കെജ്​രിവാളിന്​ പിന്നിൽ നാലു മുഖ്യമന്ത്രിമാർ ഒന്നിച്ചതിൽ തെറ്റില്ല -സി.പി.എം

കൊൽക്കത്ത: മമതാ ബാനർജിയും പിണറായി വിജയനുമടക്കമുള്ള സംസ്​ഥാന മുഖ്യമന്ത്രിമാർ ഡൽഹി മുഖ്യമന്ത്രി അരവിന്ദ്​ കെജ്​രിവാളിന്​ പിന്നിൽ അണിനിരന്നതിൽ തെറ്റില്ലെന്ന്​ സി.പി.​എം. എന്ത്​ വിലകൊടുത്തും ജനാധിപത്യത്തിനു നേർക്കുള്ള ആക്രമണങ്ങളെ പ്രതിരോധിക്കേണ്ട സമയമാണിതെന്നും പാർട്ടി വ്യക്തമാക്കി. വിരുദ്ധ ചേരികളിലുള്ള രണ്ട്​ പാർട്ടിയുടെ മുഖ്യമന്ത്രിമാർ ഒന്നിച്ചുനിന്നതുമായി ബന്ധപ്പെട്ടതടക്കമുള്ള ആരോപണങ്ങൾക്കുള്ള മറുപടിയായാണ്​ ഇൗ​ പ്രസ്​താവന​. ​

െഎ.എ.എസ്​ ഒാഫിസർമാരുടെ നിസ്സഹകരണത്തിൽ പ്രതിഷേധിച്ച്​ കെജ്​രിവാളും കൂട്ടരും ലഫ്​. ഗവർണറുടെ ഒാഫിസിൽ നടത്തുന്ന സമരത്തി​​​െൻറ പശ്ചാത്തലത്തിലാണ്​ മുഖ്യമന്ത്രിമാർ കെജ്​രിവാളിന്​ ​െഎക്യദാർഢ്യം അറിയിച്ചത്​. ജനാധിപത്യം, മതേതരത്വം, ഫെഡറലിസം എന്നിവയെ എല്ലായ്​പോഴും മാനിക്കുന്നതാണ്​ ഇടതി​​​െൻറ നയമെന്നും അതുകൊണ്ടുതന്നെ ഇക്കാര്യത്തിൽ തെറ്റില്ലെന്നും സി.പി.​എം കേന്ദ്ര കമ്മിറ്റി അംഗം സുജൻ ചക്രബർത്തി പറഞ്ഞു.