മേയറുടെ രാജിക്കായി പ്രക്ഷോഭം ശക്തിപ്പെടുത്തുമെന്ന് കെ. സുധാകരന്
text_fieldsകണ്ണൂർ: യുവാക്കളെ വഞ്ചിച്ച് താത്കാലിക നിയമനത്തിന് പാര്ട്ടി പട്ടിക ചോദിച്ച തിരുവനന്തപുരം മേയറുടെ രാജിക്കായി പ്രക്ഷോഭം കോണ്ഗ്രസ് ശക്തിപ്പെടുത്തുമെന്ന് കെ.സുധാകരൻ എം.പി. താന് പറഞ്ഞ വസ്തുതയെ വളച്ചൊടിച്ച് സി.പി.എമ്മിന് അനുകൂലമായി വാര്ത്ത നല്കുന്നത് ഉചിതമല്ല. സി.കെ ശ്രീധരന് പാര്ട്ടി വിടുന്നതിനെ കുറിച്ച് അറിയില്ല. അദ്ദേഹത്തിന് എന്തെങ്കിലും പരാതിയുണ്ടെങ്കില് അത് കേള്ക്കാന് നേതൃത്വം തയാറാണ്.
മുതിര്ന്ന കോണ്ഗ്രസ് നേതാവായ അദ്ദേഹം കോണ്ഗ്രസിന്റെ അഭിവാജ്യ ഘടകമാണ്. ആര്ക്കും അദ്ദേഹത്തോട് അഭിപ്രായ വ്യത്യാസമില്ല. പൊതുജീവിതം മുഴുവന് സി.പി.എമ്മിനെതിരായ പോരാട്ടം നടത്തിയ കോണ്ഗ്രസ് നേതാവാണ് ശ്രീധരന്. മനസാക്ഷി ഉണ്ടെങ്കില് അദ്ദേഹം കോണ്ഗ്രസ് വിടില്ലെന്നാണ് വിശ്വാസം. തലശ്ശേരിയില് കാറില് ചാരിനിന്നതിന്റെ പേരില് പിഞ്ചുകുഞ്ഞിനെ ചവിട്ടിയ സംഭവത്തില് പോലീസിന്റെ വീഴ്ചയില് നടപടി എടുത്തില്ലെങ്കില് കോടതിയെ സമീപിക്കുമെന്നും സുധാകരന് പറഞ്ഞു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.