'ഇത്​ മോദിയും അമിത്​ ഷായും​ അംബാനിയും'; കർഷകർക്ക്​ പിന്തുണയേകി അച്ഛൻ വരച്ച ചിത്രം വിവരിച്ച്​ കൊച്ചുമിടുക്കി

അമൃത്​സർ: കർഷകരുടെ പ്രക്ഷോഭം ഒട്ടും​ ശക്​തി കുറയാതെ തുടരുന്ന സാഹചര്യത്തിലും കേന്ദ്രം അവരോട്​ സ്വീകരിക്കുന്ന സമീപനത്തെ രൂക്ഷമായാണ്​ പലരും വിമർശിക്കുന്നത്​. സമാധാനപരമായി സമരം നടത്തുന്ന കർഷകർ മർദിക്കപ്പെട്ട സംഭവങ്ങളുമുണ്ടായി. കർഷർ റിപബ്ലിക്​ ദിനത്തിൽ നടത്തിയ ചരിത്രപരമായ ട്രാക്​ടർ റാലിയെ പോലും തകർക്കാൻ മനഃപ്പൂർവ്വം ചിലർ ശ്രമം നടത്തിയിരുന്നു.

കർഷകർക്കും അവരുടെ പ്രക്ഷോഭത്തിനും ലോകമെമ്പാടുമുള്ള ഇന്ത്യക്കാർ പലരീതിയിൽ പിന്തുണയറിയിക്കുന്നുണ്ട്​. സിനിമാ താരങ്ങളടക്കമുള്ള പ്രമുഖർ സമൂഹ മാധ്യമങ്ങളിലൂടെ തങ്ങളുടെ അകമഴിഞ്ഞ പിന്തുണ പരസ്യമായി പ്രകടിപ്പിച്ചിരുന്നു​. എന്നാൽ, കർഷകരുടെ സമരത്തിന്​ അനുഭാവം പ്രകടിപ്പിച്ചുകൊണ്ട്​ ഒരു ചിത്രകാരൻ വരച്ച മനോഹരമായ ചിത്രം അദ്ദേഹത്തി​െൻറ മകൾ വിശദീകരിക്കുന്ന വിഡിയോ ആണ്​ ഇപ്പോൾ സമൂഹ മാധ്യമങ്ങളിൽ ഇഷ്​ടം സമ്പാദിക്കുന്നത്​. ചിത്രത്തിലൂടെ ത​െൻറ പിതാവ്​ എന്താണ്​ ഉദ്ദേശിക്കുന്നതെന്ന്​ സ്​കൂൾ വിദ്യാർഥിനിയായ അവൾ കാമറക്ക്​ മുന്നിൽ നിന്ന്​ പതറാതെ വിവരിക്കുകയാണ്​.

View this post on Instagram

A post shared by Portrait of a nation on fire (@thelotuswatch)

'അതെ​െൻറ അച്ഛൻ വരച്ച ചിത്രമാണ്​. ഞാൻ നിങ്ങൾക്ക്​ കാണിച്ചുതരാം. ഇതിൽ മൂന്ന്​ പാമ്പുകളുണ്ട്​. ഇൗ കലപ്പയെ ചുറ്റിവരിഞ്ഞ്​ നിൽക്കുന്ന പാമ്പാണ്​ മോദി. അതിനാൽ കർഷകന്​ അത്​ ഉപയോഗിക്കാൻ സാധിക്കുന്നില്ല. (വലതുകൈയ്യിൽ ചുറ്റിവരിഞ്ഞ്​ നിൽക്കുന്ന പാമ്പിനെ ചൂണ്ടിക്കൊണ്ട്)​ -ഇത്​ അമിത്​ ഷാ, സിഖുകാരെ മതിക്കാത്ത വ്യക്​തി. ആരും ഭക്ഷണം കഴിക്കേണ്ട എന്ന നിലപാടിലാണ്​ അദ്ദേഹം. കർഷക​െൻറ കാലിനെ അള്ളിപ്പിടിച്ചിരിക്കുന്ന മൂന്നാമത്തെ പാമ്പാണ്​ അംബാനി. നോക്കൂ.. കർഷകൻ അതിനെയെല്ലാം മറികടന്ന്​ ഉറച്ചു നിൽക്കുകയാണ്​.

ശേഷം കർഷകന്​ പിറകിലായി വരച്ചിരിക്കുന്ന ഇന്ത്യയുടെ ഭൂപടത്തിലേക്കാണ്​ പെൺകുട്ടി ശ്രദ്ധ ക്ഷണിക്കുന്നത്​. അതിൽ പഞ്ചാബും കശ്​മീറുമൊഴിച്ച്​ ഭാക്കിയെല്ലാ സംസ്ഥാനങ്ങളും കറുത്ത നിറത്തിലാണ്​. അതുകൊണ്ട്​ തന്നെ പഞ്ചാബും കശ്​മീറുമൊഴിച്ചുള്ള​ സംസ്ഥാനങ്ങളെല്ലാം അവരിൽ നിന്ന്​ സുരക്ഷിതമല്ലെന്നും ' -അവൾ പറയുന്നു.