ലോകത്തിലെ നീളമേറിയ നഖങ്ങൾ 30 വർഷത്തിനുശേഷം അയന്ന മുറിച്ചുകളഞ്ഞു; കാരണമിതാണ്​ - വിഡിയോ

തന്‍റെ നഖങ്ങൾ വെട്ടിമാറ്റു​േമ്പാൾ അയന്ന വില്യംസ്​ കരച്ചിലടക്കാൻ പാടുപെടുകയായിരുന്നു. താൻ 30 വർഷം കൊണ്ട്​ നീട്ടിവളർത്തിയ കൈവിരലിലെ നഖങ്ങൾ ശരീരത്തിൽനിന്ന്​ വീട്ടു​േപാകു​േമ്പാൾ അവർക്കെങ്ങനെ കരയാതിരിക്കാനാവും​.

ലോകത്തിലെ ഏറ്റവും നീളമുള്ള നഖങ്ങൾ എന്ന ഗിന്നസ്​ ​റെക്കോർഡ്​ കഴിഞ്ഞദിവസം ​വരെ അയന്നക്കായിരുന്നു. 2017ലാണ്​ ഇവർ റെക്കോർഡ്​ മറകടന്നത്​. അന്ന്​ അവയുടെ നീളം 19 അടിയും 10.9 ഇഞ്ചുമായിരുന്നു. ഈ നഖങ്ങൾ മനോഹരമാക്കാൻ രണ്ട് കുപ്പി നെയിൽ പോളിഷ് വേണമായിരുന്നു.

ക​ഴിഞ്ഞദിവസം ഈ നഖങ്ങൾ മുറിക്കു​േമ്പാൾ അവയുടെ നീളം 24 അടി 0.7 ഇഞ്ചായിരുന്നു. ഡെർമറ്റോളജി വിഭാഗം ഡോക്​ടർ ആലിസൺ റീഡിംഗർ ഇലക്ട്രിക് റോട്ടറി ഉപകരണം ഉപയോഗിച്ചാണ് ഇവ മുറിച്ചുമാറ്റിയത്​. 1990കളുടെ തുടക്കം മുതലാണ്​ ഇവർ കൈവിരലിലെ നഖം വളർത്താൻ ആരംഭിച്ചത്​. അതിനുശേഷം കഴിഞ്ഞദിവസമാണ്​ ആദ്യമായി ഇവ വെട്ടുന്നത്​.

ടെക്സസിലെ ഹ്യൂസ്റ്റൺ നിവാസിയാണ് അയന്ന വില്യംസ്. കൂടുതൽ നഖപ്രേമികളെ ഗിന്നസ് വേൾഡ് റെക്കോർഡിനായി പ്രോത്സാഹിപ്പിക്കുന്നതിന്‍റെ ഭാഗമായാണ്​ തന്‍റെ നഖങ്ങൾ ഒഴിവാക്കിയതെന്ന്​ അയന്ന പറയുന്നു.

അതേസമയം, ലോകത്തിലെ ഏറ്റവും നീളമേറിയ നഖമുണ്ടായിരുന്നത് യു.എസിലെ യൂട്ടയിൽ നിന്നുള്ള ലീ റെഡ്മണ്ടിന്‍റിനായിരുന്നു. 28 അടിയായിരുന്നു ഗിന്നസ്​ റെക്കോർഡ്​ നേടു​േമ്പാഴുള്ള നീളം. നിർഭാഗ്യവശാൽ 2009ലുണ്ടായ വാഹനാപകടത്തിൽ റെഡ്മണ്ടിന് നഖങ്ങൾ നഷ്​ടപ്പെട്ടു.

View this post on Instagram

A post shared by Guinness World Records (@guinnessworldrecords)