ഇതൊക്കെയെന്ത്​... തിളച്ച എണ്ണയിൽ നിസാരമായി കൈമുക്കുന്ന പാചകക്കാരൻ -വിഡിയോ

ജയ്പൂർ: പക്കോഡ ഉണ്ടാക്കുന്നതിനിടെ തിളക്കുന്ന എണ്ണയിൽ നിസാരമായി കൈമുക്കി പാചകക്കാരൻ. ജയ്പൂരിലെ കിസാൻ പക്കോഡ വാല എന്ന പേരിലറിയപ്പെടുന്ന റോഡരികിലെ തട്ടുകടക്കാരനാണ്​ ഇപ്പോൾ സമൂഹമാധ്യമങ്ങളിൽ വൈറൽ.

മുംബൈയിലെ ഒരു ഫുഡ്​വ്ലോഗറാണ്​ ഇൗ 'അയൺ മാനിന്‍റെ' വിഡിയോ പകർത്തി ഇന്‍സ്റ്റഗ്രാമിൽ പങ്കുവെച്ചത്​. ജയ്പൂരിലെ 'ചൂട് തെളിയിച്ച' പാചകക്കാരൻ എന്ന വിശേഷണം നൽകിയാണ് വ്ലോഗർ വീഡിയോ പങ്കുവെച്ചിരിക്കുന്നത്.

പക്കോഡ പൊരിക്കുന്നതിനിടെ തിളച്ച എണ്ണയിൽ കൈമുക്കി നോക്കുകയാണ്​ പാചകക്കാരൻ. കയ്യിൽ ചൂടേറ്റതിന്‍റെ പൊള്ളലോ പാടുകളോ കാണാനില്ല. ശേഷം പ​ക്കോഡ പൊരിച്ച്​ പ്ലേറ്റിലാക്കുന്നുണ്ട്​ ഇയാൾ. ഫുഡ്​ വ്ലോഗർ പക്കോഡ രുചിക്കുന്നതും വിഡിയോയിൽ കാണാം. നിമിഷ നേരം കൊണ്ട് ലക്ഷകണക്കിന്​ പേരാണ്​ വിഡിയോ കണ്ടത്​.