ആ​ദ്യ സ്വ​കാ​ര്യ ബ​ഹി​രാ​കാ​ശ ന​ട​ത്ത ദൗ​ത്യം വി​ജ​യം

ന്യൂ​യോ​ർ​ക്: ച​രി​ത്ര​ത്തി​ലെ ആ​ദ്യ സ്വ​കാ​ര്യ ബ​ഹി​രാ​കാ​ശ ന​ട​ത്ത ദൗ​ത്യം വി​ജ​യം. സ്വ​കാ​ര്യ വ്യ​ക്തി​ക​ളു​ടെ ആ​ദ്യ ബ​ഹി​രാ​കാ​ശ ന​ട​ത്ത​വും അ​പ്പോ​ളോ​ക്കു ശേ​ഷം മ​നു​ഷ്യ​രെ ഭൂ​മി​യി​ല്‍നി​ന്ന് ഏ​റ്റ​വും അ​ക​ലെ ബ​ഹി​രാ​കാ​ശ​ത്തെ​ത്തി​ക്കു​ന്ന​തും പൊ​ളാ​രി​സ് ഡൗ​ണ്‍ ദൗ​ത്യ​ത്തി​ലൂ​ടെ സാ​ധ്യ​മാ​ക്കി​യ സ്പേ​സ് എ​ക്സി​ന് അ​ഭി​മാ​നി​ക്കാം.

ജാ​രെ​ഡ് ഐ​സാ​ക്മാ‌​ന്‍, സ്കോ​ട്ട് പൊ​റ്റീ​റ്റ്, സാ​റാ ഗി​ല്ലി​സ്, അ​ന്നാ മേ​നോ​ന്‍ എ​ന്നി​വ​രാ​ണ് ദൗ​ത്യ​ത്തി​ലു​ള്ള​ത്. ജാ​രെ​ഡ് ഐ​സാ​ക്മാ​നാ​ണ് ആ​ദ്യം പേ​ട​ക​ത്തി​ൽ​നി​ന്ന് പു​റ​ത്തി​റ​ങ്ങി​യ​ത്. കോ​ടീ​ശ്വ​ര വ്യ​വ​സാ​യി​യാ​യ ഇ​ദ്ദേ​ഹ​മാ​ണ് ദൗ​ത്യ​ത്തി​ന്റെ ചെ​ല​വ് വ​ഹി​ക്കു​ന്ന​ത്. പി​റ​കെ സാ​റാ ഗി​ല്ലി​സ് പു​റ​ത്തി​റ​ങ്ങി. ര​ണ്ടു​പേ​രും ഏ​ഴ് മി​നി​റ്റ് വീ​തം ബ​ഹി​രാ​കാ​ശ​ത്ത് ചെ​ല​വ​ഴി​ച്ചു.

ഫ്ലോ​റി​ഡ​യി​ലെ കെ​ന്ന​ഡി സ്പെ​യ്‌​സ്‌ സെ​ന്റ​റി​ൽ​നി​ന്ന്‌ സെ​പ്റ്റം​ബ​ർ 10 ചൊ​വ്വാ​ഴ്ച ഉ​ച്ച​ക്ക് ശേ​ഷ​മാ​ണ് ഭൂ​മി​യി​ൽ​നി​ന്ന്‌ 700 കി​ലോ​മീ​റ്റ​ർ ഉ​യ​ര​ത്തി​ലു​ള്ള പു​തി​യ ഭ്ര​മ​ണ​പ​ഥം ല​ക്ഷ്യ​മാ​ക്കി പൊ​ളാ​രി​സ് പേ​ട​കം കു​തി​ച്ച​ത്. മ​ണി​ക്കൂ​റു​ക​ള്‍ നീ​ണ്ട ത​യാ​റെ​ടു​പ്പു​ക​ള്‍ക്കൊ​ടു​വി​ലാ​ണ് വ്യാ​ഴാ​ഴ്ച ദൗ​ത്യ​സം​ഘം ഡ്രാ​ഗ​ണ്‍ ക്രൂ ​പേ​ട​ക​ത്തി​ല്‍നി​ന്ന് പു​റ​ത്തി​റ​ങ്ങി​യ​ത്. പൊ​ളാ​രി​സ് പ്രോ​ഗ്രാ​മി​ല്‍ തീ​രു​മാ​നി​ച്ച മൂ​ന്ന് വി​ക്ഷേ​പ​ണ ദൗ​ത്യ​ങ്ങ​ളി​ല്‍ ആ​ദ്യ​ത്തേ​താ​ണി​ത്.