റോവർ ചന്ദ്രനിൽ സഞ്ചരിച്ചു തുടങ്ങി; ചന്ദ്രയാൻ 3ലെ ലാൻഡിങ് ദൃശ്യങ്ങൾ പുറത്ത്
text_fieldsബംഗളൂരു: ചന്ദ്രയാൻ മൂന്ന് ചന്ദ്രനിൽ ഇറങ്ങുന്നതിന്റെ ഏറ്റവും പുതിയ ദൃശ്യങ്ങൾ പുറത്തുവിട്ട് ഐ.എസ്.ആർ.ഒ. ചന്ദ്രന്റെ മണ്ണിൽ കാലുകുത്തുന്നതിന് തൊട്ട് മുമ്പ് ലാൻഡർ ഇമേജർ കാമറ പകർത്തിയ ദൃശ്യങ്ങളാണിത്. പേടകം ചന്ദ്രനിൽ ഇറങ്ങിയ ശേഷമുള്ള ആദ്യ ചിത്രവും സോഫ്റ്റ് ലാൻഡിങ്ങിനിടെ പകർത്തിയ ചിത്രവും കഴിഞ്ഞ ദിവസം ഐ.എസ്.ആർ.ഒ പുറത്തുവിട്ടിരുന്നു.
അതേസമയം, ചന്ദ്രയാൻ 3ലെ റോബോട്ടിക് വാഹനമായ റോവർ പരീക്ഷണത്തിനായി ചന്ദ്രോപരിതലത്തിൽ സഞ്ചരിച്ചു തുടങ്ങി. പര്യവേക്ഷണത്തിൽ റോവർ കണ്ടെത്തുന്ന ഓരോ വിവരങ്ങളും ലാൻഡർ വഴി ചന്ദ്രയാൻ 2ന്റെ ഓർബിറ്റർ വഴി ബംഗളൂരുവിലെ ഐ.എസ്.ആർ.ഒ ടെലിമെട്രി ട്രാക്കിങ് ആൻഡ് കമാൻഡ് നെറ്റ്വർക്കിലെ (ഇസ്ട്രാക്) മിഷൻ ഓപറേഷൻ കോംപ്ലക്സിലേക്ക് (മോക്സ്) കൈമാറും.
ചന്ദ്രന്റെ പ്രതലത്തിൽ ആറു ഡിഗ്രി ചരിഞ്ഞാണ് ലാൻഡർ നിൽക്കുന്നത്. പരീക്ഷണ ഉപകരണങ്ങൾ ഉണർന്നതായും എല്ലാ പ്രവർത്തനങ്ങളും പ്രതീക്ഷിച്ച പോലെ പുരോഗമിക്കുകയാണെന്നും ഐ.എസ്.ആർ.ഒ അറിയിച്ചു.
ആഗസ്റ്റ് 23നാണ് ചന്ദ്രയാൻ മൂന്ന് പേടകത്തിലെ ലാൻഡർ വിജയകരമായി ചന്ദ്രന്റെ മണ്ണിൽ സോഫ്റ്റ് ലാൻഡിങ് നടത്തിയത്. തുടർന്ന് നാല് മണിക്കൂറിന് ശേഷമാണ് ലാൻഡറിന്റെ വാതിൽ തുറന്ന് റോവർ റാംപിലൂടെ ചന്ദ്രന്റെ മണ്ണിൽ ഇറങ്ങിയത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.