![Mauricio Gomez Mauricio Gomez](https://www.madhyamam.com/h-upload/2021/03/16/924828-man-tattooed-instagram-page-qr-code-on-neck-later-realises-it-doesnt-work.webp)
ഇൻസ്റ്റഗ്രാം ക്യു ആർ കോഡ് കഴുത്തിൽ പച്ചകുത്തി യുവാവ്; പിന്നീട് 'വർക്ക് ചെയ്യുന്നില്ലേയെന്ന് ഒരു സംശയം'
text_fieldsഇൻസ്റ്റഗ്രാമിലും ട്വിറ്ററിലും ഫേസ്ബുക്കിലുമെല്ലാം ഫോേളാവേഴ്സിന്റെ എണ്ണം കൂട്ടാൻ എന്ത് ചലഞ്ചും ഏറ്റെടുക്കുന്നവരാണ് പുതുതലമുറ. അത്തരത്തിൽ ഫോളോവേഴ്സിന്റെ എണ്ണം കൂട്ടാൻ ഇറങ്ങിത്തിരിച്ച ഒരു യുവാവിന് കിട്ടിയത് മുട്ടൻ പണിയും.
കണ്ടുമുട്ടുന്നവരെല്ലാം തന്റെ ഇൻസ്റ്റഗ്രാമിൽ ഫോളോ ചെയ്യാനായി കഴുത്തിൽ പേജിന്റെ ക്യു ആർ കോഡ് പച്ച കുത്തുകയായിരുന്നു മൗറീഷ്യോ ഗോമസ്. കഴുത്തിലെ ക്യു ആർ കോഡ് സ്കാൻ ചെയ്താൽ ലാ ലിയാൻഡ്ര എന്ന മൗറീഷ്യോയുടെ ഇൻസ്റ്റഗ്രാം പേജിെലത്തും. കഴുത്തിൽ പച്ച കുത്തിയ ക്യു ആർ കോഡ് പങ്കുവെക്കുന്ന മൗറീഷ്യോയുടെ വിഡിയോ വൈറലാകുകയും ചെയ്തു. അഞ്ച് മില്ല്യൻ ഫോളോവേഴ്സാണ് ലാ ലിയാൻഡ്ര പേജിനുള്ളത്.
നേരത്തേ പച്ച കുത്തിയ കഴുത്തിന്റെ ഭാഗം കാണിച്ച ശേഷമാണ് കഴുത്തിന്റെ പിറകിൽ ക്യൂആർ കോഡ് പച്ചക്കുത്തിയത് മൗറീഷ്യോ വിഡിയോയിൽ കാണിക്കുന്നത്. നിരവധി പേർ മൗറീഷ്യോയെ അഭിനന്ദിച്ചും രംഗത്തെത്തിയിരുന്നു.
ക്യു ആർ കോഡ് സ്കാൻ ചെയ്താൽ ഇൻസ്റ്റഗ്രാം േപജിലെത്തുമായിരുന്നെങ്കിൽ ആഴ്ചകൾ കഴിഞ്ഞതോടെ പച്ചകുത്തിയ ക്യൂ ആർ കോഡ് വർക്ക് ചെയ്യുന്നില്ലെന്ന സത്യം മൗറീഷ്യോ മനസിലാക്കുകയായിരുന്നു. തുടർന്ന് വിവരം സുഹൃത്ത് കാർലോസ് റാമോസുമായി മൗറീഷ്യോ പങ്കുവെച്ചു.
ഇതോടെ ക്യൂ ആർ കോഡ് നേരത്തേ വർക്ക് ചെയ്തിരുന്നോ അതോ കബളിച്ചതാണോ എന്ന സംശയം പങ്കുവെച്ച് ഫോളോവേഴ്സ് രംഗത്തെത്തുകയും ചെയ്തു. തൊലിയിലുണ്ടായ വ്യത്യാസമോ അല്ലെങ്കിൽ നിറം മങ്ങിയതോ ആകാം ക്യൂ ആർ കോഡ് വർക്ക് ചെയ്യാത്തതെന്നും ചിലർ പറയുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.