മൈക്കിളപ്പനായി പിണറായി; പാർട്ടി കോൺഗ്രസിലെ 'ആ... ചാമ്പിക്കോ' വൈറൽ -VIDEO

തരംഗമായി മാറിയ ഭീഷ്മപർവത്തിലെ മൈക്കിളപ്പനായി മുഖ്യമന്ത്രി പിണറായി വിജയൻ. സി.പി.എം പാർട്ടി കോൺഗ്രസിനിടയിലെ ഫോട്ടോ സെഷനാണ് അണികൾ ഏറ്റെടുത്ത് ട്രെൻഡിങ്ങാക്കിയത്.

കേരളത്തിൽ നിന്നുള്ള 178 പ്രതിനിധികൾ ചേർന്നാണ് ഫോട്ടോഷൂട്ട് നടത്തിയത്. ഫോട്ടോയെടുക്കാൻ എല്ലാവരും എത്തിച്ചേർന്നതിന് ഒടുവിലാണ് മുഖ്യമന്ത്രി എത്തിയത്. ഈ ദൃശ്യങ്ങൾ കൂട്ടിച്ചേർത്ത് 'ചാമ്പിക്കോ' ബാക്ക്ഗ്രൗണ്ട് കൂടി നൽകിയാണ് സമൂഹമാധ്യമങ്ങളിൽ പ്രചരിക്കുന്നത്.

കോടിയേരി ബാലകൃഷ്ണൻ, എസ്. രാമചന്ദ്രൻപിള്ള, എം.എ. ബേബി തുടങ്ങിയ നേതാക്കളെല്ലാം മുൻനിരയിൽ തന്നെയുണ്ട്. മന്ത്രി കെ. രാധാകൃഷ്ണൻ ഉൾപ്പെടെ നിരവധി പേർ മുഖ്യമന്ത്രി മൈക്കിളപ്പനായ 'ചാമ്പിക്കോ' വിഡിയോ പങ്കുവെച്ചുകഴിഞ്ഞു.