ഹാദാ സലാം... ഫലിമ സലാം...

ഇ​താ​ണോ സ​മാ​ധാ​നം? പി​ന്നെ എ​ന്താ​ണ് സ​മാ​ധാ​നം? ഹാ​ദാ സ​ലാം.. ഫ​ലി​മ സ​ലാം... യു​ദ്ധം മു​റി​വേ​ൽ​പ്പി​ച്ച​വ​രു​ടെ മ​ന​സ്സി​ലു​ള്ള​ത് പ​റ​യാ​തെ പ​റ​യു​ന്ന വ​രി​ക​ളാ​യി ലോ​കം സ്വീ​ക​രി​ച്ചി​രി​ക്കു​ക​യാ​ണ് കു​വൈ​ത്തി പാ​ട്ടു​കാ​രി മ​ർ​യം ശി​ഹാ​ബ് എ​ഴു​തി താ​ളം കൊ​ടു​ത്ത ഈ ​ഗാ​നം. ഇ​ന്ന് ഗ​സ്സ​യു​ടെ നോ​വി​ന്റെ താ​ള​മാ​യി മാ​റി​യി​രി​ക്കു​ക​യാ​ണീ വ​രി​ക​ൾ. ഫ​ല​സ്‌​തീ​നു വേ​ണ്ടി ഈ ​പാ​ട്ട് പാ​ടി ലോ​ക​മൊ​ട്ടാ​കെ വൈ​റ​ലാ​യി​രി​ക്കു​ക​യാ​ണ് അ​മീ​ന നൂ​റ എ​ന്ന മ​ല​യാ​ളി പെ​ൺ​കു​ട്ടി.

സോ​ഷ്യ​ൽ മീ​ഡി​യ​യി​ൽ പ​ല​രാ​ജ്യ​ത്തു​നി​ന്നു​ള്ള ല​ക്ഷ​ക​ണ​ക്കി​നാ​ളു​ക​ളാ​ണ് അ​മീ​ന​യു​ടെ ശ​ബ്ദ​ത്തി​ലു​ള്ള ഈ ​പാ​ട്ട് ഇ​രു​ക​യ്യും നീ​ട്ടി സ്വീ​ക​രി​ച്ച​ത്. ഷാ​ർ​ജ​യി​ലെ അ​ൽ ഖാ​സി​മി​യ യൂ​ണി​വേ​ഴ്സി​റ്റി​യി​ൽ ര​ണ്ടാം​വ​ർ​ഷ എ​ക്ക​ണോ​മി​ക്സ് ആ​ൻ​ഡ് മാ​നേ​ജ്‌​മ​ന്റ് ബി​രു​ദ വി​ദ്യാ​ർ​ഥി​നി​യാ​ണ് അ​മീ​ന.

ഫ​ല​സ്‌​തീ​നി​ൽ ദു​രി​ത​മ​നു​ഭ​വി​ക്കു​ന്ന​വ​രു​ടെ വാ​ക്കു​ക​ളാ​യാ​ണ് ഇ​ന്ന് ലോ​കം ഈ ​വ​രി​ക​ൾ കാ​ണു​ന്ന​ത്. സോ​ഷ്യ​ൽ മീ​ഡി​യ​യി​ൽ സ്ക്രോ​ള് ചെ​യ്തു പോ​കു​മ്പോ​ൾ ഒ​രി​ക്ക​ലെ​ങ്കി​ലും ഹാ​ദാ സ​ലാം എ​ന്നു തു​ട​ങ്ങു​ന്ന അ​മീ​ന പാ​ടി​യ പാ​ട്ട് ന​മ്മു​ടെ മ​ന​സ്സി​ലൊ​ന്നു​ട​ക്കി​യേ​ക്കാം.

ഒ​ന്ന് ക​ണ്ണ​ട​ച്ചാ​ൽ ഗാ​സ​യി​ലെ ക​ണ്ണ് ന​ന​യി​ക്കു​ന്ന ഓ​രോ ദൃ​ശ്യ​ങ്ങ​ളും ഈ ​പാ​ട്ടി​ന്‍റെ വ​രി​ക​ളി​ലൂ​ടെ മ​ന​സ്സി​ലേ​ക്കെ​ത്തും. നി​ര​പ​രാ​ധി​ക​ളാ​യ ഒ​ട്ട​ന​വ​ധി പേ​രു​ടെ തേ​ങ്ങ​ലു​ക​ളാ​ണ് ഈ ​വ​രി​ക​ൾ. ഇ​മ്പ​മു​ള്ള ഈ​ണ​ത്തി​ലും താ​ള​ത്തി​ലും അ​റ​ബി ഉ​ച്ചാ​ര​ണം ഒ​ട്ടും പി​ഴ​ക്കാ​തെ​യാ​ണ് അ​മീ​ന ഈ ​പാ​ട്ടു​പാ​ടി​യ​ത്.

സ​മാ​ധാ​നം എ​ന്താ​ണെ​ന്ന് പോ​ലും അ​റി​യാ​തെ മാ​സ​ങ്ങ​ളാ​യി യു​ദ്ധ​ത്തി​ന്‍റെ ഭീ​തി​യി​ൽ ക​ഴി​യു​ന്ന ഒ​രു ഫ​ല​സ്തീ​നി​യു​ടെ ചോ​ദ്യ​ങ്ങ​ളാ​യി​ട്ടാ​ണ് ഈ ​പാ​ട്ടി​ൻ​റെ അ​ർ​ത്ഥം വ​രു​ന്ന​ത്. സൂ​ക്ഷി​ച്ച് ഒ​ന്ന് കേ​ട്ടാ​ൽ ക​ണ്ണ് ന​ന​യി​പ്പി​ക്കും ഈ ​വ​രി​ക​ൾ. അ​ത് ഇ​മ്പ​മു​ള്ള ശ​ബ്ദ​ത്തി​ൽ അ​റ​ബി ഉ​ച്ചാ​ര​ണം ഒ​ട്ടും പി​ഴ​ക്കാ​തെ​കൂ​ടി​യാ​കു​മ്പോ​ൾ ആ​രു​ടെ​യും ഹൃ​ദ​യ​ത്തി​ൽ ഈ ​പാ​ട്ട് സ്ഥാ​നം പി​ടി​ക്കും.

ഇ​താ​ണോ സ​മാ​ധാ​നം..​പി​ന്നെ എ​ന്താ​ണ് സ​മാ​ധാ​നം? ക​ണ്ണി​ൽ​നി​ന്ന് ക​ണ്ണു​നീ​രി​ന് പ​ക​രം ചോ​ര​യാ​ണ് വ​രു​ന്ന​ത്. ഇ​ങ്ങ​നെ​യാ​ണ് ഈ ​വ​രി​ക​ളു​ടെ അ​ർ​ത്ഥം വ​രു​ന്ന​ത്.

തൃ​ശൂ​ർ മാ​ള സ്വ​ദേ​ശി​യാ​യ മു​ഹ​മ്മ​ദ് അ​ലി​യാ​രു​ടെ​യും, ഫൗ​സി​യ മു​ഹ​മ്മ​ദി​ന്റെ​യും മൂ​ന്ന് പെ​ൺ​മ​ക്ക​ളി​ൽ ര​ണ്ടാ​മ​ത്തെ​യാ​ളാ​ണ് അ​മീ​ന. ചെ​റു​പ്പം മു​ത​ലേ പാ​ട്ടി​നോ​ട് ഇ​ഷ്ട​മു​ള്ള​യാ​ളാ​ണ് അ​മീ​ന. ഉ​പ്പൂ​പ്പ​യോ​ടൊ​പ്പം പാ​ട്ട് പാ​ടി വ​ള​ർ​ന്ന അ​മീ​ന​ക്ക് ന​ല്ലൊ​രു പാ​ട്ടു​കാ​രി​യാ​വാ​നാ​ണ് ആ​ഗ്ര​ഹം.

ഗ​സ്സ​യി​ലു​ള്ള​വ​ർ​ക്ക് വേ​ണ്ടി ത​നി​ക്കാ​വു​ന്ന​ത് ചെ​യ്യ​ണ​മെ​ന്ന ചി​ന്ത​യി​ൽ നി​ന്നാ​ണ് ഈ ​പാ​ട്ട് പാ​ടു​ന്ന​ത്. പ​ല രാ​ജ്യ​ങ്ങ​ളി​ൽ നി​ന്നും ഒ​രു​പാ​ട് പേ​ർ അ​മീ​ന​യു​ടെ പാ​ട്ട് കേ​ട്ട് അ​ഭി​ന​ന്ദ​ന​ങ്ങ​ൾ അ​റി​യി​ച്ചി​ട്ടു​ണ്ട്. അ​റ​ബി പാ​ട്ടു​ക​ൾ മാ​ത്ര​മ​ല്ല മ​ല​യാ​ളം പാ​ട്ടു​ക​ൾ​ക​ളും അ​മീ​ന ത​ന്റെ ഇ​ൻ​സ്റ്റ​ഗ്രാം അ​ക്കൗ​ണ്ടി​ലൂ​ടെ പാ​ടി പ​ങ്കു​വെ​ച്ചി​ട്ടു​ണ്ട്.

നാ​ട്ടി​ൽ നി​ന്നും പ​ല​രും സ​ന്തോ​ഷം രേ​ഖ​പ്പെ​ടു​ത്തി​യി​ട്ടു​ണ്ടെ​ന്നും ഇ​ത് ത​നി​ക്ക് വ​ള​രെ സ​ന്തോ​ഷം ന​ൽ​കു​ന്നെ​ന്നും അ​മീ​ന പ​റ​യു​ന്നു. ഫ്രാ​ൻ​സി​ൽനി​ന്ന് ട്രി​നി​ക്സ് മ്യൂ​സി​ക് എ​ന്ന മി​ല്യ​ൺ ഫോ​ളോ​വേ​ഴ്‌​സു​ള്ള ഡി.​ജെ ബാ​ൻ​ഡ് അ​മീ​ന​യു​ടെ പാ​ട്ടു​മാ​യി കൊ​ളാ​ബ് ചെ​യ്ത് വീ​ഡി​യോ പോ​സ്റ്റ് ചെ​യ്തി​രു​ന്നു.