തദ്ദേശ തെരഞ്ഞെടുപ്പ്: 2019ലെ വോട്ടര്‍ പട്ടിക അടിസ്ഥാനമാക്കണം -ജോസ് കെ. മാണി

ചരല്‍ക്കുന്ന് (പത്തനംതിട്ട): തദ്ദേശസ്വയംഭരണ തെരഞ്ഞെടുപ്പില്‍ 2019ലെ പാര്‍ലമ​െൻറ്​ തെരഞ്ഞെടുപ്പി​​െൻറ വോട്ടര് ‍ പട്ടിക ഉപയോഗിക്കാന്‍ സംസ്ഥാന തെരഞ്ഞെടുപ്പ് കമീഷന്‍ തയാറാകണമെന്ന് കേരള കോണ്‍ഗ്രസ്​ എം ചെയര്‍മാന്‍ ജോസ് കെ. മ ാണി എം.പി. രണ്ടു ദിവസമായി ചരൽക്കുന്നിൽ നടന്ന കേരള കോണ്‍ഗ്രസ്​ എം സംസ്ഥാന നേതൃ ക്യാമ്പിനുശേഷം വാർത്തസമ്മേളനത്ത ിൽ സംസാരിക്കുകയായിരുന്നു അദ്ദേഹം.

കുട്ടനാട് ഉപതെരഞ്ഞെടുപ്പി​​െൻറ പ്രചാരണ പ്രവര്‍ത്തനങ്ങളുമായി മുന്നോട്ടുപോകാന്‍ ക്യാമ്പ് തീരുമാനിച്ചു. സ്ഥാനാർഥി നിർണയം അടക്കം വിഷയങ്ങള്‍ തീരുമാനിക്കുന്നതിന്​ തോമസ് ചാഴികാടന്‍ കണ്‍വീനറും ജോസഫ് എം. പുതുശ്ശേരി, വി.സി. ഫ്രാന്‍സിസ്, വി.ടി. ജോസഫ്, ജേക്കബ് തോമസ് അരികുപുറം എന്നിവര്‍ അംഗങ്ങളുമായി ഉപസമിതി രൂപവത്​കരിക്കും.

വോട്ടര്‍ പട്ടിക വിഷയത്തില്‍ സര്‍ക്കാറി​​െൻറ സ്വരംമാറ്റത്തി​​െൻറ പിന്നില്‍ ദുഷ്​ടലാക്കുണ്ട്. വരാന്‍ പോകുന്ന തെരഞ്ഞെടുപ്പില്‍ 2015 പട്ടിക അടിസ്ഥാനമാക്കി മുന്നോട്ടുപോകും എന്ന നിലപാട് ജനാധിപത്യ അവകാശങ്ങളുടെ ലംഘനമാണ്. 2016ലെ അസംബ്ലി തെരഞ്ഞെടുപ്പിലും 2019ലെ ലോക്​സഭ​ തെരഞ്ഞെടുപ്പിലും വോട്ട് ചെയ്ത ലക്ഷക്കണക്കിന് ആളുകള്‍ക്ക് വോട്ടവകാശം നിഷേധിക്കലാണിത്. വോട്ടവകാശം ഉറപ്പുവരുത്തേണ്ടത് തെരഞ്ഞെടുപ്പ് കമീഷ​​െൻറ ചുമതലയാണ്. ഇക്കാര്യത്തില്‍ നിലപാട് മാറ്റാന്‍ സംസ്ഥാന തെരഞ്ഞെടുപ്പ് കമീഷന്‍ തയാറാകണമെന്നും ജോസ് കെ. മാണി പറഞ്ഞു.

പൗരത്വ ഭേദഗതി നിയമത്തി​​െൻറ പിന്നിലെ വിഭജന രാഷ്​ട്രീയത്തെ ജനാധിപത്യ ഇന്ത്യ അംഗീകരിക്കില്ലെന്ന് പ്രമേയം പ്രഖ്യാപിച്ചു. മതത്തി​​െൻറ പേരില്‍ പൗരത്വം നിഷേധിക്കുകയും ഒരു ജനതയെ പിറന്ന നാട്ടില്‍ അഭയാർഥികളാക്കി മാറ്റുകയും ചെയ്യുന്ന ഫാഷിസ്​റ്റ്​ സമീപനം അംഗീകരിക്കാനാവില്ല. ഇതിനെതിരായ പോരാട്ടങ്ങളോട് ക്യാമ്പ് ഐക്യദാര്‍ഢ്യം പ്രഖ്യാപിച്ചു. ഇന്ത്യ ഒപ്പിട്ട അന്താരാഷ്​ട്ര കരാറുകള്‍ സംബന്ധിച്ച് ധവളപത്രം പുറപ്പെടുവിക്കണം. പാര്‍ലമ​െൻറില്‍ ചര്‍ച്ച ചെയ്യാതെ കരാറുകളില്‍ ഒപ്പിടാന്‍ പാടില്ലെന്നും ക്യാമ്പ് ആവശ്യപ്പെട്ടു.

കെ.എം. മാണിയുടെ വേര്‍പാടി​​െൻറ ഒരു വര്‍ഷം പൂര്‍ത്തിയാകുന്ന ഏപ്രിലില്‍ കോട്ടയത്ത് ലക്ഷം പേര്‍ പങ്കെടുക്കുന്ന സ്മൃതിസംഗമം സംഘടിപ്പിക്കും. ജോസ് കെ. മാണി എം.പി ചെയര്‍മാനും റോഷി അഗസ്​റ്റിന്‍ എം.എല്‍.എ കണ്‍വീനറുമായി സംഘാടക സമിതിക്ക് രൂപം നല്‍കി. കെ.എം. മാണിയുടെ ജന്മദിനമായ ജനുവരി 29ന്​ 140 നിയോജക മണ്ഡലത്തിലും ജീവകാരുണ്യപ്രവര്‍ത്തനം സംഘടിപ്പിക്കും.