മഴയിൽ ഈന്തപ്പനയുടെ താണ്ഡവനൃത്തം; വിഡിയോ പങ്കുവെച്ച്​ ആനന്ദ്​ മഹീന്ദ്ര

മുംബൈ: നഗരത്തിൽ കനത്ത മഴയിൽ ഈന്തപ്പനയുടെ താണ്ഡവ നൃത്തം. എല്ലാവരും മഴയുടെ സംഹാരം സമൂഹ മാധ്യമങ്ങളിൽ പ്രചരിപ്പിച്ചപ്പോൾ വ്യത്യസ്​തമായ ഒരു മഴ ദൃശ്യം പങ്കുവെച്ച്​ താരമാകുകയാണ്​ മഹീന്ദ്ര ഗ്രൂപ്പ്​ ചെയർമാൻ ആനന്ദ്​ മഹീന്ദ്ര.

'മുംബൈ മഴയെപ്പറ്റി എല്ലാവരും പങ്കുവെച്ചവയിൽ കൂടുതൽ നാടകീയമായ വിഡിയോ ഇതായിരിക്കും​. കൊടുങ്കാറ്റിൻെറ നാടകം ആസ്വദിക്കുന്ന ഈന്തപ്പനയുടെ ​സ​​ന്തോഷ താണ്ഡവ നൃത്ത ​മാണോ. അല്ലെങ്കിൽ പ്രകൃതിയുടെ കോപമോ' -എന്ന അടിക്കുറി​പ്പോടെയാണ്​ ആനന്ദ്​ മഹീന്ദ്ര ട്വിറ്ററിൽ വിഡിയോ പങ്കുവെച്ചത്​.

നിറയെ വീടുകൾക്ക്​ നടുവി​ൽ നിൽക്കുന്ന ഈന്തപ്പന കനത്ത കാറ്റിൽ വട്ടംകറങ്ങുന്നതാണ്​ വിഡിയോ. പോസ്​റ്റ്​ ചെയ്​ത്​ നിമിഷങ്ങൾക്കകം ദൃശ്യം വൈറലായി. പതിനായിരത്തിലധികംപേർ വിഡിയോ കാണുകയും ​റീട്വീറ്റ്​​ ചെയ്യുകയും ചെയ്​തു.