![ഹെലിക്കോപ്റ്ററിൽ തൂങ്ങി പുൾ-അപ്സ്; ഗിന്നസ് റെക്കോർഡ് അടിക്കാൻ യൂട്യൂബേഴ്സ് ചെയ്തത് കണ്ടോ...! ഹെലിക്കോപ്റ്ററിൽ തൂങ്ങി പുൾ-അപ്സ്; ഗിന്നസ് റെക്കോർഡ് അടിക്കാൻ യൂട്യൂബേഴ്സ് ചെയ്തത് കണ്ടോ...!](https://www.madhyamam.com/h-upload/2022/08/06/1697184-pull-up-challenge.webp)
ഹെലിക്കോപ്റ്ററിൽ തൂങ്ങി പുൾ-അപ്സ്; ഗിന്നസ് റെക്കോർഡ് അടിക്കാൻ യൂട്യൂബേഴ്സ് ചെയ്തത് കണ്ടോ...!
text_fieldsഒരു മിനിറ്റിൽ നിങ്ങൾക്ക് എത്ര പുൾ-അപ്പ് എടുക്കാൻ കഴിയും..? ? 74 എണ്ണം പുഷ്പം പോലെഎടുത്ത ചൈനക്കാരനായ ഹോങ് ജോങ്ടൗക്കാണ് നിലവിൽ അതിന്റെ റെക്കോർഡ്. എന്നാൽ, ഹെലിക്കോപ്റ്ററിൽ തൂങ്ങിക്കൊണ്ട് ഒരു മിനിറ്റിൽ ഏറ്റവും കൂടുതൽ പുൾ-അപ് എടുത്തതിന്റെ ഗിന്നസ് റെക്കോർഡ് ആർക്കാണെന്ന് അറിയുമോ...?
നെതർലൻഡ്സിലുള്ള രണ്ട് യൂട്യൂബേഴ്സാണ് അപകടകരമായ ആ സാഹസത്തിന് മുതിർന്നത്. ഫിറ്റ്നസ് പ്രേമികളായ സ്റ്റാൻ ബ്രൗണിയും ആര്യൻ ആൽബേഴ്സും ബെൽജിയത്തിലെ ഹോവെനെൻ എയർഫീൽഡിൽ വെച്ചാണ് ഹെലിക്കോപ്റ്ററിൽ തൂങ്ങിയുള്ള പുൾ-അപ്പ് ചലഞ്ച് ചെയ്തത്. സ്റ്റാൻ ബ്രൗണി 25ഉം ആൽബേഴ്സ് 24ഉം പുൾ-അപ്പുകളാണ് 60 സെക്കന്റുകൾ കൊണ്ട് എടുത്തത്. അർമേനിയക്കാരനായ റോമൻ സഹ്രദ്യാന്റെ (23) റെക്കോർഡാണ് ഇരുവരും തകർത്തത്. എന്തായാലും സാഹസത്തിന്റെ വിഡിയോ ഇന്റർനെറ്റിൽ വൈറലാണ്.
സാധാരണ പുൾ-അപ്പുകൾ നിസ്സംശയമായും കഠിനമാണ്, എന്നാൽ ഹെലിക്കോപ്റ്ററിൽ നിന്നുള്ള പുൾ-അപ്പുകൾ അതിലേറെ വെല്ലുവിളി ഉയർത്തുന്നു, കാരണം അതിന്റെ ബാറുകൾ മറ്റുള്ളവയെ അപേക്ഷിച്ച് കട്ടിയുള്ളതാണ്. -ഗിന്നസ് വേൾഡ് റെക്കോർഡ്സുമായുള്ള സംഭാഷണത്തിൽ, ഇരുവരും പറഞ്ഞു.
കയറിൽ പിവിസി ട്യൂബുകൾ കെട്ടിയായിരുന്നു ഇരുവരുടെയും പരിശീലനം. ഹെലിക്കോപ്റ്ററിൽ തൂങ്ങിയുള്ള സാഹസത്തിനായി രണ്ടാളെയും സജ്ജമാക്കുന്നതിനായിരുന്നു അങ്ങനെ ചെയ്തത്. പൂർണത കൈവരിക്കാനായി പരിശീലന സമയത്ത് അവർ ഹെലികോപ്റ്റർ വാടകയ്ക്കെടുക്കുകപോലും ചെയ്തതായി റിപ്പോർട്ടുണ്ട്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.