‘സൂട്ടോപ്പിയ’ ചലഞ്ചിൽ വൈറലായി മലയാളി ദമ്പതികൾ; ക്യൂട്ട്​ പെർഫോമൻസിന്​ ലക്ഷങ്ങളുടെ ലൈക്കും വ്യൂസും

മലയാളി വയോധിക ദമ്പതികളുടെ ഇൻസ്റ്റഗ്രാം വിഡിയോ തരംഗം സൃഷ്ടിക്കുന്നു. അ​ച്ച-മാ​സ് എ​ന്ന ഇ​ൻ​സ്റ്റാ​ഗ്രാം പേ​ജി​ലാ​ണ് ഹൃ​ദ​യ​സ്പ​ർ​ശി​യാ​യ വി​ഡി​യോ പ​ങ്കു​വെ​ച്ചി​രി​ക്കു​ന്ന​ത്. ഡി​സ്നി​യു​ടെ ‘സൂ​ട്ടോ​പ്പി​യ’ എന്ന സി​നി​മ​യി​ലെ രം​ഗങ്ങൾ പു​ന​ർ​നി​ർ​മ്മി​ക്കു​ന്ന മ​നോ​ഹ​ര​ വി​ഡി​യോ ആണ്​ സോ​ഷ്യ​ൽ മീ​ഡി​യ​യി​ൽ വൈ​റ​ലാ​യ​ത്. “ഞ​ങ്ങ​ളു​ടെ പ​തി​പ്പ്” എ​ന്ന അ​ടി​ക്കു​റി​പ്പോ​ടെയാണ്​ വിഡിയോ പോസ്റ്റ്​ ചെയ്തിരിക്കുന്നത്​.

സൂ​ട്ടോ​പ്പി​യ സെ​ൽ​ഫി ട്രെ​ൻ​ഡ് എ​ന്ന സോ​ഷ്യ​ൽ മീ​ഡി​യ ട്രെ​ൻ​ഡി​ന്‍റെ ഭാ​ഗ​മാ​യാണ് വി​ഡി​യോ പങ്കുവച്ചിരിക്കുന്നത്​. വി​ഡി​യോ​യി​ൽ ദ​മ്പ​തി​ക​ൾ ആ​നി​മേ​റ്റ​ഡ് സി​നി​മ​യി​ൽ നി​ന്ന് വി​വി​ധ പോ​സു​ക​ൾ പു​ന​ർ​നി​ർ​മ്മി​ക്കുകയാണ്​ ചെയ്തിരിക്കുന്നത്​. ഒ​രാ​ൾ കാ​മ​റ​യും പി​ടി​ച്ച് ഭാ​ര്യ​യോ​ടൊ​പ്പം സി​നി​മ​യി​ലെ രം​ഗ​ങ്ങ​ൾ പു​നഃ​സൃ​ഷ്ടി​ക്കു​ന്ന​താ​ണ് ഹ്ര​സ്വ വി​ഡി​യോ. ‘സൂ​ട്ടോ​പ്പി​യ’ എ​ന്ന സി​നി​മ​യി​ലെ നി​ക്ക്, ജൂ​ഡി എ​ന്നീ ക​ഥാ​പാ​ത്ര​ങ്ങ​ൾ​ക്ക് ഈ ​ദ​മ്പ​തി​ക​ൾ ജീ​വ​ൻ ന​ൽ​കി. അ​വ​ർ ത​ങ്ങ​ളു​ടെ സെ​ൽ​ഫി പോ​സു​ക​ളി​ൽ ആ​നി​മേ​റ്റ​ഡ് ക​ഥാ​പാ​ത്ര​ങ്ങ​ളെ അ​നു​ക​രി​ക്കു​ക​യായിരുന്നു.

ഇത്രയും ക്യൂട്ട് ആയ ഒരു അനുകരണം നിങ്ങൾ ഇതിന് മുൻപ് കണ്ടിട്ടുണ്ടാകില്ല എന്നാണ്​ വിഡിയോയിലെ കമന്‍റുകളിൽ പറയുന്നത്​. ‘പ്രായമൊക്കെ വെറും നമ്പറല്ലേ….’ എന്ന് പറയാറുണ്ട് ചിലരെ കണ്ടാല്‍’ എന്നും കമന്‍റുകളിൽ പറയുന്നു. ദേശീയ മാധ്യമമായ ബ്രൂട്ടും വിഡിയോ പങ്കുവച്ചിട്ടുണ്ട്​.

View this post on Instagram

A post shared by Brut India (@brut.india)

കു​റ​ച്ച് ദി​വ​സ​ങ്ങ​ൾ​ക്ക് മു​മ്പാ​ണ് ഇ​ൻ​സ്റ്റാ​ഗ്രാ​മി​ൽ വിഡി​യോ പ​ങ്കി​ട്ട​ത്. ഏ​ക​ദേ​ശം 60 ദ​ശ​ല​ക്ഷം വ്യൂ​സ് നേടിയ വി​ഡി​യോക്ക്​​ 8.9 ദ​ശ​ല​ക്ഷ​ത്തി​ല​ധി​കം ലൈ​ക്കു​ക​ളും 1.8 ദശലക്ഷം ഷെയറും ലഭിച്ചിട്ടുണ്ട്​. സൂ​ട്ടോ​പ്പി​യ സെ​ൽ​ഫി ട്രെ​ൻ​ഡിന്‍റെ ഭാഗമായി നെറ്റിസൺസ്​ സി​നി​മ​യു​ടെ പ്രി​യ ക​ഥാ​പാ​ത്ര​ങ്ങ​ളാ​യ നി​ക്ക് വൈ​ൽ​ഡി​ന്‍റെ​യും ജൂ​ഡി ഹോ​പ്പി​ന്‍റെ​യും പോ​സു​ക​ളും മു​ഖ​ഭാ​വ​ങ്ങ​ളും പു​നഃ​സൃ​ഷ്ടി​ക്കസ്കയാണ്​ ചെയ്യുന്നത്​. ഈ ​ചാലഞ്ച്​ ക​ഴി​ഞ്ഞ വ​ർ​ഷം ഡി​സം​ബ​റി​ൽ ടി​ക് ടോ​ക്കി​നെ വ​ലി​യ ത​രം​ഗ​മാ​യി​രു​ന്നു.