കാട്ടുപാതയിൽ വെച്ച്​ ആന ഒരു കടുവയുടെ മുന്നിൽ പെട്ടു; പിന്നീട്​ സംഭവിച്ചത്

ന്യൂഡൽഹി: കാട്ടിലെ വേട്ടക്കാരാണ്​ കടുവകൾ. എന്നിരുന്നാലും ആനകളോട്​ കടുവകൾ അങ്ങനെ മുട്ടാൻ നിക്കാറില്ല. ഇപ്പോൾ അഭിനേത്രിയും ആക്​ടീവിസ്​റ്റുമായ ദിയ മിർസ പങ്കുവെച്ച ഒരു വിഡിയോയാണ് ട്വിറ്ററിൽ ​ ശ്രദ്ധിക്കപ്പെടുന്നത്​.

കാട്ടിലൂടെയുള്ള ഒരു വഴിയിലൂടെ ഒരു ആന നടന്നു വരികയായിരുന്നു. അപ്പോൾ വഴിയുടെ നടുവിലായി ഒരു കടുവ ഇരിക്കുന്നുണ്ടായിരുന്നു. പതിയെ നടന്നു വരുന്നതിനിടെ കടുവയെ കണ്ടെങ്കിലും ഗൗനിക്കാതെ ആന മുന്നോട്ടു നടക്കാൻ തുടങ്ങി.

അ​പ്പോൾ തലതിരിച്ച കടുവ പിറ​േകാട്ട്​ നോക്കിയപ്പോൾ ദേ വരുന്നു ഒരു ആന. കാണേണ്ട താമസം കാട്ടിലെ വേട്ടക്കാരൻ വാലും ചുരുട്ടി ഒരോട്ടം. വിഡിയോ കണ്ട്​ നിരവധി ട്വിറ്ററാറ്റികളാണ്​ അത്ഭുതം കൂറിയത്​.

ദിയ മിർസ പങ്കുവെച്ച വിഡിയോ കാണാം:

ദിയ മിർസയുടെ വിഡിയോക്ക്​ ലക്ഷത്തിലേറെ കാഴ്​ചക്കാരെ ലഭിച്ചു. നൂറുകണക്കിനാളുകളാണ്​ മൈക്രോബ്ലേഗിങ്​ സൈറ്റിൽ വിഡിയോക്ക്​ കീഴിൽ കമൻറടിച്ചത്​.

'ഞാൻ എല്ലാഴ്​പ്പോഴും പറയുംപോലെ കാടി​െൻറ അധിപൻ ആനയാണ്​. അവന്​ എതിരെ നിൽക്കാൻ ആരും ആഗ്രഹിക്കുന്നില്ല' -ഐ.എഫ്​.എസ്​ ഉ​ദ്യോഗസ്​ഥനായ പ്രവീൺ കസ്​വാൻ എഴുതി.

കടുവകൾ സാധാരണയായി മാൻ, കുരങ്ങൻ, പന്നി തുടങ്ങിയ സസ്തനികളെയാണ്​ ഇരയാക്കാറ്​. കടുവകൾ പൂർണ്ണവളർച്ചയെത്തിയ ആനകളെ വേട്ടയാടുന്ന സംഭവങ്ങൾ വിരളമാണ്. 2009ൽ ഇരവികുളം ദേശീയോദ്യാനത്തിൽ കടുവ ഒരു ആനയെ വേട്ടയാടിയതായി റിപ്പോർട്ടുകൾ പുറത്തു വന്നിരുന്നു.