ക്ലബ്​ ഹൗസ്​ ശ്രോതാവായാൽ ജോലി നേടാം; അഞ്ചുകമ്പനികൾ ജീവനക്കാരെ തെരഞ്ഞെടുത്തത്​ ഈ പ്ലാറ്റ്​ഫോമിലൂടെ

ക്ലബ്​ ഹൗസിലെ ശ്രോതാവാകുന്നതിലൂടെ ഒരു ജോലി നേടാൻ കഴിഞ്ഞാലോ? തമിഴ്​നാട്ടിലെ അഞ്ചു കമ്പനികൾ, സ്റ്റാർട്ട്​ അപ്പ്​ ഉൾപ്പെടെയുള്ളവ ഉദ്യോഗാർഥിക​െള ക്ഷണിച്ചത്​ ക്ലബ്​ ഹൗസിലൂടെ.

ശനിയാഴ്ചയാണ്​ ഓഡിയോ സോഷ്യൽ നെറ്റ്​വർക്കിലൂടെ കമ്പനികൾ തങ്ങളുടെ ഉദ്യോഗാർഥികൾക്കായി തിരച്ചിൽ ആരംഭിച്ചത്​. ആദ്യ 15 മിനിറ്റിൽ മാത്രം 'ഗിഗ്​ ​ഹയറിങ്​' എന്ന ഗ്രൂപ്പിൽ 100ലധികം പേരാണ്​ കയറിയത്​. ഈ കമ്പനികൾ മുന്നോട്ടുവെച്ചത് നൂറിലധികം ജോബ്​ ഓഫറുകളും.

പലരും ജോലി അന്വേഷിക്കുന്ന സമയമായതിനാലാണ്​ ഇത്തരമൊരു നീക്കം നടത്തിയതെന്നായിരുന്നു കമ്പനികളുടെ പ്രതികരണം. കമ്പനിയുടെ ഉടമസ്​ഥരും അവരുടെ എച്ച്​.ആർ ജീവനക്കാരും ചേർന്ന്​ ക്ലബ്​ഹൗസിൽ കയറി ജോലി ഒഴിവുകൾ സംബന്ധിച്ച്​ വിവരിക്കുകയായിരുന്നു. ഓഡിയൻസിന്​​ സംശയങ്ങൾ ഉൾപ്പെടെ ചോദിക്കുന്നതിനും അവസരങ്ങൾ നൽകി. ഇതിൽനിന്ന്​ താൽപര്യമുള്ളവരെ അടുത്തഘട്ടത്തിലേക്ക്​ തെരഞ്ഞെടുക്കുകയായിരുന്നു.

കോവിഡ്​ 19നെ തുടർന്നുണ്ടായ പ്രതിസന്ധിയിൽ ജോബ്​ ഫെയറുകളും കാമ്പസ്​ റിക്രൂട്ട്​മെന്‍റുകളും നടത്താൻ സാധിക്കാത്തതിനാലാണ്​ ഇത്തരമൊരു നീക്കം നടത്തിയതെന്ന്​ ടെണ്ടർകട്ട്​സ്​ സി.ഇ.ഒയും സ്​ഥാപകനുമായ നിഷാന്ത്​ ചന്ദ്രൻ പറയുന്നു. അതിനാൽ ക്ലബ്​ ഹൗസ്​ എന്ന പുതിയ മാർഗത്തിലൂടെ ഉദ്യോഗാർഥിക​െള തെരഞ്ഞെടുക്കാൻ ശ്രമിക്കുകയായിരുന്നുവെന്നും അദ്ദേഹം കൂട്ടി​ച്ചേർത്തു.

ക്ലബ്​ഹൗസിലെ ആസ്വാദകർ പൊതുവെ ചെറുപ്പക്കാരായിരിക്കും. സംസാരിക്കാനും അഭി​പ്രായം രേഖപ്പെടുത്താനും മടികാണിക്കാത്ത അത്തരം ചെറുപ്പക്കാരെയാണ്​​ കമ്പനികൾ കൂടുതൽ ലക്ഷ്യം വെക്കുന്നത്​.