മുറംപോലെ പരത്തി നെയ്യിൽ പൊരിച്ചെടുക്കുന്ന ഭീമൻ 'ഹൽവ പൊറോട്ട' -വൈറൽ വിഡിയോ

മുംബൈ: മുന്തിയ ഭക്ഷണശാലയിലെയും വഴിയോര ഭക്ഷണ ശാലയി​െലയും പ്രധാന താരമാണ്​ പൊറോട്ട. പൊറോട്ടയും ബീഫും പൊറോട്ടയും ചിക്കനുമെല്ലാമാണ്​ സ്​ഥിരമായി കണ്ടുവരുന്ന കോമ്പിനേഷനെങ്കിൽ ഇവിടുത്തെ കോംബോ ഹൽവയാണ്​. മുംബൈ വഴിയോര ഭക്ഷണശാലയിലെ 'ഹൽവ പൊറോട്ട'ക്ക്​ സമൂഹമാധ്യമങ്ങളിൽ ആരാധകരേറെയാണ്​.

ഏകദേശം മുറത്തിന്‍റെ വലിപ്പംവരും ഈ പൊറോട്ടക്കെന്നതാണ്​ മറ്റൊരു പ്രത്യേകത. പാചകക്കാരൻ വലിയൊരു ചട്ടിയിൽ നെയ്​ ചൂടാക്കി, നൈസായി പരത്തി കൈയിൽ വിടർത്തി പിടിച്ചിരിക്കുന്ന പൊറോട്ട മാവ്​ അതിലേ​ക്കിടും. വലിയൊരു ചട്ടിയുടെ വലിപ്പമാണ് ​പൊറോട്ടക്കും.

ചട്ടിയിൽ തിങ്ങി നിറയുന്ന പൊറോട്ടയുടെ രണ്ടുവശവും നന്നായി മൊരിഞ്ഞശേഷം മറ്റൊരു വലിയ പാത്രത്തിലേക്ക്​ മാറ്റും. ഇതോടെ നെയ്യിൽ ​പൊരിച്ച പൊറോട്ടക്ക്​ സ്വർണ നിറമാകും. നാലാക്കി മടക്കി ഹൽവ​യോടൊപ്പം കഴിക്കാനാണ്​ പൊറോട്ട നൽകുക. ഹൽവ കൂടാതെ നട്ട്​സും ഡ്രൈ ഫ്രൂട്ട്​സും ഇവക്കൊപ്പം നൽകും.

സ്​ട്രീറ്റ്​ ഫുഡ്​ റെസിപ്പീസ്​ എന്ന ഫേസ്​ബുക്ക്​ പേജി​ൽ പോസ്റ്റ്​ ​ചെയ്​ത ഹൽവ പൊ​േറാട്ടയുടെ വിഡിയോ ലക്ഷകണക്കിന്​ പേരാണ്​ കണ്ടത്​.