'ചൈനീസ്​ ഭക്ഷണം വികലമാക്കിയതിന്​ അവരുടെ മധുര പ്രതികാരം' -ഷാരൂഖ്​ സിനിമയിലെ പാട്ടുപാടി ചൈനീസ്​ ഗായിക

ഷാരൂഖ്​ ഖാനും ഐശ്വര്യ റായ്​യും അഭിനയിച്ച്​ 2000ൽ പുറത്തിറങ്ങിയ 'മൊഹബത്തേൻ' എന്ന സിനിമയിലെ 'ആഖേ ഖുലീ ഹൊ യാ ഹോ ബന്ദ്​' എന്ന ഗാനം ചൈനീസ്​ ഗായിക ആലപിക്കുന്ന വിഡിയോ സമൂഹ മാധ്യമങ്ങളിൽ വൈറലാകുന്നു. 2018ൽ ഒരു റിയാലിറ്റി ഷോയിൽ നിന്നുള്ള ഈ വിഡിയോ കാവേരി എന്ന ട്വിറ്റർ ഉപയോക്​താവാണ്​ വീണ്ടും പങ്കുവെച്ചത്​.

Chinese Revenge - they are doing to our songs what we did to their food. pic.twitter.com/UXWPm3Uf7j

— Kaveri 🇮🇳 (@ikaveri) May 27, 2021

'​ൈചനയുടെ പ്രതികാരം-അവരുടെ ഭക്ഷണത്തോട്​ നമ്മൾ ചെയ്​തത്​ നമ്മുടെ പാട്ടുകളോട്​ അവരും ചെയ്യുന്നു' എന്ന കാപ്​ഷനോടെയാണ്​ വിഡിയോ പോസ്റ്റ്​ ചെയ്​തിരിക്കുന്നത്​. ചൈനീസ്​ ശൈലിയിൽ കൂളായി ഹിന്ദി ഗാനം പാടുന്ന ഗായികയെയും ​േ​പ്രാത്സാഹിപ്പിക്കുന്ന കാണികളെയും വിഡിയോയിൽ കാണാം. 1.19 ലക്ഷത്തോളം പേരാണ്​ ഇതുവരെ വിഡിയോ കണ്ടിരിക്കുന്നത്.

ചൈനക്കാരി അത്ര മോശമാക്കിയില്ല എന്ന കമന്‍റാണ്​ വിഡിയോക്ക്​ കൂടുതലും ലഭിച്ചത്​. 'ഹിന്ദി വാക്കുകൾ കഴിയുന്നത്ര ​ശരിയായി ഉച്​ഛരിക്കാൻ അവർക്കായി. നമ്മള​ുടെ എത്ര ഗായകർക്ക്​ ഇങ്ങനെ ചൈനീസ്​ ഗാനം പാടാൻ കഴിയും' എന്നാണ്​ ഒരാൾ അഭിപ്രായപ്പെട്ടത്​. ലത മ​ങ്കേഷ്​കറും ഉദിത്​ നാരായണനും നയിക്കുന്ന 'ആഖേ ഖുലീ ഹൊ യാ ഹോ ബന്ദ്​' ജതിൻ ലളിതിന്‍റെ സംഗീതത്തിൽ ആണ് പിറന്നത്​​.