു​ടെ ഹ​ർ​ഷ് മ​ഹാ​ജ​നും 34 വോ​ട്ട് വീ​ത​മാ​ണ് ല​ഭി​ച്ച​ത്. ന​റു​ക്കെ​ടു​പ്പി​ലൂ​ടെ മ​ഹാ​ജ​നെ വി​ജ​യി​യാ​യി പ്ര​ഖ്യാ​പിക്കുകയായിരുന്നു.

ഏപ്രിൽ മൂന്നിന് 50 അംഗങ്ങളും ഏപ്രിൽ രണ്ടിന് ആറ് അംഗങ്ങളും കാലാവധി പൂർത്തിയാക്കുന്ന സാഹചര്യത്തിലാണ് രാജ്യസഭയിലേക്ക് തെരഞ്ഞെടുപ്പ് നടന്നത്. ബി.ജെ.പി -97 എം.പിമാർ, കോൺഗ്രസ് -29 എം.പിമാർ, തൃണമൂൽ കോൺഗ്രസ് -13, ഡി.എം.കെ -10, എ.എ.പി -10, ബി.ജെ.ഡി -9, വൈ.എസ്.ആർ കോൺഗ്രസ് -9, ബി.ആർ.എസ് -7, ആർ.ജെ.ഡി -6, സി.പി.എം -5, എ.ഐ.എ.ഡി.എം.കെ -4, ജെ.ഡി.യു -4 എന്നിങ്ങനെയാണ് നിലവിലെ എം.പിമാരുടെ എണ്ണം.