‘ടവർ റോക്കറ്റിനെ പിടികൂടി!!’; ചരിത്ര നേട്ടത്തിന്‍റെ വിഡിയോ പങ്കുവെച്ച് ഇലോൺ മസ്ക്

വാ​ഷി​ങ്ട​ൺ: സ്റ്റാ​ർ​ഷി​പ്പ് റോക്കറ്റിന്‍റെ ബൂസ്റ്റർ തിരികെയിറക്കൽ വിജയം കണ്ടതിന് പിന്നാലെ ചരിത്രം കുറിച്ച പ​രീ​ക്ഷ​ണ പ​റ​ക്ക​ലിന്‍റെ വിഡിയോ പങ്കുവെച്ച് സ്​​പേ​സ് എ​ക്സ് ഉടമ ഇലോൺ മസ്ക്. എക്സിലൂടെയാണ് വിഡിയോ മസ്ക് പങ്കുവെച്ചത്.

മ​നു​ഷ്യ​ന്‍റെ ഭാ​വി ചാ​ന്ദ്ര, ചൊ​വ്വ ദൗ​ത്യ​ങ്ങ​ളി​ൽ ഉ​പ​യോ​ഗ​പ്പെ​ടു​ത്താ​നാ​കു​മെ​ന്ന് ക​രു​തു​ന്ന സ്റ്റാ​ർ​ഷി​പ്പി​ന്‍റെ അ​ഞ്ചാം പ​രീ​ക്ഷ​ണ പ​റ​ക്ക​ലാണ് വി​ജ​യം കണ്ടത്. കൂ​റ്റ​ൻ ഒ​ന്നാം ഘ​ട്ട ബൂ​സ്റ്റ​ർ തി​രി​കെ ലോ​ഞ്ച് പാ​ഡി​ൽ ഇ​റ​ക്കു​ന്ന പ​രീ​ക്ഷ​ണ​മാ​ണ് വ​ൻ വി​ജ​യ​മാ​യ​ത്.

അ​മേ​രി​ക്ക​ൻ സ​മ​യം 7.25ന് ​സ്​​പേ​സ് എ​ക്സി​ന്റെ​ ടെ​ക്സ​സി​ലെ ബോ​ക ചി​ക നി​ല​യ​ത്തി​ൽ​ നി​ന്ന് പ​റ​ന്നു​യ​ർ​ന്ന സ്റ്റാ​ർ​ഷി​പ്പി​ന്റെ ബൂ​സ്റ്റ​ർ 70 കി​ലോ​മീ​റ്റ​ർ ഉ​യ​ര​ത്തി​ലാ​ണ് വേ​റി​ട്ട് തി​രി​കെ യാ​ത്ര തു​ട​ങ്ങി​യ​ത്. 33 റാ​പ്റ്റ​ർ എ​ൻ​ജി​നു​ക​ളി​ൽ മൂ​ന്നെ​ണ്ണം വീ​ണ്ടും ജ്വ​ലി​പ്പി​ച്ച് അ​തി​വേ​ഗം നി​ല​യ​ത്തി​ലെ യ​ന്ത്ര​ക്കൈ​ക​ളി​ൽ തി​രി​കെ​നി​ല​യു​റ​പ്പി​ച്ചു.

ബ​ഹി​രാ​കാ​ശ​ത്തേ​ക്ക് വ​ലി​യ ച​ര​ക്കു​ക​ൾ കൊ​ണ്ടു​ പോ​കാ​നും മ​നു​ഷ്യ​നെ ച​ന്ദ്ര​നി​ൽ വീ​ണ്ടു​മെ​ത്തി​ക്കു​ന്ന യാ​ത്ര​ക​ളി​ൽ പ്ര​യോ​ജ​ന​പ്പെ​ടു​ത്താ​നും സ​ഹാ​യി​ക്കു​ക​യെ​ന്ന ല​ക്ഷ്യ​ത്തോ​ടെ നി​ർ​മി​ക്കു​ന്ന സ്​​പേ​സ് എ​ക്സി​ന് പ​രീ​ക്ഷ​ണ വി​ജ​യം ച​രി​ത്ര​ നി​മി​ഷ​മാ​ണ്.

വിക്ഷേപണത്തറയിൽ ഘടിപ്പിച്ച റോബോട്ടിക് സംവിധാനം (ചോപ്സ്റ്റിക്) ഉപയോഗിച്ചാണ് 232 അടി ഉയരമുള്ള ബൂസ്റ്റർ റോക്കറ്റ് പിടിച്ചെടുത്തത്. ഭീമൻ റോക്കറ്റിന്‍റെ ഒരു ഭാഗം വീണ്ടെടുക്കുന്നത് ആദ്യമായാണ്.

2017ൽ ​ആ​ദ്യ​മാ​യി അ​നാ​ച്ഛാ​ദ​നം ചെ​യ്യ​പ്പെ​ട്ട സ്റ്റാ​ർ​ഷി​പ് പ​ല​വ​ട്ടം വി​ക്ഷേ​പ​ണ​ത്തി​നി​ടെ ത​ക​ർ​ന്നി​രു​ന്നു. സ്റ്റാ​ര്‍ഷി​പ്പിന്‍റെ വിക്ഷേപണം വിജയകരമായി പൂർത്തിയാക്കുകയും റോക്കറ്റിന്‍റെ രണ്ട് ഭാഗങ്ങളുടെ വേ‌‌ർപ്പെടൽ നടക്കുകയും ചെയ്തെങ്കിലും തിരിച്ച് ഭൂമിയിലേക്ക് സുരക്ഷിതമായി ഇറക്കുന്നതിന് മുമ്പ് രണ്ട് ഭാഗങ്ങളും പൊട്ടിത്തെറിക്കുകയായിരുന്നു.

ലോകത്തിലെ ഏറ്റവും കരുത്തേറിയ വിക്ഷേപണ വാഹനമാണ് സ്‌​പേ​സ് എ​ക്‌​സിന്‍റെ സ്റ്റാർഷിപ്പ് റോക്കറ്റ്. ആളില്ലാത്ത പരീക്ഷണ വിക്ഷേപണങ്ങൾ വിജയിച്ചാൽ ബഹിരാകാശത്തേക്ക് മനുഷ്യരെ കൊണ്ടു പോകാനാണ് സ്‌​പേ​സ് എ​ക്‌​സിന്‍റെ പദ്ധതി. പൂർണമായി പുനരുപയോഗിക്കാവുന്ന വിധത്തിലാണ് സ്റ്റാർഷിപ്പ് റോക്കറ്റിന്‍റെ നിർമിതി.