വലിക്കാത്ത, കുടിക്കാത്ത, സ്​ത്രീധനം വാങ്ങാത്ത ഭക്​തരായ യുവാക്കളാണവർ? 'ലൗ ജിഹാദ്​ അറിയേണ്ട ചില സത്യ'ങ്ങൾ -വീഡിയോ വൈറൽ

ലൗ ജിഹാദിനെപറ്റി ചർച്ച നടത്തുന്ന ക്രിസ്​ത്യൻ പാതിരിമാരുടെ വീഡിയോ സമൂഹമാധ്യമങ്ങളിൽ വൈറലായി. 'ലൗ ജിഹാദ്​ അറിയേണ്ട ചില സത്യ'ങ്ങൾ എന്ന തലക്കെട്ടിലാണ്​ വീഡിയോ പ്രചരിച്ചിരിക്കുന്നത്​. എന്തുകൊണ്ട്​ ക്രിസ്​ത്യൻ പെൺകുട്ടികൾ മുസ്​ലിം ചെറുപ്പക്കാരെ പ്രണയിക്കുന്നു എന്നതി​െൻറ വിശദമായ വിശകലനമാണ്​ രണ്ട്​ അച്ചന്മാർ വീഡിയോയിൽ നടത്തുന്നത്​.

പരസ്​പര സംഭാഷണത്തി​െൻറ രൂപത്തിലാണ്​ ചർച്ച പുരോഗമിക്കുന്നത്​. മുസ്​ലിം ചെറുപ്പക്കാരുടെ ഗുണഗണങ്ങൾ വാഴ്​ത്തുന്ന അച്ചന്മാർ ക്രിസ്​ത്യൻ ചെറുപ്പക്കാർക്ക്​ ഇതൊന്നും ഇല്ലെന്നും പറയുന്നു. വലിക്കാത്ത, കുടിക്കാത്ത, സ്​ത്രീധനം വാങ്ങാത്ത, മറ്റുള്ളവരെ പരിഗണിക്കുന്ന ഭക്​തരായ ചെറുപ്പക്കാരാണ്​ ലൗ ജിഹാദ്​ നടത്തുന്നതെന്നാണ്​ അച്ചന്മാരുടെ കണ്ടുപിടിത്തം. ഇവരുടെ ഇൗ സ്വഭാവഗുണത്തിൽ പെൺകുട്ടികൾ വീണുപോകുമത്രെ. വീഡിയോ സമൂഹമാധ്യമങ്ങളിൽ വൈറലായി.

രസകരമായ കമൻറുകളാണ്​ വീഡിയോക്ക്​ ലഭിക്കുന്നത്​. 'ഇവർ പറയുന്നതുപോലെയാണെങ്കിൽ എത്ര നന്മ നിറഞ്ഞ തീവ്രവാദികളാണവർ'എന്നാണ്​ ഒരാൾ കമൻറായി കുറിച്ചിരിക്കുന്നത്​. നിലവിൽ പ്രചരിക്കുന്ന വീഡിയോയുടെ പൂർണരൂപം ഫ. പ്രശാന്ത്​ ​െഎ.എം.എസ്​ എന്നയാളുടെ ഫേസ്​ബുക്ക്​ പേജിൽ നിന്നാണ്​ അപ്​ലോഡ്​ ചെയ്​തിരിക്കുന്നത്​. ഫ.​മൈക്കിൾ കാരിമറ്റം, ഫ. മാരിയോ എന്നിവരാണ്​ ദൃശ്യങ്ങളിലുള്ളത്​. 2020 ജനുവരി 25നാണ്​ അരമണിക്കൂർ നീളമുള്ള യഥാർഥ വീഡിയോ പുറത്തുവിട്ടിരിക്കുന്നത്​. എട്ട്​ ലക്ഷത്തോളംപേർ വീഡിയോ ഫേസ്​ബുക്കിൽ കണ്ടിട്ടുണ്ട്​.