കോപ്​ 26 ഉച്ചകോടിക്കിടെ ഉറങ്ങി ബൈഡൻ; വിഡിയോ ഏറ്റെടുത്ത്​ സമൂഹമാധ്യമങ്ങൾ

കാലാവസ്​ഥ വ്യതിയാനവുമായി ബന്ധപ്പെട്ട കോപ്​ 26 ഉച്ചകോടിക്കിടെ വൈറലായി യു.എസ്​ പ്രസിഡൻറ്​ ജോ ബൈഡന്‍റെ ഉറക്കം. പ്രസംഗത്തിനിടെ കസേരയിൽ ബൈഡൻ കണ്ണടച്ചിരിക്കുന്ന ദൃശ്യങ്ങൾ സമൂഹമാധ്യമങ്ങളിൽ വൈറലായി.

വാഷിങ്​ടൺ പോസ്റ്റ്​ റിപ്പോർട്ടറാണ്​ ആദ്യം വിഡിയോ സമൂഹമാധ്യമങ്ങളിൽ പങ്കുവെച്ചത്. പിന്നീട്​ സമൂഹമാധ്യമങ്ങൾ ഏറ്റെടുത്തു. കേൾവിക്കാരനായി കസേരയിൽ ബൈഡൻ ഇരിക്കുന്നത്​ വിഡിയോയിൽ കാണാം. പ്രസംഗം തുടങ്ങുന്നതോടെ ബൈഡൻ ഉറങ്ങുകയായിരുന്നു. സെക്കന്‍റുകൾക്കുള്ളിൽ സഹായി ബൈഡനെ സമീപിക്കുന്നതും ഇതോടെ ബൈഡൻ കണ്ണുതുറന്ന്​ പ്രസംഗം വീക്ഷിക്കുന്നതും വിഡിയോയിൽ കാണാം. പ്രസംഗം അവസാനിക്കു​േമ്പാൾ കൈയടിക്കുന്നതും വിഡിയോയിലുണ്ട്​.

യു.എസ്​ ചരിത്രത്തിലെ ഏറ്റവും പ്രായം കൂടിയ പ്രസിഡന്‍റാണ്​ ജോ ബൈഡൻ. ഇൗ മാസം അദ്ദേഹത്തിന്​​ 79 തികയും. അതേസമയം മാനസികമായും ശാരീരികമായും യു.എസ്​ പ്രസിഡൻറ്​ സ്​ഥാനത്തിന്​ ബൈഡൻ ഫിറ്റ​ല്ലെന്നായിരുന്നു വിമർശകരുടെ പ്രതികരണം.

കാലാവസ്​ഥ വ്യതിയാനത്തെ തുടർന്ന്​ ലോകത്തുണ്ടാകുന്ന വിപത്തുകൾ വിശകലനം ചെയ്യാനും അടിയന്തര നടപടികൾ സ്വീകരിക്കാനും ലക്ഷ്യംവെച്ച്​ ഐക്യരാഷ്​ട്രസഭയുടെ നേതൃത്വത്തിൽ നടക്കുന്നതാണ്​ കോപ്​ 26 സമ്മേളനം. 120 ഓളം രാജ്യങ്ങളിലെ പ്രതിനിധികൾ ഉച്ചകോടിയിൽ പ​െങ്കടുക്കുന്നുണ്ട്​. സ്​കോട്​ലാൻഡ്​ നഗരമായ ഗ്ലാസ്​ഗൗവിലാണ്​ കോപ്​ 26 ഉച്ചകോടി.