![Bride Wears Jewellery Made With Pani Puri At Wedding Bride Wears Jewellery Made With Pani Puri At Wedding](https://www.madhyamam.com/h-upload/2021/07/08/1084832-bride-wears-jewellery-made-with-pani-puri-at-wedding.webp)
'പാനിപൂരി സ്നേഹിയുടെ സ്വപ്ന വിവാഹം'; വധുവിെൻറ ആഭരണങ്ങളും പാനിപൂരിയിൽ -വിഡിയോ
text_fieldsഭക്ഷണപ്രിയരുണ്ടാകും. എന്നാൽ, ഇഷ്ടപ്പെട്ട വിഭവം ആഭരണങ്ങളായി അണിഞ്ഞാലോ? അതും വിവാഹത്തിന്.
രാജ്യമെമ്പാടും ആരാധകരുള്ള വിഭവമാണ് പാനിപൂരി അഥവാ ഗോൽഗപ്പ. രുചിയിലെ വൈവിധ്യം തന്നെയാണ് പ്രധാന കാരണം. പാനിപൂരിയിൽ നിർമിച്ച ആഭരണങ്ങൾ ധരിച്ച് വിവാഹത്തിനൊരുങ്ങുന്ന വധുവിെൻറ വിഡിയോയാണ് ഇപ്പോൾ വൈറൽ.
വധു അക്ഷയയുടെയും വരൻ അഭിഷേകിെൻറയും വിവാഹത്തിലാണ് സംഭവം. വിഡിയോ ലക്ഷകണക്കിന് പേരാണ് ഇതിനോടകം കണ്ടത്. വധുവിെൻറ മേക്കപ്പ് ആർട്ടിസ്റ്റാണ് വിഡിയോ ഇൻസ്റ്റഗ്രാമിൽ പങ്കുവെച്ചിരിക്കുന്നത്.
വധുവിെൻറ കഴുത്തിൽ പാനിപൂരി മാലയും തലയിൽ കിരീടവും അണിയുന്നത് വിഡിയോയിൽ കാണാം. വധുവിെൻറ മുമ്പിൽ പാനിപൂരി നിരത്തിവെച്ചിരിക്കുന്നതും വിഡിയോയിലുണ്ട്.
പാനിപൂരി സ്നേഹികളുടെ സ്വപ്ന വിവാഹം എന്ന അടിക്കുറിപ്പ് പങ്കുവെച്ച് നിരവധിപേർ രംഗത്തെത്തി.
കൂടാതെ വിവാഹത്തിെൻറ മറ്റൊരു വിഡിയോയും വൈറലായിരുന്നു. വധുവിെൻറ തലയിൽ അടക്കിവെച്ചിരിക്കുന്ന പപ്പടം പൊടിച്ചിടുന്നതാണ് വിഡിയോ.
അതേസമയം, ഭക്ഷണം പാഴാക്കുന്നതിനെതിരെ നിരവധി പേർ വിമർശനവുമായും രംഗത്തെത്തിയിട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.