മൂർഖൻ പാമ്പുമായാണ്​ സഖ്യം​; അത്​ വിഷപ്പല്ല്​ നീട്ടിത്തുടങ്ങി–താക്കറെ

താനെ: മഹാരാഷ്​ട്രയിലെ തദ്ദേശ സ്വയംഭരണ സ്​ഥാപനങ്ങളിലേക്കുള്ള തെരഞ്ഞെടുപ്പ്​ പ്രചാരണം അവസാനിക്കാനിരിക്കെ  ബി.ജെ.പിയെ രൂക്ഷമായി വിമർശിച്ച്​ ശിവസേന. ബി.​ജെ.പിയെ മൂർഖൻ പാമ്പിനോട്​ ഉപമിച്ചാണ്​ ശിവസേന തെരഞ്ഞെടുപ്പ്​ പ്രചാരണ റാലിയിൽ സാസാരിച്ചത്​.

‘ഞങ്ങൾ കഴിഞ്ഞ 25 വർഷമായി മൂർഖൻ പാമ്പുമായി സഖ്യത്തിലായിരുന്നു. അതിപ്പോൾ വിഷപ്പല്ല്​ പ​ുറത്തുകാണിക്കാൻ തുടങ്ങിയിരിക്കുന്നു. അതെങ്ങനെ നശിപ്പിക്കണമെന്ന്​ എനിക്കറിയാം’ തെരഞ്ഞെടുപ്പു റാലിയിൽ സംസാരിക്കവെ ശിവസേന നേതാവ്​ ഉദ്ധവ്​ താക്കറെ ബി.​െജ.പിയെ ഉദ്ദേശിച്ച്​ പറഞ്ഞു.

ബി.​െജ.പിയുമായുള്ള ബന്ധത്തെ സൂചിപ്പിച്ച്​ ഒരേ തെറ്റ്​ ആവർത്തിക്കാൻ സേന ആഗ്രഹിക്കുന്നില്ലെന്ന്​ അദ്ദേഹം കൂട്ടിച്ചേർത്തു. ​മഹാരാഷ്​ട്ര തെരഞ്ഞെടുപ്പിൽ അകാരണമായി സീറ്റുകൾക്ക്​ ആവശ്യമുന്നയിച്ചത്​ ചൂണ്ടിക്കാട്ടി ഇൗ സഖ്യം ​െകാണ്ട്​ സേനക്ക്​ ദോഷം മാത്രമാണുണ്ടായിട്ടുള്ളതെന്നും അദ്ദേഹം പറഞ്ഞു.

തെറ്റായ വാഗ്​ദാനങ്ങൾ നൽകി​ ജനങ്ങളെ കൈയിലെടുക്കാനാണ്​ പ്രധാനമന്ത്രി നരേന്ദ്ര മോദിയും മുഖ്യമന്ത്രി ദേവേന്ദ്ര ഫദ്​നാവിസും ശ്രമിക്കുന്നതെന്നും താക്കറെ ആരോപിച്ചു.

നേരത്തെ, ഇന്ത്യയുടെ സ്രഷ്ടാവാണു താൻ എന്ന രീതിയിലാണു നരേന്ദ്ര മോദിയുടെ പെരുമാറ്റമെന്നും സ്വയം രാഷ്ട്രപിതാവായി സങ്കൽപ്പിച്ചാണു മോദി പ്രവർത്തിക്കുന്നതെന്നും ഉദ്ധവ് താക്കറെ വിമർശിച്ചിരുന്നു.

അതേസമയം, സർക്കാറിനുള്ള പിന്തുണ പിൻവലിക്കുന്നതായി ഗവർണർക്ക്​ കത്തു​െകാടുക്കുകയാണ്​ ഉദ്ധവ്​ താക്കറെ ചെയ്യേണ്ടതെന്ന്​ എൻ.സി.പി നേതാവ്​ ശരത്​ പവാർ പറഞ്ഞു.