ഒട്ടകപ്പക്ഷികൾക്കൊപ്പം സൈക്കിളിൽ 'റേസിങ്​' നടത്തി ദുബൈ കിരീടാവകാശി; വിഡിയോ വൈറൽ VIDEO

ദുബൈ: സാഹസികത ഏറെ ഇഷ്​ടപ്പെടുന്നയാളും സോഷ്യൽ മിഡിയയുടെ പ്രിയപ്പെട്ട വ്യക്തിത്വങ്ങളിൽ ഒരാളുമാണ്​ ദുബൈ കിരീടാവകാശിയും എക്സിക്യൂട്ടീവ് കൗണ്‍സില്‍ ചെയര്‍മാനുമായ ശൈഖ്​ ഹംദാൻ ബിൻ മുഹമ്മദ്​ ബിൻ റാഷിദ്​ അൽ മഖ്ദൂം.

ശൈഖ്​ ഹംദാന്‍റെ ഇൻസ്റ്റഗ്രാം പോസ്റ്റുകൾ പലപ്പോ​ഴും വൈറലായി മാറാറുണ്ട്​. പുതുവർഷത്തിൽ രണ്ട്​ ഒട്ടകപ്പക്ഷികളുടെ കൂടെ 'റോസിങ്​' നടത്തുന്ന ഹംദാന്‍റെ വിഡിയോയാണ്​ വൈറലായത്​.

ഒരുമിനിറ്റിലധികം ദൈർഘ്യമുള്ള വിഡിയോയിൽ ശൈഖ്​ ഹംദാനും കുറച്ച്​ പേരും സൈക്കിൾ സവാരി നടത്തുന്നതാണ്​ കാണാനാകുക. എന്നാൽ കുറച്ച്​ സമയങ്ങൾക്ക്​ ശേഷം രണ്ട്​ ഒട്ടകപ്പക്ഷികൾ കൂടി സീനിലെത്തിയതോടെ പിന്നെ മത്സരമായിരുന്നു. ശേഷം എന്ത്​ സംഭവിച്ചുവെന്ന്​ വിഡിയോയിൽ കാണാം:

പങ്കുവെച്ച്​​ മണിക്കൂറുകൾക്കം വിഡിയോക്ക്​ 3.8 ലക്ഷം കാഴ്ചക്കാരെ ലഭിച്ചു. കാഴ്ചക്കാരുടെ എണ്ണം കൂടിക്കൊണ്ടിരിക്കുകയാണ്​. നിരവധി ​േഫാളോവേഴ്​സാണ്​​ രാജകുമാരന്​ പുതുവത്സരാംശംസകളും സ്​നോഹവുമായി കമന്‍റുകളിടുന്നത്​. 11 ദശലക്ഷം പേരാണ്​ ഹംദാനെ ഇൻസ്റ്റയിൽ പിന്തുടരുന്നത്​.

നേരത്തെ തന്‍റെ രണ്ടരക്കോടിയിലധികം രൂപ വിലവരുന്ന മെഴ്​സിഡസ്​ എ.എം.ജി ജി63 എസ്​.യു.വി കാറിന്‍റെ ബോണറ്റിൽ മുട്ടയിട്ട്​ കൂടുകൂട്ടിയ പക്ഷിയുടെ വിഡിയോ ശൈഖ്​ ഹംദാൻ പങ്കുവെച്ചിരുന്നു. തന്‍റെ പ്രിയപ്പെട്ട കാർ ഉപയോഗിക്കാതെ പക്ഷിക്ക്​ അടയിരിക്കാൻ സൗകര്യം ഒരുക്കിയ അദ്ദേഹം അന്ന്​ കൈയ്യടികൾ നേടിയിരുന്നു.