പിച്ച വെച്ച്​...വീണ്, നടന്നു നീങ്ങി അമ്മക്കരികിൽ... കൗതുകമായി കുഞ്ഞു ജിറാഫ്​ -Video

ചെറിയ കുഞ്ഞുങ്ങൾ നിരവധി തവണ വീണതിനു ശേഷമാണ്​ ശരിക്കു​ നടക്കാൻ പഠിക്കുന്നത്​. അത്​ മനുഷ്യക്കുഞ്ഞുങ്ങളാണെങ്കിലു​ം മൃഗങ്ങളാണെങ്കിലും അങ്ങനെ തന്നെ. ആദ്യ ചുവടുവെപ്പ്​ അവരെ സംബന്ധിച്ചിടത്തോളം പുതിയ അനുഭവവും പാഠവുമാണ്​.

പിച്ച വെച്ച്​, പിച്ച വെച്ച്​...വീണ്​, വീണ്ടും എഴുന്നേറ്റ്​ നടക്കാൻ ശീലിക്കുന്ന കുഞ്ഞു ജിറാഫിന്‍റെ വീഡിയോ കൗതുകമാവുകയാണ്​. ഹോപ്കിൻസ്​ ബി.ആർ.എഫ്​.സി എന്ന ട്വിറ്റർ ഉപയോക്താവിന്‍റെ അക്കൗണ്ടിൽ നിന്ന്​ പോസ്റ്റ്​ ചെയ്​ത വീഡിയോയാണ്​ കാഴ്ചക്കാരുടെ മനംകവരുന്നത്​.

ജനിച്ച്​ മിനുട്ടുകൾ മാത്രം പ്രായമുള്ള കുഞ്ഞു ജിറാഫിന്‍റെ ജീവിതത്തി​െല ആദ്യ ചുവടു​െവപ്പാണ്​ വിഡിയോയിലുള്ളത്​.​ നടക്കാനുള്ള ആദ്യ ശ്രമത്തിൽ കുട്ടി ജിറാഫ്​ വീണു പോകുന്നുണ്ട്​. വീണ്ടും എഴുന്നേറ്റ്​ ചുവടുവെക്കാൻ ശ്രമിക്കുകയും ഒടുവിൽ വീഴാതെ നിൽക്കാൻ ശീലിക്കുകയും ചെയ്യുന്നു. അമ്മ ജിറാഫിന്‍റെ സ്​നേഹ ലാളനകളും വീഡിയോയിൽ കാണാവു​ന്നതാണ്​.

ഏതോ മൃഗശാലയിൽ നിന്ന്​ പകർത്തിയ 22 സെക്കന്‍റ്​ മാത്രം ദൈർഘ്യമുള്ള ഈ വീഡിയോയ്​ക്ക്​ നിരവധി പേരാണ്​ പ്രതികരണണമറിയിച്ചത്​.