‘ഡേ​മോ​സി’​ന്‍റെ ഏ​റ്റ​വും തെ​ളി​ഞ്ഞ ചി​ത്രം പ​ക​ർ​ത്തി ഹോ​പ്​​പ്രോ​ബ്​

ദു​ബൈ: യു.​എ.​ഇ​യു​ടെ ചൊ​വ്വാ​ദൗ​ത്യ പേ​ട​ക​മാ​യ ഹോ​പ്​​പ്രോ​ബ് ​ചൊ​വ്വ​യു​ടെ ഉ​പ​ഗ്ര​ഹ​മാ​യ ഡേ​മോ​സി​ന്‍റെ ഏ​റ്റ​വും തെ​ളി​ഞ്ഞ ചി​ത്രം പ​ക​ർ​ത്തി. ശാ​സ്ത്ര​ലോ​ക​ത്ത്​ ശ്ര​ദ്ധേ​യ​മാ​യ നേ​ട്ടം സം​ബ​ന്ധി​ച്ച്​ യു.​എ.​ഇ വൈ​സ്​ പ്ര​സി​ഡ​ന്റും ​പ്ര​ധാ​ന​മ​ന്ത്രി​യും ദു​ബൈ ഭ​ര​ണാ​ധി​കാ​രി​യു​മാ​യ ശൈ​ഖ്​ മു​ഹ​മ്മ​ദ്​ ബി​ൻ റാ​ശി​ദ്​ ആ​ൽ മ​ക്​​തൂ​മാ​ണ്​ ട്വി​റ്റ​റി​ലൂ​ടെ വെ​ളി​പ്പെ​ടു​ത്തി​യ​ത്. ചി​ത്രം ശാ​സ്ത്ര​ജ്ഞ​ർ​ക്ക് ഉ​പ​ഗ്ര​ഹ​ത്തെ കു​റി​ച്ച പു​തി​യ ഉ​ൾ​ക്കാ​ഴ്ച​ക​ൾ ന​ൽ​കു​ന്ന​തും ഉ​ത്ഭ​വ​ത്തെ​ക്കു​റി​ച്ച നി​ല​വി​ലെ ധാ​ര​ണ​ക​ളെ തി​രു​ത്തു​ന്ന​തു​മാ​ണ്.

ചൊ​വ്വ​യു​ടെ ഭ്ര​മ​ണ​പ​ഥ​ത്തി​ലെ ബാ​ഹ്യ ഛിന്ന​ഗ്ര​ഹ​മാ​ണ് ഡേ​മോ​സ് എ​ന്ന ധാ​ര​ണ​യെ ഹോ​പ് പ്രോ​ബ് ചി​ത്രം ത​ള്ളി​ക്ക​ള​യു​ന്ന​താ​യി ക​ണ്ടെ​​ത്ത​ലു​ക​ൾ വി​ശ​ദീ​ക​രി​ച്ച്​ ശൈ​ഖ്​ മു​ഹ​മ്മ​ദ്​ പ​റ​ഞ്ഞു. ഭൂ​മി​യു​ടെ ഭാ​ഗ​മാ​യി​രു​ന്ന ച​ന്ദ്ര​ൻ വേ​ർ​പി​രി​ഞ്ഞ​തി​ന്​ സ​മാ​ന​മാ​യി ഡേ​മോ​സി​ന്‍റെ ഭൂ​രി​ഭാ​ഗ​വും ചൊ​വ്വ​യു​ടെ ഭാ​ഗ​മാ​യി​രു​ന്നു​വെ​ന്നും ദ​ശ​ല​ക്ഷ​ക്ക​ണ​ക്കി​ന് വ​ർ​ഷ​ങ്ങ​ൾ​ക്ക് മു​മ്പ് വേ​ർ​പി​രി​ഞ്ഞ​താ​ണെ​ന്നും ചി​ത്രം സൂ​ചി​പ്പി​ക്കു​ന്ന​താ​യും അ​ദ്ദേ​ഹം കൂ​ട്ടി​ച്ചേ​ർ​ത്തു. ദൗ​ത്യ​ത്തി​ന്‍റെ ഭാ​ഗ​മാ​യ യു​വ ശാ​സ്ത്ര​ജ്ഞ​രി​ലും അ​വ​ർ മ​നു​ഷ്യ വി​ജ്ഞാ​ന ശാ​ഖ​ക്ക്​ ന​ൽ​കി​യ സം​ഭാ​വ​ന​യി​ലും വ​ലി​യ അ​ഭി​മാ​ന​മു​ണ്ടെ​ന്നും അ​ദ്ദേ​ഹം വ്യ​ക്​​ത​മാ​ക്കി.

ഡേ​മോ​സി​ന്‍റെ 100 കി. ​മീ​റ്റ​ർ ദൂ​രെ നി​ന്നു​ള്ള ചി​ത്ര​മാ​ണ്​ ഹോ​പ്​ പ്രോ​ബി​ന്​ പ​ക​ർ​ത്താ​ൻ ക​ഴി​ഞ്ഞ​ത്. ആ​ദ്യ​മാ​യാ​ണ്​ ഒ​രു ചൊ​വ്വാ ദൗ​ത്യ പേ​ട​ക​ത്തി​ന്​ ഇ​തി​ന്​ സാ​ധി​ക്കു​ന്ന​ത്. വി​യ​ന്ന​യി​ലെ യൂ​റോ​പ്യ​ൻ ജി​യോ സ​യ​ൻ​സ​സ് യൂ​നി​യ​ൻ ജ​ന​റ​ൽ അ​സം​ബ്ലി​യി​ൽ ന​ട​ന്ന പ്ര​ത്യേ​ക സെ​ഷ​നി​ൽ തി​ങ്ക​ളാ​ഴ്ച ക​ണ്ടെ​ത്ത​ലു​ക​ൾ അ​ടി​സ്ഥാ​ന​മാ​ക്കി​യ നി​രീ​ക്ഷ​ണം പ​ങ്കു​വെ​ച്ചി​ട്ടു​ണ്ട്. ഡേ​മോ​സി​ന്‍റെ ഉ​ത്ഭ​വ​ത്തെ​യും ഘ​ട​ന​യെ​യും കു​റി​ച്ചു​ള്ള പു​തി​യ ഉ​ൾ​ക്കാ​ഴ്ച ന​ൽ​കു​ന്ന​താ​ണെ​ന്ന്​ എ​മി​റേ​റ്റ്​​സ്​ ചൊ​വ്വാ ദൗ​ത്യ മേ​ധാ​വി ഹ​സ്സ അ​ൽ മ​ത്​​റൂ​ഷി പ​റ​ഞ്ഞു.

ചൊ​വ്വ​യു​ടെ ഗ്ര​ഹ​ങ്ങ​ളാ​യ ഡേ​മോ​സും ഫോ​ബോ​സും ഛിന്ന​ഗ്ര​ഹ​ങ്ങ​ൾ കൂ​ടി​ച്ചേ​ർ​ന്ന​താ​ണെ​ന്നാ​ണ് ദീ​ർ​ഘ​കാ​ല​മാ​യി നി​ല​നി​ൽ​ക്കു​ന്ന ക​ണ്ടെ​ത്ത​ൽ. എ​ന്നാ​ൽ ഘ​ട​ന​യെ​ക്കു​റി​ച്ച് ഉ​ത്ത​രം​കി​ട്ടാ​ത്ത നി​ര​വ​ധി ചോ​ദ്യ​ങ്ങ​ൾ ബാ​ക്കി​യാ​യി​രു​ന്നു. ഡേ​മോ​സി​നെ ഇ​തു​വ​രെ സൂ​ക്ഷ്മ നി​രീ​ക്ഷ​ണം ന​ട​ത്തി​യ​തി​ൽ​നി​ന്ന്​ മ​ന​സ്സി​ലാ​കു​ന്ന​ത് ഒ​രു ഗ്ര​ഹ​ത്തി​ൽ​നി​ന്ന്​ ഉ​ത്ഭ​വി​ച്ച​താ​ണെ​ന്നാ​ണ്​ -അ​ദ്ദേ​ഹം കൂ​ട്ടി​ച്ചേ​ർ​ത്തു.

ചൊ​വ്വാ ഗ്ര​ഹ​ത്തി​ന്‍റെ ച​ല​നാ​ത്മ​ക കാ​ലാ​വ​സ്ഥ സം​വി​ധാ​ന​വും അ​ന്ത​രീ​ക്ഷ അ​വ​സ്ഥ​യും പ​ഠി​ക്കു​ക എ​ന്ന ല​ക്ഷ്യ​ത്തോ​ടെ വി​ക്ഷേ​പി​ച്ച ‘ഹോ​പ്​​പ്രോ​ബ്​’2021 ഫെ​ബ്രു​വ​രി​യി​ലാ​ണ്​ ഭ്ര​മ​ണ​പ​ഥ​ത്തി​ലെ​ത്തി​യ​ത്. പേ​ട​ക​ത്തി​ൽ​നി​ന്ന്​ ല​ഭ്യ​മാ​കു​ന്ന വി​വ​ര​ങ്ങ​ൾ മൂ​ന്നു മാ​സം കൂ​ടു​മ്പോ​ഴാ​ണ്​ പു​റ​ത്തു​വി​ടു​ന്ന​ത്. ചൊ​വ്വ​യു​ടെ ഭ്ര​മ​ണ​പ​ഥ​ത്തി​ലെ സ​വി​ശേ​ഷ​ത​ക​ളെ കു​റി​ച്ച പ​ഠ​ന​ത്തി​ന്​ സ​ഹാ​യ​ക​മാ​യ വി​വ​ര​ങ്ങ​ൾ നേ​ര​ത്തെ​യും ഹോ​പ്​​പ്രോ​ബ്​ ക​ണ്ടെ​ത്തി​യി​രു​ന്നു.

ചൊ​വ്വ​യു​ടെ രാ​ത്രി വ​ശ​ത്തെ അ​ന്ത​രീ​ക്ഷ​ത്തി​ലെ വ്യ​തി​രി​ക്ത​മാ​യ അ​റോ​റ​യു​ടെ അ​പൂ​ർ​വ ചി​ത്ര​ങ്ങ​ളും ക​ഴി​ഞ്ഞ വ​ർ​ഷം ജൂ​ണി​ൽ പു​റ​ത്തു​വി​ട്ട ഡാ​റ്റ​യി​ൽ ഉ​ൾ​പ്പെ​ട്ടി​രു​ന്നു.