സ്​റ്റൈൽ മന്നന്‍റെ 'വീഴ്ച' ആഘോഷിച്ച്​ നെറ്റിസൺസ്​ -വൈറൽ വിഡിയോ

സിനിമ -കായിക - രാഷ്​ട്രീയക്കാരുടെ ഡ്യൂപ്പുകൾ മുന്നിലെത്തു​േമ്പാൾ അതിശയത്തിനൊപ്പം ചിരിയും നിറക്കും. എന്നാൽ, രാജ്യത്തുതന്നെ ഏറ്റവും കൂടുതൽ ആരാധകരുള്ള താരമായ സ്​റ്റൈൽ മന്നൻ രജനികാന്തിന്‍റെ ഡ്യൂപ്പ്​ വേദിയിലെത്തിയ​േപ്പാൾ ആദ്യം അതിശയമായിരുന്നുവെങ്കിൽ പിന്നീട്​ പൊട്ടിച്ചിരിയാവുകയായിരുന്നു.

രജനികാന്തിന്‍റെ വേഷവും ആക്ഷനുമായി വേദിയിലെത്തിയയാൾക്ക്​ കാണികളെ വിനോദിപ്പിക്കുന്നതിനിടെ പറ്റിയ അബദ്ധമാണ്​ ചിരി പടർത്തുന്നത്​. രജനികാന്തിന്‍റെ ആക്ഷൻ അവതരിപ്പിക്കുന്നതിനിടെ കസേര കാലുകൊണ്ട്​ തട്ടിതെറിപ്പിക്കുന്നതാണ്​ ദൃശ്യം.

എന്നാൽ കസേര തട്ടിത്തെറിപ്പിക്കുന്നതോടെ കസേരയുടെ നടുഭാഗം തകർന്ന്​ കാലുകുടുങ്ങി വീഴുകയായിരുന്നു. തട്ടിവീണതോടെ ആളുകൾ ഇയാളെ എഴുന്നേൽപ്പിക്കാനായി ശ്രമിക്കുന്നതും വിഡിയോയിൽ കാണാം.

എവിടെ -എന്നാണ്​ സംഭവ​െമന്ന കാര്യം വ്യക്തമല്ല. ഇൻസ്റ്റഗ്രാമിൽ വൻതോതിൽ പ്രചരിച്ച വിഡിയോ ലക്ഷക്കണക്കിന്​ പേരാണ്​ ഇതിനോടകം കണ്ടത്​.