'പറമ്പിക്കുളം​ പൊലീസ് സ്റ്റേഷനിൽ എത്തിയ അമ്മയും കുഞ്ഞും ചെയ്തതെന്തന്നറിയാൻ'

ഇടുക്കി: പറമ്പിക്കുളം സ്​​റ്റേഷനിൽ അർധരാത്രിയെത്തിയ ഒരമ്മയെയും കുഞ്ഞിനെയും കണ്ട്​ പൊലീസുകാർ ഞെട്ടി. പരാതി പറയാനെത്തിയത്​ മനുഷ്യരാണെന്ന്​ കരുതിയാൽ തെറ്റി. ആനയും കുഞ്ഞുമാണ്​ രാത്രി 10.30ന്​ സ്​റ്റേഷന്‍റെ മുന്നിലെത്തിയത്​.

'പറമ്പിക്കുളം പോലീസ് സ്റ്റേഷനിൽ എത്തിയ അമ്മയും കുഞ്ഞും ചെയ്തതെന്തന്നറിയാൻ' എന്ന അടിക്കുറിപ്പോടെ കേരള പൊലീസാണ്​ ആനകളുടെ പൊലീസ്​ സ്​റ്റേഷൻ സന്ദർശനത്തിന്‍റെ വിഡിയോ ഫേസ്​ബുക്കിൽ പങ്കുവെച്ചത്​. ആനകളുടെ സന്ദർശനത്തിന്​ പിന്നാലെ വളഞ്ഞ ഗ്രിൽസിന്‍റെയും പൊളിഞ്ഞ ടൈൽ പാകിയ തറയുടെയും ചിത്രങ്ങൾ വിഡിയോയിൽ കാണാം.

സമീപകാലത്ത്​ പൊലീസുമായി ബന്ധപ്പെട്ട്​ വിവാദമായ സംഭവങ്ങളും ആനകളുടെ സന്ദർശനവും കോർത്തിണക്കി നെറ്റിസൺസ്​ പോസ്റ്റിന്​ താഴെ രസകരമായ കമന്‍റുകൾ പാസാക്കുന്നുണ്ട്​.