ബസിനകത്തെ പഴക്കുലക്കായി പട്ടാപ്പകൽ ആനയുടെ 'പിടിച്ചു​പറി'; വൈറലായി വിഡിയോ

യാത്രാമധ്യേ വാനരൻമാർ വാഹനങ്ങളിൽ നിന്ന്​ ഭക്ഷണം തട്ടിയെടുത്തോടുന്ന കാഴ്​ച​ നാം കാണാറുണ്ട്​. എന്നാൽ നടുറോഡിൽ ബസ്​ തടഞ്ഞ്​ ഭക്ഷണം എടുക്കാൻ ഒരു ആന തുനിഞ്ഞാലോ. അത്തരത്തിൽ ഒരു വിഡിയോ ആണ്​ ഇപ്പോൾ സാമൂഹിക മാധ്യമങ്ങളിൽ വൈറലായിരിക്കുന്നത്​. പട്ടാപ്പകൽ നടന്ന 'പിടിച്ചുപറി' ബസിനകത്തെ ഒരു യാത്രക്കാരനാണ്​ പകർത്തിയത്​. ശ്രീലങ്കയിലെ ഖതരംഗാമയിലാണ്​ സംഭവം.

വഴിമധ്യേ റോഡിൽ ആന വരുന്നത്​ കണ്ട്​ ഡ്രൈവർ വാഹനത്തി​െൻറ വേഗത കുറച്ച്​ ഭക്ഷണം നൽകി. എന്നാൽ അപ്രതീക്ഷിതമായി ആന ഡ്രൈവറുടെ സീറ്റിനരികിലുള്ള ജനാലയിലൂടെ തുമ്പിക്കൈ അകത്തേക്കിട്ട്​ ഭക്ഷണത്തിനായി പരതിയതോടെ ഏവരും പരിഭ്രാന്തരായി. എന്നാൽ ബസിനകത്തെ പഴത്തിനകത്തായിരുന്നു ആനയുടെ കണ്ണ്​.

ഇതിനിടെ ഡ്രൈവർ തുമ്പിക്കൈയുടെ ഇടയിൽ ​കുടുങ്ങിപ്പോകുന്നുണ്ട്​. തനിക്ക്​ വേണ്ട സാധനം കൈയ്യിൽ കിട്ടിയതോടെ ആന പിൻവാങ്ങിയ തക്കത്തിന്​ ഡൈവ്രർ വണ്ടി മുന്നോ​ട്ടെടുക്കുകയായിരുന്നു. 2018ൽ എടുത്ത വിഡിയോ ഇന്ത്യൻ ഫോറസ്​റ്റ്​ സർവിസ്​ ഓഫിസർ പ്രവീൺ കസ്​വാൻ ട്വിറ്ററിൽ പങ്കു​െവച്ചതോടെയാണ്​ ​ൈവറലായത്​.

1.1 ദശലക്ഷം കാഴ്​ചക്കാരെയാണ്​ വിഡിയോക്ക്​ ഇതിനോടകം ലഭിച്ചത്​. നിരവധിയാളുകൾ അത്ഭുതം കൂറുന്ന കമൻറുകളുമായെത്തി. വന്യജീവികൾക്ക്​ ഭക്ഷണം നൽകുന്ന പ്രവണതക്കെതിരെ കമൻറ്​ കോളത്തിൽ കാസ്​വാൻ വിശദീകരിക്കുന്നുണ്ട്​.