സി.പി.എം ഏരിയ കമ്മിറ്റിയിൽ ശശിക്കും ജില്ല നേതൃത്വത്തിനും രൂക്ഷ വിമർശനം

പാലക്കാട്: പി.കെ. ശശി എം.എൽ.എക്കെതിരെ വനിതാനേതാവ്​ പരാതി ഉന്നയിച്ച ശേഷം നടന്ന സി.പി.എം ചെർപ്പുളശ്ശേരി ഏരിയ കമ്മിറ്റി യോഗത്തിൽ ജില്ല നേതൃത്വത്തിനും ശശിക്കും രൂക്ഷവിമർശനം. പരാതി ഉയർന്നശേഷം ദുരിതാശ്വാസ ഫണ്ട് സ്വീകരിക്കാനെത്തിയ എം.എൽ.എക്ക് സ്വീകരണം നൽകിയതും ശശിയുടെ നേതൃത്വത്തിൽ അടിയന്തര ഏരിയ കമ്മിറ്റി വിളിക്കാൻ ജില്ലനേതൃത്വം നടത്തിയ ശ്രമങ്ങളുമാണ്​ വിമർശനത്തിനിടയാക്കിയത്​.

ജില്ല സെക്രട്ടേറിയറ്റിലെ പി.കെ. ശശിയുടെ വിശ്വസ്തനായി അറിയപ്പെടുന്ന ഇ.എൻ. സുരേഷ്ബാബു പങ്കെടുത്ത കമ്മിറ്റിയിലാണ് വിമർശനമുയർന്നത് എന്നതും ശ്രദ്ധേയമാണ്. ഭൂരിഭാഗം അംഗങ്ങളും ശശിയുടെയും ജില്ല നേതൃത്വത്തി​​െൻറയും ഇടപെടലിനെ വിമർശിച്ചു. ഷൊർണൂർ മണ്ഡലത്തി​​െൻറ ഭൂരിഭാഗവും ചെർപ്പുളശ്ശേരി ഏരിയകമ്മിറ്റിക്ക് കീഴിലാണ് വരുന്നത്.

അടിയന്തര സാഹചര്യത്തിൽ മാത്രമേ സെക്രട്ടറിയുടെ അഭാവത്തിൽ കമ്മിറ്റി വിളിക്കാറുള്ളൂവെന്ന കീഴ്വഴക്കം നിലനിൽക്കെ അതിനെ മറികടന്ന് കമ്മിറ്റി വിളിച്ച ജില്ല നേതൃത്വത്തി​​െൻറ നടപടി എന്ത് ലക്ഷ്യം വെച്ചാണെന്ന് അംഗങ്ങൾ ചോദിച്ചു. ആരുടെ ആഹ്വാനപ്രകാരമാണ് ശശിക്ക്​ സ്വീകരണം നൽകിയതെന്നും അംഗങ്ങൾ ചോദിച്ചു. സ്വീകരണം നൽകിയവർക്കെതിരെ നടപടി സ്വീകരിക്കണമെന്നും ആവശ്യമുയർന്നു.

നടപടിയുണ്ടാകുമെന്ന സൂചനയുള്ള സംസ്ഥാന സെക്രട്ടേറിയറ്റി​​െൻറ വാർത്തകുറിപ്പ് പുറത്തുവരുന്നത് വരെ ആരോപണവിധേയന് പിന്തുണ അറിയിക്കാൻ നേതാക്കൾ തിരക്ക്​ കൂട്ടിയതും വിമർശനവിധേയമായി. ഡി.വൈ.എഫ്.​െഎ ജില്ല നേതൃത്വത്തി​​െൻറ മൗനവും വിമർശിക്കപ്പെട്ടു. 19 അംഗ ഏരിയ കമ്മിറ്റിയിൽ 17 പേരാണ് ​േയാഗത്തിനെത്തിയത്.