ദുബൈ നഗരത്തിൽ...മുട്ടോളം വെള്ളത്തിൽ.....
text_fieldsദുബൈയിൽ വെള്ളക്കെട്ടിലൂടെ നടന്നു നീങ്ങുന്ന
ഗായകൻ രാഹുൽ വൈദ്യ
ദുബൈയിൽ തകർത്തുപെയ്ത മഴയാണ് ഇപ്പോൾ നാട്ടിലെ സംസാരവിഷയം. ദുബൈയെ അക്ഷരാർഥത്തിൽ നിശ്ചലമാക്കിയ കനത്ത മഴയും വെള്ളക്കെട്ടും എല്ലാവരെയും കുറച്ചൊന്നുമല്ല പ്രയാസത്തിലാക്കിയത്. അതിൽ സെലിബ്രിറ്റികളുംപെട്ടു. ദുബൈയിൽ മഴയിൽപെട്ടുപോയ ഗായകൻ രാഹുൽ വൈദ്യയുടെ കുറിപ്പും ചിത്രങ്ങളുമാണ് സമൂഹമാധ്യമങ്ങളിലെ ചർച്ച.
ഷൂവും കൈയിൽ പിടിച്ച് മുട്ടോളം വെള്ളത്തിൽ നടന്നുനീങ്ങുന്ന ചിത്രങ്ങളും വിഡിയോകളുമാണ് ഗായകൻ പോസ്റ്റുചെയ്തിരിക്കുന്നത്. ‘രണ്ടുമണിക്കൂറാണ് മഴപെയ്തത്. മഴയൊന്നും അത്ര ശീലമില്ലാത്ത ദുബൈയുടെ അവസ്ഥ നോക്കൂ. കാറുകളും ടാക്സികളും വെള്ളക്കെട്ടിൽപെട്ടു’- ഇൻസ്റ്റഗ്രാം സ്റ്റോറിയിൽ വൈദ്യ പറയുന്നു. സുരക്ഷിതമായി തന്നെ വിമാനത്താവളത്തിലെത്തിച്ചയാളുടെ ചിത്രവും അദ്ദേഹം പങ്കുവെച്ചു.
ദുബൈയിലെ എന്റെ ആദ്യത്തെ കുടുംബത്തിന് നന്ദി…മാൻസിഹർഷിലിനും റോനിൽ ഋഷിക്കും.... ദുബൈ മുഴുവൻ നിശ്ചലമായപ്പോൾ വിമാനത്താവളത്തിൽ എത്താൻ സഹായിച്ചതിന്- അദ്ദേഹം കുറിച്ചു. ദുബൈ വിമാനത്താവളത്തിന്റെ ചിത്രങ്ങളും വിമാനത്തിനുള്ളിൽനിന്നുള്ള തന്റെ ചിത്രങ്ങളും അദ്ദേഹം പങ്കുവെച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.