![chocolate bars wrapped in toilet paper chocolate bars wrapped in toilet paper](https://www.madhyamam.com/h-upload/2021/12/27/1345889-man-orders-phone-worth-rs-1-lakh-finds-chocolate-bars-wrapped-in-toilet-paper-inside-package.webp)
ഓൺലൈനിൽ ഓർഡർ ചെയ്തത് ലക്ഷം രൂപയുടെ ഐഫോൺ, കിട്ടിയത് ചോക്ലേറ്റും ടിഷ്യൂ പേപ്പറും
text_fieldsക്രിസ്മസിനോട് അനുബന്ധിച്ച് ഓൺലൈനിൽ വാങ്ങിയ ലക്ഷത്തിലധികം രൂപയുടെ ഫോണിന് പകരം ലഭിച്ചത് ചോക്ലേറ്റും ടിഷ്യൂ പേപ്പറും. യുകെയിലാണ് സംഭവം.
ഒരുലക്ഷം രൂപയുടെ ഐഫോൺ 13 പ്രോ മാക്സാണ് ഡാനിയേൽ കാരോൾ ഓൺലൈനായി വാങ്ങിയത്. ദിവസങ്ങൾക്കകം ലഭിക്കേണ്ട ഫോൺ രണ്ടാഴ്ച താമസിച്ചാണ് വെയൽഹൗസിൽ എത്തിയതുതന്നെ. ഏറെ ആകാംഷയോടെ കാത്തിരുന്ന ഫോൺ ഡി.എച്ച്.എൽ വെയർഹൗസിലെത്തി കാരോൾ വാങ്ങി. എന്നാൽ ഫോണിന് പകരം ടിഷ്യൂ പേപ്പറിൽ പൊതിഞ്ഞ രണ്ടു ചോക്ലേറ്റുകൾ കണ്ട് കാരോൾ ഞെട്ടി.
കാഡ്ബറിയുടെ വൈറ്റ് ഓറിയോ ചോക്ലേറ്റിന്റെ രണ്ടു ബാറുകളായിരുന്നു ബോക്സിൽ. പാഴ്സലിലെ ടേപ്പിൽ കൃത്രിമം കാണിച്ചത് ശ്രദ്ധയിൽപ്പെട്ടതോടെ സംശയം തോന്നിയതായി ലോജിസ്റ്റിക്സ് ജോലി ചെയ്യുന്ന കാരോൾ പറഞ്ഞു. തട്ടിപ്പിന് പിന്നാലെ ഡി.എച്ച്.എല്ലിനെ ടാഗ് ചെയ്ത് സംഭവം വിവരിച്ച് കാരോൾ ട്വീറ്റ് ചെയ്തു.
ഫോൺ വെയർഹൗസിൽ എത്തിയതുമുതൽ തെറ്റിദ്ധരിപ്പിക്കുന്ന നിരവധി സന്ദേശങ്ങൾ ലഭിച്ചതായും അദ്ദേഹം പറഞ്ഞു. അതേസമയം, സംഭവം പരിശോധിക്കുമെന്നും കാരോളിന് പുതിയ ഫോൺ നൽകാൻ ആവശ്യപ്പെട്ടിട്ടുണ്ടെന്നും ഡി.എച്ച്.എൽ പ്രതികരിച്ചു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.