സ്വപ്നം കുതിച്ചുയർന്നു...

കു​വൈ​ത്ത് സി​റ്റി: കു​വൈ​ത്തി​ന്റെ ബ​ഹി​രാ​കാ​ശ പ​ര്യ​വേ​ക്ഷ​ണ​ങ്ങ​ളു​ടെ പ്ര​തീ​ക്ഷ​ക​ളും സ്വ​പ്ന​ങ്ങ​ളും വ​ഹി​ച്ചു​കൊ​ണ്ട് ആ​ദ്യ ഉ​പ​ഗ്ര​ഹ​മാ​യ കു​വൈ​ത്ത് സാ​റ്റ്-1 ബ​ഹി​രാ​കാ​ശ​ത്തേ​ക്ക് കു​തി​ച്ചു. യു.​എ​സി​ലെ ഫ്ലോ​റി​ഡ​യി​ലെ കേ​പ് ക​നാ​വ​റ​ൽ എ​യ​ർ​ഫോ​ഴ്സ് ബേ​സി​ൽ​നി​ന്ന് കു​വൈ​ത്ത് സ​മ​യം വൈ​കീ​ട്ട് 5.55നാ​യി​രു​ന്നു വി​ക്ഷേ​പ​ണം.

ബ​ഹി​രാ​കാ​ശ പ​ര്യ​വേ​ക്ഷ​ണ ടെ​ക്‌​നോ​ള​ജീ​സ് കോ​ർ​പ​റേ​ഷ​ന്റെ (സ്‌​പേ​സ് എ​ക്‌​സ്) ഫാ​ൽ​ക്ക​ൺ-9 റോ​ക്ക​റ്റാ​ണ് ഉ​പ​ഗ്ര​ഹ​വു​മാ​യി ബ​ഹി​രാ​കാ​ശ​ത്തേ​ക്ക് കു​തി​ച്ച​ത്. നേ​ര​ത്തേ തി​ങ്ക​ളാ​ഴ്ച വി​ക്ഷേ​പി​ക്കാ​ൻ പ​ദ്ധ​തി ത​യാ​റാ​ക്കി​യി​രു​ന്നെ​ങ്കി​ലും കാ​ലാ​വ​സ​ഥ പ്ര​തി​കൂ​ല​മാ​യ​തി​നാ​ൽ ചൊ​വ്വാ​ഴ്ച​യി​ലേ​ക്ക് മാ​റ്റു​ക​യാ​യി​രു​ന്നു.

പൂ​ര്‍ണ​മാ​യും കു​വൈ​ത്തി​ല്‍ നി​ര്‍മി​ത​മാ​യ ആ​ദ്യ ഉ​പ​ഗ്ര​ഹ​മാ​ണ് കു​വൈ​ത്ത് സാ​റ്റ്-1. കു​വൈ​ത്ത് യൂ​നി​വേ​ഴ്സി​റ്റി​യു​ടെ (കെ.​യു) കോ​ള​ജ് ഓ​ഫ് എ​ൻ​ജി​നീ​യ​റി​ങ് ആ​ൻ​ഡ് സ​യ​ൻ​സി​ലെ വി​ദ്യാ​ർ​ഥി​ക​ൾ, കു​വൈ​ത്ത് ഫൗ​ണ്ടേ​ഷ​ൻ ഫോ​ർ ദ ​അ​ഡ്വാ​ൻ​സ്മെ​ന്റ് ഓ​ഫ് സ​യ​ൻ​സ് (കെ.​എ​ഫ്.​എ.​എ​സ്), കു​വൈ​ത്ത് ഇ​ൻ​സ്റ്റി​റ്റ്യൂ​ട്ട് ഫോ​ർ സ​യ​ന്റി​ഫി​ക് റി​സ​ർ​ച് (കെ.​ഐ.​എ​സ്.​ആ​ർ) എ​ന്നി​വി​ട​ങ്ങ​ളി​ലെ ശാ​സ്ത്ര​പ്ര​തി​ഭ​ക​ൾ എ​ന്നി​വ​രാ​ണ് ഇ​തി​നു​പി​ന്നി​ൽ.

ഡോ. ​ഹാ​ല അ​ൽ ജ​സ്സാ​ർ ആ​ണ് പ്രോ​ജ​ക്ട് ഡ​യ​റ​ക്ട​ർ. ഡോ. ​അ​ഹ​മ്മ​ദ് അ​ൽ​ക​ന്ദ്രി ഓ​പ​റേ​ഷ​ൻ ഡ​യ​റ​ക്ട​റാ​ണ്. 3,16,000 ദി​നാ​ർ (1.032 ദ​ശ​ല​ക്ഷം യു.​എ​സ് ഡോ​ള​ർ) ആ​ണ് ചെ​ല​വ്. നാ​ല് വ​ർ​ഷ​​ത്തോ​ളം ഗ​വേ​ഷ​ണ​വും പ​ഠ​ന​വും ന​ട​ത്തി​യാ​ണ് പ്രോ​ജ​ക്ട് പൂ​ർ​ത്തി​യാ​ക്കി​യ​ത്. കു​വൈ​ത്തി​ന്റെ ബ​ഹി​രാ​കാ​ശ ക​ഴി​വു​ക​ൾ കൂ​ടു​ത​ൽ വി​ക​സി​പ്പി​ക്കു​ന്ന​തി​നു​ള്ള പ​ദ്ധ​തി​ക​ൾ​ക്ക് കു​വൈ​ത്ത് സാ​റ്റ്-1​ൽ തു​ട​ക്കം​കു​റി​ക്കു​മെ​ന്നാ​ണ് പ്ര​തീ​ക്ഷ.