ദുരന്ത വാർത്ത വായിക്കുന്നതിനിടെ പൊട്ടിച്ചിരിച്ച്​ അവതാരക; വിഡിയോ വൈറൽ

വാർത്ത വായിക്കുന്നതിനിടെ അവതാരകയുടെ അനസവരത്തിലുള്ള ചിരിക്ക് സമൂഹമാധ്യമങ്ങളിൽ വൻ വിമർശനം. വെള്ളപ്പൊക്കം റിപ്പോർട്ട് ചെയ്യുന്നതിനിടെയാണ് അവതാരക ചിരിച്ചത്. ബീഹാറിലും, ജാർഖണ്ഡിലും സംപ്രേക്ഷണം ചെയ്യുന്ന മാധ്യമ സ്ഥാപനത്തിലെ അവതാരകയാണ് വിവാദത്തിൽപ്പെട്ടത്​.സംഭവത്തിന്റെ വിഡിയോ സമൂഹമാധ്യമങ്ങളിൽ പ്രചരിക്കുന്നുണ്ട്.

സഞ്ജയ് ത്രിപാഠി എന്നയാളാണ് എക്സിൽ വിഡിയോ ഷെയർ ചെയ്തത്. അധികം വൈകാതെ തന്നെ, വിഡിയോ വൈറലായി. ഇത്തരമൊരു ഗുരുതരമായ സാഹചര്യം റിപ്പോർട്ട് ചെയ്യുന്നതിനിടയിൽ എങ്ങനെയാണ് ചിരി വരുന്നത് എന്നാണ് നെറ്റിസൺസ്​ ചോദിക്കുന്നത്​. പി.സി.ആർ റൂമിൽ നിന്ന് ആരെങ്കിലും ചിരിപ്പിച്ചതാകാം എന്ന്​ കരുതുന്നവരും ഉണ്ട്​. അൽപ്പനേരം ചിരിച്ച ശേഷം അവതാരക ക്ഷമ ചോദിക്കുന്നതും വിഡിയോയിലുണ്ട്​.

ബാഗ്മതി നദിയിലെ രൂക്ഷമായ വെള്ളപ്പൊക്കത്തെ തുടർന്ന് ദർഭംഗയിലും ബീഹാറിലെ പല പ്രദേശങ്ങളിലും വലിയ വെള്ളക്കെട്ടാണ് രൂപപ്പെട്ടിരിക്കുന്നത്. നൂറുകണക്കിനുപേരെയാണ്​ ദുരന്തത്തെത്തുടർന്ന്​ ഒഴിപ്പിച്ചത്​.

कोई बता सकता है इतनी ख़ुशी किसके लिये? 😁 pic.twitter.com/QjipNgJNaI

— SANJAY TRIPATHI (@sanjayjourno) September 14, 2023